栢檔極品海南雞飯

营业中

休息中

其實我成日幫襯栢檔極品海南雞飯，不過主要都係買外賣嘅海南雞，今日收工約咗老公喺淘大睇電器，就索性喺呢度食埋晚飯先返屋企。我哋呢啲懶人最鍾意就係叫套餐，呢度嘅二人套餐相當豐富，基本上夠三個人食，都只係$220，絕對超值。午餐當然要有佢哋嘅招牌菜極品海南雞，半隻嘅份量都幾多，老公鍾意食雞胸，我就鍾意食雞髀，永冇嗌交，老公話佢嘅雞胸都已經好似雞髀咁滑，如果雞髀就真係滑上加滑。而佢都會跟三款醬料，包括有黑豉油、薑蔥同辣汁，味道夠晒正宗，就算叫外賣佢都會有齊3款醬汁提供，所以我哋平時咁鍾意外賣佢嘅海南雞。食海南雞就當然要配返個雞油香飯，香得嚟又唔覺得油膩，仲要大大碗，兩碗真係夠晒三個人食。 套餐仲有另一款主食，三選一夠晒自由度，我哋就揀咗豬頸肉，燒得外皮香脆，斜切令豬頸肉大大塊，口感就更加一流。小食都係有得揀，我哋就揀咗香麻辣鳳爪，佢嘅辣度適中，每隻都爽口彈牙，而且佢嘅軟骨全部都食得，真正連骨都吞埋。套餐都不忘營養均衡，白灼健康翠綠時菜令新鮮嘅生菜保持翠綠，仲保持住生菜嘅清甜味。皇牌無味精靚湯係真材實料冇味精，入面仲有幾件紅蘿蔔，食埋就更加清潤。唔揀中湯亦都可以揀飲品，怡寶白咖啡同一般嘅港式咖啡

今日收工出九龍灣淘大花園食飯，呢間海南雞飯專門店主打無激素去骨海南雞，價錢都好大眾化，套餐都幾抵食，有齊主菜，老火湯，時菜同甜品～王牌無味精靚湯熱辣辣，都幾豐富足料，味道清甜又唔會太油膩，冇味精所以唔會越飲越口乾～ 🐣極品海南雞海南雞肉質嫩滑，外皮爽口而不油膩😋，肥瘦適中，雞皮與雞肉中間會搵到一層啫喱狀嘅膠原蛋白，配上專用三色醬，個人最鍾意配辣椒醬，酸酸辣辣好開胃，同海南雞最夾～ 配埋雞油香飯，好香雞油味又唔會油淋淋～🥬健康翠綠時菜山菜翠綠爽脆，都幾大碟，配上蠔油最夾～香煎手剁魚香肉餅份量好多，肉餅煎到好香又唔會太油～ 咬落去肉質軟嫩，味道鹹香～ 手剁令肉質較有彈性，又保持咬口，值得推薦👍🏻香麻辣鳳爪同普通泰式鳳爪味道唔同，味道香麻香辣，鳳爪起咗骨好爽脆，作為開胃小食非常合適～整體來講，食物質素唔錯，價錢親民～ 服務態度亦非常親切，姐姐上菜嘅時候都會提醒小心熱到燙口～ 地點方便，地鐵站行幾分鐘就到～

假日到淘大商場行街，到栢檔極品海南雞飯午餐，位於淘大商場一期地下G107號舖。 中午時段店內都幾多人，第一次到這裏用餐， 當然要食海南雞啦，午餐 ～ 一人套餐🍱 ( 極品海南雞、翠綠時菜🥬、 雪米糍一件、栢檔靚湯轉肉骨茶$10) $83 、 元蹄飯🍛$50、栢檔靚湯🥣$8、 咸檸七喜$14、熱白咖啡$18。 📍極品海南雞🍱🍚 ～ 海南雞肉質超嫩滑，皮薄爽滑， 雞味夠濃， 最方便就是已經去骨👍🏻。 📍雞油香飯🍚 ～ 食海南雞配雞油飯是最夾的，油飯散發著淡淡香味，好正。 📍翠綠時菜🥬 ～ 生菜口感爽脆，配上蠔油，脆嫩美味。📍肉骨茶🥣 ～ 肉骨茶味道特別濃厚， 湯料豐富，排骨燉得軟腍， 拌飯一起吃更加好味。 📍雪米糍🍧 ～ 套餐有粒迷你雪米糍，開心😚。 📍咸檸七喜🥤 ～ 套餐加14蚊可轉特飲， 咸檸七是一個好選擇。 📍元蹄飯🍛 ～ 元蹄肉嫩鬆化，皮夠爽滑， 整體味道甜香。 📍栢檔靚湯🥣 ～ 足料靚湯， 幾好味。 📍熱白咖啡☕ ～ 白咖啡味道都不錯。 推介海南雞， 爽嫩美味， 下次想食喇沙， 味道應該都不錯吧😊！🏷️溫馨提示～ 整個用餐體驗均屬個人分享意見， 只作參考😊。