八月居 (海港城) (已結業)

朋友請食飯，一行三人嚟食lunch 以前大學成日食九龍塘又一城間八月花，尖沙咀開咗間八月居，餐牌食物都差不多。蝦春卷賣相吸引，春卷邊點左飛魚子，點沙律醬脆卜卜，好食。椒鹽脆豆腐$55真係外脆內軟，再加埋炸蒜蓉粒，好惹味椒鹽脆魷魚炸漿好薄，幾好食，價錢合理，細細碟，可以試多幾款唔同食物。極品醬油炒飯 $128炒到一粒一粒，叫得極品醬油，真係好香。木桶豆腐花豆味香濃，好滑，我哋每人分到一碗有多，份量好多。懷舊小木童，好得意

朋友想搵間中菜地方聚餐傾計，因為朋友住香港九龍新界都有，最理想是中間點－尖沙咀！我哋叫咗椒鹽脆豆腐、安格斯牛肉沙律、秘製醬烤豬蹄、黑蒜蒜泥蒸勝瓜、醬油炒飯、茶燻鴨！ 有餸有飯，環境舒適，傾計一流，入到黎先知道佔地好大， 食物係好食， 上菜都好快手，每蝶菜造型都好靚，先講安格斯，愛吃牛的我比滿分，醬油炒飯粒飯汁有甜有鹹，炒得好好味！ 因朋友生日，叫咗個生果拿破崙做甜品，代替生日蛋糕，甜品要三催四請才出到，再催提供蠟燭，單哥哥姐姐，要努力，要提升素質，有進步空間！