Passion (朗豪坊) (已結業)

身為甜品控，一定要周圍試下唔同嘅甜品😆 呢間餐廳位於朗豪坊，細細間，位唔算多，仲有d位係正扶手電梯隔離，我同朋友就prefer坐番入面，所以都等左一陣位。同埋呢度比較少staff幫手執野，通常上一手食完野嘅杯碟都未有人黎清理。但呢度嘅碟好靚，用左可可粉砌高音譜號，好有心機☺️ 而且呢度甜品選擇好多，成個玻璃櫃都係唔同種類嘅甜品，適合同朋友一齊飯後歎。檸檬撻左邊嘅係檸檬撻算係偏酸，仲帶有幾條檸檬絲，酸酸甜甜幾開胃。撻皮軟硬適中，有香甜牛油味，食完唔會覺得太滯。焗朱古力芝士餅右邊嘅係焗朱古力芝士餅，芝士味香濃。希望下次黎試下晚餐😛😛

這天友人晚上要到旺角學西班牙文，所以便相約在旺角食個early dinner。在朗豪坊逛著，發現從前的Italian tomato現在變成了另一家食肆，友人忽然想起有人向他讚到間餐廳的三文治天上有地下無，所以便信心滿滿入去一試。幸運地因爲時間尚早，所以一入到餐廳就找到座位。打開餐牌，見到原來除了三文治外，還有不少熱食和甜品。我們對慢煮牛小排一見傾心，所以立即叫了來品嚐。慢煮牛小排肉質軟腍，也有牛味。湯汁很有歐洲田園風味，頗有誠意。但我個人來說，比較喜歡外脆內軟的麵包，所以覺得附送的麵包較乾身，不太吸引到我。因為比起平時的食飯時間早，不太肚餓，所以兩個人再多叫了一份細碼250g雜錦沙律大致上也夠了。餐廳有多款沙律任君選擇，我們揀選了雞肉貝殼粉、紅菜頭和薯仔豆角。相比一般餐廳得幾條菜加些少橄欖油和醋的沙律，這個雜錦沙律簡直贏幾條街。食材種類豐富有層次，不同的沙律配搭一起吃也很夾，下次可以叫個大碼350g當主食來吃。最後，我地意猶未盡地叫了個檸檬撻作結。檸檬撻賣相吸引，不會太甜，面頭放了少少檸檬片，唔苦幾fresh。

之前呢間餐廳響葵芳開分店，食過一次，覺得挺不錯，今次知道朗豪坊再開分店，見近近地，點可以唔專程黎食～黎食好野，梗係一大班女仔啦！女仔不能不吃的是甜點… 呢間餐廳d甜品精緻到呢！係令你樣樣都想試～😍食甜點之前，都有個特色菜推介下，個人覺得超棒！慢煮牛小排( Slow cooked beef $122)牛肉切條煮成，餐廳用慢煮方式，令牛小排入味，保持肉質嫩，本身牛肉味濃，口感毫不韌口，醬汁咸度適中～配上薯仔雜菜，令人也能嚐到醬汁的滋味～ 配上兩塊面包，有穀麥香同咬口，飽肚之餘，沾上醬汁食，令人滋味無窮一大班甜品控，點了 紅莓開心果餅，雜莓酥，檸檬撻，Cookies and cream 嘅雪糕紅莓開心果餅（$41）面上有紅莓粒，已經好有紅莓果香，烘乾令甜點更有咬口，紅莓同開心果每層都夾雜住，每層餡料都層次鮮明，入口味道不會太甜，配搭剛好，令人愛上紅莓嘅甜品雜莓酥（$28）本身賣相經已好靚，完全採用鮮果顏色，令人食慾大增～ 雜莓酥有士多啤梨，藍莓，紅莓，各有本身果香同酸甜味，互相配搭，多重莓味口感和味道，底下舖了薄薄的吉士，增添少許嘅甜同口感幼滑，配上用酥皮做底，鬆化口感，毫不膩口之餘，食完都