美味故事 (已結業)

地方大，大概有十枱，容納around 40人。仲有個表演band corner，可能以前有band show。樓上舖，野食都算抵食，午餐免加一。✨味道60分，環境65分，服務68分。.🔷Lunch Set奉送餐湯，蒜蓉包，田園沙律。南瓜湯足料，飲到南瓜茸。沙律配有芝麻醬。蒜蓉包細細條，暖暖地，外面微脆，蒜蓉味香。.🔸巴馬火腿青醬意粉($70)青醬唔同一般食到既濃郁，佢調配口感較creamy，配埋鹹鹹地既巴馬火腿都不錯。.🔸慢煮羊柳意粉($78)羊柳既羊味好濃，肉質唔算好腍，又唔會話韌。拿破崙茄醬base，味道較酸，醬汁較少偏乾身。.🔸橙味水果茶嗌左少甜少冰，味道就剛好，唔會太甜，佢個橙味有少許似康鈣c。.🔸Cuppucino(+$18)不過不失，奶泡層較淡。

最近發現咗呢間樓上餐廳，食物、環境同服務都好好～ 店面唔大但感覺溫馨，係個同朋友飯聚嘅好地方呢～ ☺️我哋一坐低、店員就俾我哋每人一杯西瓜沙冰、好貼心～🍉 呢排天氣又熱番，行到熱辣辣上黎嘆住冷氣食沙冰好消暑～👏🏼我哋叫咗一個dinner set 同單點嘅意粉，個set包埋前菜同餐湯同飲品，幾豐富！😋 🐟 西京燒三文魚扒配薯菜西京燒醬汁好味又唔會太濃味、去除腥味之餘又保留番魚嘅鮮味～ 而且魚肉好嫩～ 配菜一般餐廳常用係薯仔紅蘿蔔、呢度就有秋葵、茄子、蕃薯等，好健康～ 🦐 虎蝦青醬意粉虎蝦幾大隻又新鮮、肉質爽滑彈牙～ 青醬意粉調味剛好，入面仲加咗啲松子，增添口感而且健康～ 🥗 煙三文魚薯仔沙律+紫菜雞卷沙律醬汁唔好太多、更加健康～ 紫菜雞卷幾特別、用紫菜包住嫩滑嘅雞肉，味道唔錯～🤩🍄 蘑菇湯/ 🍊 橙味水果茶好creamy，上面用忌廉畫嘅笑哈哈好可愛，望到都覺得開心～😊 橙味水果茶飲落好清新，可以選擇少甜口味～👍🏼

美味故事係旺角一間樓上良心Cafe，地點方便入口係一座舊式商業大廈，樓梯上一層就到。餐廳佔地全層地方非常闊落，檯同檯空間十足。裝飾地方都唔少角落仲有一個小型舞台擺滿樂器，唔知係唔係不定期會變身私人音樂聚會之地。.今日被安排坐係近窗邊既榻榻米區，張枱大到應該可以容納到六個人。餐廳地方大用QR code點餐唔使下下搵店員，夜晚去餐牌有套餐或者散叫，食物飲品甜品種類五花八門，淨係決定食乜都研究咗好耐。.晚市二人餐嘅食物選擇太多所以簡單點一個乜都有嘅二人餐。套餐包括：餐湯、蒜蓉包、沙律、小食、主菜、配菜、餐飲，套餐加錢仲可以叫埋甜品。真係一次過滿足晒所有願望。.二人套餐💲4381️⃣餐前西瓜冰一坐低餐前店員先奉上西瓜冰，細細杯冰解渴消暑。.2️⃣餐湯3️⃣蒜蓉包有南瓜湯同埋蘑菇湯兩種選擇，屬於迷你版，南瓜湯較好味蘑菇湯有少少清淡。蒜蓉包有烘熱香脆。.4️⃣沙律唔好以為沙律就係House Salad，餐廳提供左足五款唔同配料同醬汁嘅沙律選擇，十分之有誠意。我哋試咗日式蟹柳麻醬沙律同埋香橙柚子煙鴨胸沙律，兩款都唔錯。.5️⃣小食小食一樣好有誠意都有五款選擇， 試咗紫菜雞卷同埋煙三文魚他他多士。紫菜雞卷賣相唔算打卡ab