千葉鳥

营业中

休息中

之前都有黎呢間日式餐廳食過午餐😆覺得唔錯👍🏻咁啱黎開附近做gym就試下佢嘅dinner😌呢度嘅裝修好靚，又門面到內面都好似置身日本居酒屋咁🤩座位都坐得舒服👍🏻🥢醬油漬牛舌拉麵🐮👅🍜 $75呢度嘅牛舌一向都好有水準，今次都唔例外，好爽口🤤湯底超級推薦揀麻辣湯，係好香但唔太辣😻爭d飲晒個湯🙈拉麵軟硬度適啱啱好👍🏻🥢串燒托羅雞肉(2串)🐔 $28串燒都幾抵🙊因為佢嘅雞肉好大粒，而且好軟熟，唔會燒到乾晒，食落都juicy🐥🥢牛肉火鍋🐮🍲 $105呢個火鍋係壽喜燒湯底，牛肉份量好多，而且唔太肥😻入面仲有好多配料，粉絲、秋葵、娃娃菜、豆腐、羽衣甘藍🥬、菇同埋洋蔥🧅湯底唔會太鹹，甜甜地同牛肉好夾～🥢極上壽司盛合🍣 $158總共有12件壽司加一個厚燒玉子🤤性價比好高🫶🏻入面嘅壽司都係鍾意食嘅款式🥰有海膽壽司，唔腥嘅🤤三文魚都好新鮮😻吞拿魚蓉反卷入面配青瓜絲，口感好好😋

為左參觀閨蜜新居，好少入大西北既我都入一入黎，然後佢帶左我黎呢間居酒屋食飯～呢到既裝修都有心思，真係似日本居酒屋既格局，食物種類都幾多，壽司、刺身、燒物、串燒、鍋物、烏冬拉麵、丼飯都有，價錢都幾親民既，而我地今晚想食壽司多啲😬😬極上壽司盛合 ($158)9件壽司、3件卷物、1件玉子整體黎講壽司種類都幾多，壽司飯都押得夠實，唔係用普通既壽司醋，應該用左赤醋，味道更好。三文魚花之戀壽司 ($39)閨蜜話好想食花之戀壽司😆三文魚都幾肥美，食落重油脂味，仲有滿到瀉既蟹子，大滿足。三文魚三寶飯 ($69)閨蜜係三文魚控，我就投其所好陪佢食啦😆三文魚都有好多片，紋路清晰，油脂香濃，仲有魷魚粒、章魚沙律、蟹子，成個刺身丼飯好豐富呀！原味燒日本廣島生蠔 ($47)除左原味燒，仲有芝士焗生蠔、吉列蠔、即開生蠔選擇，而我地想食有燒過既，味道都OK。串燒秋葵 ($19)燒得都唔錯，加上木魚絲，味道更可口。串燒雞軟骨 ($29)燒得幾金黃色幾平均，每粒都大大粒，有嚼勁，咸咸地都幾好食。整體黎講價錢夠親民，又有多種日本料理選擇，都有時令、限定既食物推介，坐得又舒服，氣氛又幾好👍🏼

今日同老友黎試呢間係天澤商場入面既居酒屋，原來係同頌富商場果間天鳥係同一間公司黎，果陣試過都叫做唔錯，價錢都唔貴，一般而言係旺區食居酒屋就多數都偏貴，而呢間開係屋村商場入面既價錢同質素又如何呢？今日就試一試。入到去都會俾個好有型既口罩袋你，即場用又得收埋又得。極上壽司盛合先黎個壽司拼盤打個底，壽司質素就比較一般啦，2件拖羅唔夠鮮味，顏色都唔夠光澤，新鮮度一般，海膽睇落幾靚，食落都有明礬味，北奇貝同帆立貝果d都正常啦，吞拿魚蓉卷加左少少好似炸天婦羅皮咁既野食落口感脆脆地又幾有驚喜，玉子燒都幾甜，$158黎講有十幾件壽司呢個質素算係ok啦。串燒雞頸肉呢味串燒平時比較少見，雞頸肉幾嫩滑，調味都唔錯。串燒7味雞脾肉雞脾肉加上7味粉，唔洗多講都一定香口好食啦。串燒鹿兒島和牛粒食和牛相對就會貴少少，和牛脂肪比例都幾多，口感淋滑，配埋d蒜片同芥末籽醬一齊食。串燒西班牙豬肋條口感同肉味都幾出，唔會燒得好乾，另都跟上芥末籽醬。燒黃花魚一夜干去親居酒屋最喜歡就係食燒魚，但今次呢條黃花魚其實唔係差，魚幾大條，魚皮都燒得幾香脆，不過可能肉較為厚用同調味不足我覺得唔太岩口味。鱈魚干送酒一流既鱈魚干，食落都少少脆

食店位於天水圍北領展天澤商場內一樓，說真的，這家店可算是天北最高質日本菜了。領展商場一向只有連鎖餐廳進駐，閒時有一兩家小店，通常都是頹頹的。而千葉鳥則從裝修、服務至美食也能看出食店滿滿的誠意，在天澤商場裡別樹一格，站穩陣腳。不過以午餐來說，價值不算平民價，平均$60左右，街坊未必能常常來吃吧。裝修還可以:  這裡星期一至日都提供Lunch Set，套餐包括一飯/麵+小食/飲品，相當豐富。而Lunch Set 選擇亦非常多，起碼40個選擇，提供一般和式熟食及魚生飯等，適合一家大小來用餐。今次我們就點了 特大海赤蝦海鮮飯 ($92) 及 極上壽司盛合 ($130)首先先說說 特大海赤蝦海鮮飯 ($92)很大一碗，材料超豐富。海赤蝦亦是很大一隻，味道鮮甜，多汁爽口!這個飯材料之多令我相當驚喜，我特地將每件海鮮都放在碟上以作盤點，總共六樣海鮮，另有薑片、及沙律作伴碟。海鮮有: 蝦、厚切三文魚、希靈魚、八爪魚、黃金魷魚、生芥辣八爪魚撥開厚厚的食材，以飯素點綴珍珠飯，增添整個飯的層次感，飯素次美味使得我把米飯都吃得一粒不留。極上壽司盛合 ($130)9件壽司+3件卷物還是很鮮甜的刺身壽司，不過刺身

遠道到天水圍探朋友 朋友推介一間裝修食物都唔錯既日本餐廳 估唔到屋村商場都會有驚喜午市餐牌好多選擇 套餐仲可選小食或飲品極上壽司盛合有9件壽司 3件卷物估唔到壽司盛合竟然會有海膽 海膽食落唔腥 🥚玉子厚身甜甜地 🐠火炙左口魚夠香口 香蔥吞拿蓉卷物中間包左啲脆脆 口感幾豐富 🍣三文魚魚籽等等整體幾新鮮 🦐係蝦同八瓜魚乾左啲套餐小食 抹茶控就揀咗綠茶蕨餅蕨餅軟熟有咬口 淡淡綠茶香 唔係抹茶既路線芝士年糕新鮮炸起 熱騰騰 外脆內軟 年糕偏軟熟 而唔係我鍾意煙韌既口感🧀芝士份量十足好流心雙重芝士海鮮大蝦反卷賣相好吸引 🧀面頭舖滿芝士 但沙律味偏重 🍤包係入面既大蝦熱辣辣好脆身 果然係即叫即製新鮮炸餐廳座位舒適寬落 食物質素唔差 店員服務態度好好 會不停加水