榴蓮王 (已結業)

話說有日放咗工之後經過廟街，食飽飯之後想搵吓甜品。突然俾我哋聞到陣陣嘅榴槤飄香，沿住廟街一路行就發現左呢一間榴槤王，門口仲要有一個寫住榴槤Pizza嘅易拉架，吸引左我哋幫襯呢一間鋪頭。我哋首先點左榴槤Pizza，因為我哋返大陸食過一個令我哋非常難忘嘅榴槤Pizza。今次竟然喺廟街俾我哋發現到，我哋梗係唔會錯過。一嚟到擺喺枱已經聞到超級濃嘅榴槤味，完全係香過大陸嘅榴槤Pizza，仲要個皮係十分之薄，拎起嘅時候仲要有芝士係面頭，一擺入口佢陣超重榴槤味真係好耐都唔會散，重點係極多榴槤蓉超抵食！！！之後就到榴槤心太軟，呢份榴槤心太軟睇落非常之靚，十分之適合女士打卡用。當然食落去都十分之好食，係我哋切開個心太軟嘅時候，裏面有豐富嘅榴槤蓉流晒出嚟，同朱古力嘅味道十分之配合。再加上旁邊嘅榴槤冰，令人想再點多一份！下個月就中秋，應下節，我哋仲試左個貓山王冰皮月餅。入口即溶，好香好重榴槤味！

榴槤同元荽一樣，鍾意既人愛不釋手，唔鍾意既走夾唔抖。所以即使有賣榴槤菜式的甜品店，也通常是一個選擇，而非主打。而油麻地這間店，卻以榴槤作招徠，更直接以榴槤來命名，可見老闆對其菜式很有信心。男朋友是榴槤控，一於陪他來朝聖一下！有好多貓山王榴槤坐陣。叫了兩款白雪餅，分別是芝士味和榴槤味。外型好似大判燒咁，外皮係微甜糯米，無論餡料係鹹定甜都一樣夾。榴槤泡芙焗得金黃香脆，咬開有甜甜的榴槤肉和奶油， 一口一個的尺寸，很方便女生吃。榴槤薄餅!!!只售$58，啖啖榴槤肉，非常足料。 微鹹的芝士突出了榴槤的香甜，熱辣辣超好味!貓山王榴槤卷，其實好似榴槤班㦸咁，皮薄餡靚， 貓山王真的比普通榴槤更好吃，口感和味道超濃郁，必試!非榴槤的飲品也做得不錯。例如柑桔特飲和芒果沙冰，都好好飲魷魚筒飯也是很好吃，爽口魷魚配上糯米飯，香口又飽肚!最後我們還買了一盒榴槤冰皮月餅，忍不住即時開一個出來吃。 冰皮較薄，餡料是招牌貓山王，令人一吃難忘。絕對是中秋節送禮的好選擇~

有天經過油麻地，見到有間小食店叫「榴槤王」，很想帶喜歡食榴槤的媽媽一起試。終於放假，便約媽媽到油麻地一試。以外賣為主的小食店，不過店外都有幾張枱仔可供食客用。除了白雪餅，還有PANCAKE﹑PUFF﹑心太軟等都有榴槤口味，就連飲品都有，真的每樣都想試。而個人覺得最特別的，可算是榴槤PIZZA，真是從來都未聽過榴槤都可以做PIZZA。榴槤PIZZA(8吋/$58)PIZZA有厚薄之後，厚底並不是常常提供，要另加$10，而我地就選擇了薄底。PIZZA剛焗起，餅底好香脆，上面舖滿了厚厚的榴槤肉及融化了的芝士。芝士味唔算濃，可能榴槤實在太香了，我的注意力都集中在滿滿的榴槤香味。咬落啖啖榴槤肉，好細滑CREAMY，加上可以拉絲的芝士，真的極度邪惡。未試過真的想不起榴槤同芝士味，原來是很搭的。榴槤白雪餅($20)白雪餅同樣是即場做的，看到店員將米漿倒入熱模內，再加入大大球的榴槤蓉，絕對足料。店員介紹白雪餅是用日本米漿做的，所以可以做到煙韌的口感。用米漿做成的白雪餅本身沒有什麼味道，沒有人工的甜味，所以更突出餡料的榴槤的香味。榴槤蓉好滑身，一點渣都沒有。稍為暖暖地的溫度，令榴槤味更突出。榴槤芝士凍餅

見網上有人介紹,自己又係榴槤愛好者,今日終於黎試試佢一心梗係黎食榴槤pizza 啦!$58個,加多少少錢,就可以變做二人餐. $88 包2杯$22飲品,我地揀左芒果同奇異果.芒果汁真係有芒果肉係入面,好fresh友人杯奇異果就有d奇怪,冇奇異果ge 味道....pizza 真係唔錯,芝士同榴槤竟然出奇地match不過2人share 都有d 膩,但真係好足料!!食完榴槤極度滿足!貓山皇白雪餅入面好足料,不過唔係想像中咁好食,層皮有d 厚,如果可以薄少少就perfect!店員知我地share 白雪餅,仲幫我地cut開一半,好好人!!呢個價錢食到咁多榴槤真係好抵!!

見到網上介紹呢間店專買榴槤食品，因為超鍾意食榴槤，所以今日專程去試下，買咗榴槤Pizza加2杯嘢飲一共88蚊，落完單坐係店出面既櫈等，店入面有三個人做嘢，大約等咗25分鐘，係有啲耐，可能係因為即叫即做，所以我覺得還可以接受，講返果2杯嘢飲，1杯紅毛榴槤，1杯石榴紅毛榴槤，邊行邊飲，2杯都好飲，仲有唔少果肉添，口感好清新，個Pizza就帶返屋企先食，雖然凍咗，但就咁食或者叮返熱都一樣咁好味，薄餅底舖滿榴槤肉，啖啖榴槤，真係好好味，下次要再去試埋榴槤奶昔同其他榴槤乜乜乜.........