Ocio オシオ (已結業)

而家啲餐廳真係好早收，好彩開完 OT，都總算趕得切去荷里活廣場食 dinner！😏呢間餐廳裝修以簡約舒適以主，中間有棵綠油油嘅大樹🌳，開揚寬敝敞，加上牆身嘅壁畫，令人感到心情放鬆。🍽️再嚟一份奧斯蜜瓜雪山熱香餅，半個蜜瓜上面放滿梳乎pancake同雪糕，😍澎湃又治癒，令一日嘅辛勞一掃而空！🥗歐陸全日早餐($128)全日早餐有嗰度好，就係任何時候都可以食！🤣呢個「早餐」嘅份量都幾足，有煙肉、腸仔、炒蛋同沙律菜之外，仲有薯條、大啡菇同蜜糖窩夫，2個人食加埋個甜蜜就夠晒飽！當中最正係個大啡菇，蒜蓉味好香口，又多汁，而窩夫都好鬆軟，有蛋香，唔錯！🥞奧斯蜜瓜雪山熱香餅 $108呢個奧斯蜜瓜雪山熱香餅每日限量 12份，好彩咁夜去仲食到！半個蜜瓜原整上枱，上面放滿梳乎pancake、雪糕同蜜糖星星，真係好吸引，打卡一流！Pancake 蛋香味濃，而且好鬆軟，蜜瓜超甜多汁，加埋雪糕同蜜糖星星，增加口感。最特別係入面仲有斑蘭味嘅啫喱，滑嘟嘟有驚喜！

同朋友係荷里活廣場行開街 見到呢間日式餐廳環境好似幾好 仲有好可愛嘅熊熊裝飾🐻就入咗去試下~ 餐廳入面以好柔和嘅燈光營造出好舒適嘅感覺 好適合同朋友傾計食飯 或者食完飯入嚟食下甜品都唔錯 🍮~至尊ocio安格斯牛肉漢堡包🍔 $138包入面唔只有安格斯牛肉 仲有煎香咗嘅煙肉🥓同菠蘿🍍 中間仲有溫泉蛋～ 跟埋有薯條同沙律 份量都唔少！麵包係烘底仲食到有牛油香添！歐陸全日早餐🍳 $128All day breakfast 非常之豐富, 有烤大啡菇, 蜜糖腸 ,芝士腸, 煙肉, 薯條, 牛油滑蛋, 蜜糖,窩夫,焗豆,牛油粟米,沙律菜🥗~ 大啡菇用蒜炒香咗, 而且仲保留到肉汁 一d都唔乾~ 窩夫口感鬆脆🧇 配埋蜜糖食啱啱好☺️食完飽曬！奧思蜜瓜雪山熱香餅🍈 $108賣相勁吸引🤤🤤梳乎厘奶香十足 意外地同蜜瓜幾夾！面頭仲加左雪糕食落更加fresh🥳 底部入面仲有蜜瓜啫喱 口感幾特別🤓另外有蜜糖同蜜糖星星伴碟~ 好有滿足感~