番茄師兄

营业中

休息中

放工約了友人到深水埗買野順便食飯，見到呢區有番茄師兄即去幫襯，大約7:30前去到唔太多人，之後就越來越多人，店子面積中等，灰色牆身及色彩繽紛的椅子搭配營造鮮明的對比效果，牆上除了餐牌外，還有貼人同路人的餐廳介紹。餐牌，一場來到就試下出名的番茄蛋湯麵。滑一滑(騸牯鮮滑牛+炒滑蛋)，$59。番茄湯底配大光麵，賣相整齊，份量適中，番茄湯底酸酸甜甜，係比較偏甜的味道，蛋多滑，味道似番茄炒蛋，有家的味道，牛肉份量，肉質鮮嫩腍滑，不俗。友人要的。檸檬雪梨露(凍)，$18，夏日炎炎見到檸檬雪梨露即想飲，味道酸甜清爽，消暑佳品。食物味道不俗，支持小店。

今日小編放工特登用APP搜尋一下深水埗有乜好食📱，因為對上一次去深水埗都應該有幾個月喇🤔，而且小編又有野要係深水埗買，順便緊係要食埋個飯啦🤤。而搵到一間又係附近，價錢吸引又係近期深水埗區既開飯熱店🔥，既然大家都大讚餐廳質素，咁小編都唔執輸喇😤，買完野就一於去試下呢間「番茄師兄」啦🥳。✦✦✦✦✦✦✦✦✦✦✦✦✦✦🎈滑一滑番茄濃湯麵 $49講一講湯底先，非常濃郁而又甜番茄味🍅，完全唔落味精，一啲油膱都無，易入口好飲👅。小編揀既麵餐有大大件滑蛋🍳，口感滑溜。而餐廳用既牛肉係叫騸牯牛🐃，肉質食落一咬即鬆，咬口無咁煙韌，但唔係唔好食👀，反而唔痴牙亦重牛肉味，小編第一次食，不錯👍。✦✦✦✦✦✦✦✦✦✦✦✦✦✦🎈檸檬雪梨露(凍) 跟餐$18賣相好吸引，樽身印有餐廳Logo🔲，細細樽又可重用♻，如果想拎走既話就要加多$5就可以帶佢返屋企🤩。檸檬肉好多，差唔多啖啖都飲得到🤭，一開始就覺得酸左少少，之後同雪梨中和番又唔覺😊。整體黎講，味道新鮮😋，啖啖都飲到豐富既果肉，健康又解渴🍹。✦✦✦✦✦✦✦✦✦✦✦✦✦✦今日小編食到呢間出名番茄店都好滿足呀💯，成碗已經連湯完全清哂，正👏。另外，餐廳內貼滿好多其他餐廳既

老公放假出去揾食，因為最近此店聲名大噪，就到此一試啦！到達大概下午1:30，由於係食飯時間。。等食嘅人非常多，我地要等到兩點先可以入座。店面唔係好大，坐位都比較迫，但我覺得完全值得。店入面麵食都以蕃茄湯底為主，另外都有多款小食，飯類及飲品，非常多樣化！但我見客人主要都係食蕃茄麵。由於我地兩個都無食早餐，所以叫左好多野食，我自己都覺得誇張吖！滑一滑：其實係滑蛋蕃茄牛肉麵，牛肉好新鮮好滑，唔似醃過。蛋炒得剛剛好，仍然有蛋汁在上，蕃茄唔會煮到爛曬，好有咬口。麵我揀左由日本採購返來既拉麵，唔會太冧或太軟，我好喜歡，蕃茄湯底真係一絕，蕃茄味好濃郁，又好鮮味，飲完再飲，一d都唔會頸渴！犇犇有禮：睇個名就知呢個麵入面充滿住牛啦！湯底都係個個，但就多左好多鮮牛味，真係好好味，呢碗揀左烏冬，都係由日本採購返來！由於個人口味，我同老公都鍾意食辣，所以試完佢原味既湯底之後，就加左佢放喺枱到既辣油。嘩。。真係一試愛上，呢個辣味係香，唔會好嗆喉，反而令到個湯更加豐富。之後見到仲有一種香料“百里香"，就再加落去試試。嘩！係頂瓜瓜呀！百里香既香味同蕃茄好夾，加左之後又變左另一隻味，一個湯底食到咁多隻味，真係好值得呀