聰嫂星級甜品 (已結業)

是日晚飯後意猶未盡，提議甜品宵夜，結果一致讚成，原本打算食蛋糕西點，去到已沽清打洋，轉移玉步就到咗聰嫂。經過一輪等侯，步入店內即聞到陣陣飄來榴槤之香，撲鼻誘惑之下飯腳們二話不說即點 榴槤水晶珠，雖然唔係自己親口試，不過見嘴刁友額頭已經寫上好味二字，細問味道表示幼身沙冰味道夠濃，碎冰混合榴槤肉攪成沙冰的比例恰到好處，其他店的味道往往會淡口多，沙冰上鋪鮮榴槤肉，入口倍增榴槤冰與肉的快感。因有咳嗽未清並希望秋冬時份滋潤一下，自己點 川貝圓肉燉雪梨，與榴槤相比，雪梨當然明顯清淡，清潤少甜正正是本晚所求，雪梨清甜，圓肉補脾益氣，甜密美味之餘又養生，冬天食滋潤甜品真係食完特別開心。

星期日要在銅鑼灣辦事，比預期早到，於是，走入甜品店吃甜品。中午1時多，不是很多人，很容易找到座位。看見鄰座食緊榴槤水晶珠，賣相不錯，照跟著點了此款甜品。味道清甜，有少量榴槤肉。

是日由灣仔接寶放學行落老銅打風前夕焗到熱屎辣辣我地兩個都大汗疊細汗，於是乎就去到永遠長龍既聰嫂食個冰，降下體溫今日聰嫂依舊有龍，一心諗住唔使排隊既我地大叫唔係掛四五點都咁多人走去食甜品，聰嫂果然魅力沒法擋！好彩等左五分鐘都入到去，坐低之後就開始嘗試禁制剛剛皮膚過敏既寶去食榴槤呢啲刺激性既濕熱食物，但由於佢太想食既關係咁就由我叫左榴槤比佢過幾啖口癮，而佢就揀左清熱解暑既龍眼冰。坐低環顧四周，夾雜左遊客同香港人，其實都坐得幾迫。無計，真係太多人鐘意食聰嫂喇！寶就開始講佢係第一批食聰嫂甜品既客人（佢以前成日去食港台聰哥canteen）而我真係第一次聽聰嫂既發跡史😂名不虛傳係聰嫂既鎮店之寶每一啖冰都夾雜左榴槤肉，好 鬼 正！！今日好似係我幫襯聰嫂咁多次以黎第一次食榴槤冰！絕對一洗我以往對於食生果冰既印象！從來都覺得生果冰啲冰都係會無味，係冰還冰，生果還生果分開哂。而呢個係將榴槤肉雪到變冰再攪碎，冰同肉不再分離，無得頂龍眼椰果冰第一啖食都驚為天人點解會無食過咁好食既冰架，入口層次極豐富！又有椰果又有龍眼肉又有冰，係口腔入面爆炸咁後黎再食啲冰都有龍眼既果汁味但肉就偏少，所以扣一粒星埋單78，係滿足

聽講新出咗款新嘢「紫薯豆腐花」，係紫薯控就唔好放過啦。今日行大運，排咗10分鐘隊就有得食啦。- 紫薯豆腐花（$39）咦.... 熱嘅？我諗凍嘅會好味啲！不過熱嘅都幾好味，食曬就有啲漏啦。 - 榴蓮水晶珠（$34）雖然有新嘢，但係榴蓮水晶珠永遠都係我至愛，次次都會哎，真係一啲都唔厭㗎。

銅鑼灣美食多蘿蘿。甜品店五花八門。偏偏最愛係「聰嫂」榴槤水晶珠～榴槤肉混入冰中。將一匙放入口。口中滿是榴槤味道。透心涼的。旁邊仲有一大塊榴槤肉。榴槤迷大愛❤️。

天氣熱到行一步都流哂汗呀!食番個冰凍既甜品消消暑先!榴槤水晶珠雖然由佢$32食到而家加到$35,但每次黎都會食呢個榴槤控表示見到上面咁大pat榴槤好興奮食落啖啖榴槤味,又夠哂凍,成完個人仲有啲凍添雖然呢度啲糖水係幾好食,不過員工態度真係極差個個都擺出一款我殺左佢全家既黑面樣出黎由講幾位至埋單全程黑面,講野又冇咩尾音,好似無時無刻都想趕你走咁

外國朋友想試試港式甜點，於是帶他到聰嫂。如果在大熱天時🌞吃一個室溫榴槤就必定會覺得太膩，所以愛吃榴槤的我當然會選擇細嚼混有冰沙的榴槤，一解悶熱。✨✨✨當中的水晶珠大大提升整體的口感，而榴槤肉足料，朋友亦表示滿意。分數：8/10

聰嫂既招牌作之一絕對非榴槤水晶珠莫屬 對於我呢個榴槤控黎講都非常滿足 十次去聰嫂有九次都係點榴槤水晶珠榴槤水晶珠 ($34)榴槤冰上放住榴槤蓉 然後再加上水晶珠榴槤冰既榴槤味超濃郁 質地仲好綿密 加上真榴槤蓉 成個甜品既榴槤味更上一層樓水晶珠本來以為係西米果種軟軟地彈彈地既質地 點知原來係卜卜脆架榴槤愛好者必食推介 回味無窮

人氣爆棚的甜品店，而且仲系劉德華親筆題字嘅，就系銅羅灣耀華街果邊（即時代廣場隔離，銅鑼灣地鐵A出口出來後行上兩個路口轉右就系，行五分鐘左右），次次來銅鑼灣都必來嘅星級甜品店。雖說地方唔大，但系甜品正，唔怕港深……我同fd點左個招牌椰果龍眼冰同榴槤水晶珠椰果龍眼冰：fd話哩個遠睇落去有種雪山嘅feel，我就覺得睇落去好普通，清清淡淡咁，但食起來就好清爽，龍眼味好濃，且啖啖都系龍眼肉，感覺就是將冷凍的龍眼肉打成冰沙嘅感覺且帶有少少奶香味，非常真材實料！上面還鋪左椰果和爆珠，口感豐富！食到停唔到口。榴槤水晶珠：睇落好一般，其實系好有內涵嘅，底下果層碎冰裡面系有榴槤肉嘅，最上面加D水晶爆珠加以裝飾，榴槤香滑且味濃，爆珠就無乜味啦，主要系個口入面爆裂噶感覺，口感新奇。鐘意食榴槤嘅一定要試下，包保你食過返尋味。不過因為榴槤味超濃，一定要放到最後食，如果食左先再食其它就覺其他無乜味啦。

食完元氣壽司想食一啲甜品，諗起附近有間聰嫂， 就想去食番個甜品。8點鐘靜英英嘅街上，聰嫂甜品條隊就好似8字咁打蛇餅！各位如果唔想排隊，就記住8點前一定要到！我最鍾意食榴槤,一定要叫有榴槤ge甜品。 唔食榴槤嘅朋友就唔好再睇落去啦！餐牌上有三個榴槤甜品 —— 榴槤水晶珠丶榴槤班戟丶榴槤黑糯米。 我呢排想食少d澱粉質同奶油，所以就叫左榴槤水晶珠。 濃既榴槤雪糕上面放咗一啲鮮甜嘅榴槤肉，配合水晶珠簡直係冇得頂。榴槤雪糕入面有啲好似烤焗過嘅榴槤肉乾，更加刺激味蕾，好正，會再去多好多次！！！

由聰嫂和梁思浩合作的聰嫂私房甜品，轉眼間，開業已經超過八個年頭，一直都有著不錯的口碑，無論是將軍澳或銅鑼灣的店舖，飯後甜品時間都經常大排長龍，所以一直跟它緣慳一面，今晚身處繁華的銅鑼灣時代廣場，站在School Food門前等候入座，當時估計至少也要一小時後才可以進入，可是肚子已經不停響起咕嚕咕嚕的叫聲，突然靈機一動，不若將正餐與甜品對調，一方面可以安撫一下現在飢餓的肚皮，另外也不用於飯後再費時輪候，於是便快快動身，走到時代廣場後面耀華街的店舖．可能當時正值晚市時間，店內只有翏翏數名食客，沒有往常人多擠迫的情景，可以舒適自在地選擇自己喜好的甜品，聰嫂私房甜品的室內設計跟一般甜品店的沒有太大分別，同樣是利用有限的空間盡量容納最多的食客，相信最吸引人目光的可說是牆上掛著劉天王的題字，餐牌內提供不少款式和種類的甜品，一時間實在教人難以作出選擇，最後的選擇當然是該店的招牌菜。 榴槤水晶珠--作為一個榴槤愛好者，一定要點下這客甜品，甜品份量適中，榴槤味道濃郁，榴槤冰質感軟熟幼滑，再加上表面灑上的水晶珠，爽口又彈牙，一軟一爽的雙重口感滋味，絕對是配合得天衣無縫。 芒果奶昔燉雙皮奶--甜品上盛著大量

本身我是一個不吃榴槤的人，但自從吃過第一啖榴槤之後，便瘋狂地愛上了這種生果，每次到甜品店都必定會選有榴槤的甜品。聰嫂的榴槤水晶珠整碗都充滿榴槤的影子，先有在頂層的新鮮榴槤肉，而底部則是用榴槤打成的榴槤冰，再加上水晶珠鋪面來增加口感。能夠吃到兩種不同形態的榴槤，再加上他們用的都是香甜的榴槤，所以吃來十分滿足。除了榴槤水晶珠之外，聰嫂的眾多甜品我只吃過龍眼豆腐花。這個豆腐花用上龍眼冰鋪面，吃來龍眼的清甜味十足，也是不可錯過的一個甜品。