Ocio オシオ (已結業)

拿拿食評系列 #Ocio Kitchen鑽石山荷里活廣場食晚餐，見到Ocio Kitchen既門面靚靚，就入左去試下~晚餐Menu一共有8個選擇，每個Set都包左是日餐湯同埋$33或以下飲品1杯，擇左2個有海鮮既，聽到個名期待值就好高，但食落去就覺得普普通通，無咩特別，味道好淡，個人較為中意味道濃厚少少既~ 有少少失望~當然都唔系難食既，系我既期待值太高而已…Jumbo Scallop on Seafood Pumpkin Mash Risotto珍寶刺身帶子南瓜汁雜海鮮燴飯HK$158  (配是日餐湯, 包括$33或以下飲品1杯)Sauteed Spaghetti with Lobster Sauce in Snow Crab Shell松葉蟹蓋龍蝦汁意粉HK$168  (配是日餐湯, 包括$33或以下飲品1杯)整體不過不失，但唔會特別再去食~ 鑽石山荷里活廣場有更多好既選擇！

見依間係鑽石山好似幾受歡迎，當然忍唔住要試下啦！又幾好味喎裝修又靚，因為帶住小朋友坐得舒服都好緊要👍🏻-Ocio 招牌all day breakfast真係好豐盛阿，擺盤又靚😍好足料，有煙肉、菇、粟米、沙律、薯餅、蕃茄、豆，仲有黑松露炒蛋同waffle添！食完依set都夠飽😋-綠茶紅豆麻糬窩夫依個甜品話係每日限量架，即管試下先！一上碟就覺得打卡一流😍有三大舊窩夫，綠茶味好濃郁，配埋個雪糕同d南瓜籽紅豆一流阿！唯一係甜左少少，可以落少d糖漿！

整個餐廳是原木色的裝潢，空間很大，不會擁擠，手繪圖和佈滿充滿綠意盎然的植物裝飾，給人溫暖舒適的感覺菜單很豐富多樣，是不錯的日式輕食餐廳，適合朋友聚餐呦慢煮鸭胸全日早餐 款式丰盛 营养美味 西班牙火腿配蜜瓜 炒蛋又滑又香 软嫩可口 慢煮鸭肉 软软的 鲜嫩多汁 但华夫少了一些甜香松软的感觉 醬漬杏鮑菇牛肝菌意大利飯 顆粒分明 味道鮮美 菌菇味很濃 齒頰留香 味道不錯Ocio オシオ (鑽石山)鑽石山龍蟠街3號荷里活廣場2樓283-284號舖

最近在荷里活廣場中，一家新開張的日式西餐廳Ocio吸引了我的目光。從環境到食物質素，Ocio都讓我留下了深刻的印象。一踏入Ocio，我立刻感受到了大自然的氛圍。餐廳的裝修設計充滿了綠色植物和木質元素，給人一種舒適和寬敞。Ocio的菜單豐富多樣，提供眾多日式西餐選擇。他們使用新鮮的食材和精心挑選的食材，結合了日本的烹飪技巧，為每道菜品注入了獨特的風味。今次二人晚餐，我們點了鮮茄醬羊柳長通粉和石鍋海鮮湯浸比目魚柳，小食加了水牛城雞翼，菜單款式和配搭有驚喜，而且份量充足，食物質素也相當不錯。如果要在荷里活廣場找一間高CP的餐廳，Ocio絕對是你的不二之選。

在繁忙的香港中，找到一家提供美味輕食和獨特飲品的日式食店是一種享受。今天，我將與大家分享一間我最近最喜愛的日式食店。奧斯蜜瓜雪山熱香餅：這家日式食店的奧斯蜜瓜雪山熱香餅絕對是一道令人驚艷的甜點。每天限量供應。熱香餅上覆蓬鬆的雪山般軟綿的雪糕，夾著新鮮的奧斯蜜瓜啫喱。吃下第一口時，奶油雲呢拿的香氣立即在口中散開，融合著甜瓜的清新味道。香餅本身口感鬆軟，蜜糖星星略帶酥脆的外層增添了不同的質感。這道甜點給人一種舒爽的感覺，絕對是繁忙工作之後的最佳放鬆。Virgin Appletin：Virgin Appletin是這家日式食店的招牌飲品之一。這款飲品以蘋果為基調，搭配新鮮的檸檬汁，口感清新宜人。第一口入口，你會感受到濃郁的蘋果香氣，而微酸的檸檬則為整體味道增添了層次感。令人耳目一新，帶來一種令人愉悅的口感和氛圍。玫瑰瑪奇朵咖啡：這款咖啡以特選的咖啡豆為基礎，加入了玫瑰花瓣和鮮奶。首先，你會被咖啡的香氣所吸引，接著，玫瑰的芬芳香味在舌尖綻放。這種獨特的組合讓咖啡的苦味與玫瑰的香甜完美融合，帶來一種豐富而柔和的口感。無論是作為早晨的提神飲品還是甜品的伴侶，玫瑰瑪奇朵咖啡都能為你帶來一份寧靜和享受

週未晚來飯聚，咁好食既餐廳人咁少，有啲擔心下次無機會再來，係度推推先。套餐包湯，份量一餐夠兩個女生。電子下單，附加沙律比預期既份量多，用料新鮮又好吃。甜品不錯呀。叫左個雪糕加蛋糕熱香餅，不過怕雪糕會溶，今次無影相。職員服務態度唔錯架，讚👍下次靠大家再試唔同野再post上來分吓埋單每人$150左右，CP值高。最實惠既係有個好既場傾計。開放式空間有啲嘈，同格離台近左啲，如果唔多人，其實唔使坐得咁近。不過梳化台坐位有限，可能一般都比梳化台掛。

想放工買衫換季 落咗最就腳嘅鑽石山瘋狂購物 太攰就近近地係商場食埋 揀咗呢間一家大細人多人少有卡位又坐得舒服嘅cafe OCIO其他地方都有分店 成過過程用電話落單 落單到上菜好快我地兩個人叫咗個dinner set 跟餐有湯同飲品醬漬杏鮑菇牛肝菌意大利飯 ＄138鮑菇大大塊 意大利飯粒粒彈牙有咬感 菇菌味香濃 Creamy 連埋牛肝菌 口感層次分明欖油蒜香辣椒意大利粉 ＄78 (+$20要咗4隻扒蝦)蒜香味濃辣味夠 唔食得辣嘅人都接受到 意粉爽口 食之前記住要撈勻 扒蝦爽口彈牙 可惜晏晝食太飽 冇嗌到甜品 佢哋啲甜品賣相都好吸引 又有窩夫又有pancake 如果有胃口食埋啲甜品就係Perfect meal喇

今日同朋友放工後要chill 一chill，所以去咗荷里活廣場嘅一間Cafe叫Ocio kitchen💛呢間嘢都開咗一段日子，知道係呢一區都算幾出名🥰所以特登嚟試吓😀我地叫咗1個set dinner，1個小食，一個甜品👍🏻😙✨Set dinner - 醬漬杏鮑菇牛肝菌意大利飯✨自從7-8月去完歐洲之後好似冇再食risotto😂💛呢一碟果然無令我失望，杏鮑菇超級足料，個醬汁都調較得剛好，最怕有啲好淡味嘅🥹意大利飯都索哂啲醬汁嘅精華😋十分滿足！✨烤芝士肉丸伴薯蓉✨晚餐可以加錢叫呢款小食👍🏻朋友最喜歡食某著名傢俬舖嘅肉丸薯蓉😂今次經佢驗證，佢話呢度仲好食😂😂上碟嘅時候仲係超級熱，賣相又靚🥰蕃茄味醬汁甜酸度剛好，愈食就愈開胃🥰令我地更加ready黎緊食甜品😋✨綠茶大福雪山熱香餅✨重頭戲黎喇🤣🤣🤣黎得呢度當然要試吓佢最出名嘅熱香餅🥞其實即係梳乎厘pancake😀今次叫左綠茶大福口咪，上面有層mochi 嘅物體，煙煙韌韌，為梳乎厘增加唔同層次嘅口感😀綠茶味都好足夠，冇偷工減料👍🏻🍵熱嘅pancake撈埋雲呢拿雪糕食，味道更豐富🤭Mocha味道唔太甜，因為我麻麻地朱古力味太重嘅，呢度係咖啡味出啲，值

今晚來左位於荷里活廣場嘅日式餐廳 Ocio裝修以日式木系為主調～色調柔和🩷環境舒服主打精緻甜品🌟當然要一試👍🏻叫左一份晚餐同甜品🍨🩷黑松露卡邦尼意大利粉配溫泉蛋$138忌廉味濃郁配上煙肉同溫泉蛋😁意粉掛汁🩷朱古力麻糬窩夫 $78就係為咗佢哋嘅甜品而來🤗新鮮熱辣又脆口嘅窩夫配以q彈麻糬夾心加上朱古力醬同朱古力雪糕🍦多重口感🩷凍檸檬茶 +$3Ocio オシオ 📍鑽石山龍蟠街3號荷里活廣場2樓283-284號舖#foodie #food #foodpic #foodphoto #yum #yummy #delicious #tasty #相機食先 #手機食先 #hkfood #香港美食 #美食 #hkig #ighk

🪴小清新田園風Ocio 🍝香煎海鮮明太子意粉套餐配飲品和餐湯，香煎海鮮明太子意粉幾足料，有蝦🦐、青口、魷魚🦑、櫻花蝦、木魚及蔬菜！明太子味幾濃郁，醬汁份量足夠，意粉掛汁🥞鑊仔麻糬雪山熱香餅Pancake 用鑊仔Heat 🔥住送上黎，上面黃黃地色果D 原來係熱溶左既麻糬，有拉絲既效果，同埋好有濃濃既Cream 味，加埋杏仁片就更加令佢個Cream又香又Nutty，質地鬆軟，入口好香奶味🥛，配埋D 麻糬醬一齊食就更加Creamy👅

繼上次同皮姐去咗尖沙咀食過甜品呢今次去另一個分店食久違嘅熱香餅啦呢度係位於鑽石山荷里活嘅商場入面餐廳周圍嘅環境都係以木系為主題嘅夜晚時段相對比較熱鬧啲同多人等位呢度真係啱晒一班大小朋友一齊聚舊-Ohayo Honeydew Melon Soufflé Pancake ($128)奥斯蜜瓜雪山熱香餅 ($128)Chocolate Ice-cream + Vanilla Ice-cream (+$20/2)朱古力雪糕 + 雲呢拿雪糕 (+$20/2)呢度最出名嘅就係甜品 而呢款亦係限量十二份超級中意食甜品嘅我 今次真係要食多啲先得呢好多唔同款嘅熱香餅 仲可以額外加雪糕球添啊有蜜糖星星作點綴 賣相睇落吸睛但食落唔太脆熱香餅熱辣辣食落口感鬆軟 揭開下面係蜜瓜啫喱嚟仲可以挖啲蜜瓜嘅果肉嚟食 蜜瓜食落香甜又多汁唷配埋凍冰冰嘅雪糕 成個甜度嘅層次感同幸福感滿滿對於甜品達人嚟講 如果熱香餅嘅份量多啲就更加好-Passion Fruit Lemon Soda ($48)百香果檸檬梳打 ($48)果味甜度真係啱啱好 解渴一流-Peach Tea (Hot) ($33)蜜桃紅茶(熱) ($33)淡淡嘅蜜桃

收工係荷里活廣場行下街，見呢間餐廳好多人食，出面既裝飾又勁舒服🌸好簡約，價錢又合理，仲可以食完正餐再黎過甜品，超正👍🏻🌟奧斯特色炸物拼盤 $158呢個拼盤真係好豐富🍱可以一次性食曬唔同既菜式，岩送到黎就感覺到佢係岩炸起，熱辣辣，入面有單骨雞翼，素菜春卷，黑松露薯條，烤豬肉串，啤酒炸蝦🍤他他醬，凡韓式辣醬，日式物。食落去係好脆，好香口，薯條上面既黑松露真係好正宗，超香🍟個啤酒炸蝦入面次大大隻既蝦，超彈牙又鮮甜。d單骨雞翼真係好方便進食，一啖一舊，炸到超入味，d咪個辣醬真係一流😋🌟蜂蜜雪山熱香餅 $78個熱香餅食落去係好鬆軟，入口即化，上面仲有一舊蜂蜜🍯淡淡既蜂蜜加上鬆軟既熱香餅食落去唔會好甜，係有好濃既蛋味同清甜🥚仲有我最愛既牛奶雪糕，奶味重，又可以同熱香餅一齊食，黎個冰火兩重天，推薦☺️

今日落咗堂之後去咗呢間餐廳食晚餐🙈呢到空間闊落環境舒適😎//🍄醬漬杏鮑菇牛肝菌意大利飯 $138我哋叫咗套餐，仲碗蘑菇湯好香濃🫡意大利飯有牛肚菌嘅香味🤓另外杏鮑菇份量好足🤭有成4-5塊仲要大大塊🫣醬汁都調配得幾好，甜甜哋同個飯好夾🥳食落唔會太膩🫶🏼🐔水牛城單骨雞翼(5隻) $58(跟餐)雞翼同薯條份量好多🤪兩個人share食岩岩好👍🏻雞翼香脆之餘每隻都包裹住水牛城醬汁🥰非常滋味😋🫘宇治抹茶紅豆熱香餅 $89呢款甜品用咗個小鐵鍋住，造型感十足😍食落抹茶味道偏甜但有微微嘅甘香🥳熱香餅口感軟熟帶有蛋香😻配埋雲呢拿雪糕同紅豆真係perfect match💯🍵香草洋甘菊跟餐嘅甘菊茶，好解膩🤩

今日黎到鑽石山搵食,見到呢間採用日系裝修風格既餐廳,到入店內感到好舒服晚餐menu有好多選擇餐湯有黑松露蘑菇湯好香濃黑松露卡邦尼意大利粉配溫泉蛋意粉帶有彈牙既口感,好掛汁同入味卡邦尼醬汁濃郁帶點奶香黑松露味道非常濃烈,略帶蒜香同堅果既風味撈埋隻溫泉蛋👍Ocio慢煮鴨胸全日早餐有慢煮鴨胸，薯餅，扒茄，焗燒烤菇，早餐腸，煙肉，巴馬火腿蜜瓜，窩夫，茄汁焗豆勁豐富,D野多到食唔哂最正係個燒烤菇，蒜香十足，咬落juicy唔乾煙肉咬落香脆個慢煮鴨胸好厚肉,用慢煮方法keep到鴨胸既嫩

📍#Ocio オシオ (鑽石山)鑽石山龍蟠街3號荷里活廣場2樓283-284號舖♡人均消費: $260 @ 2▪️▪️▪️▪️▪️▪️▪️▪️▪️▪️▪️▪️▪️▪️位於鑽石山嘅Cafe店，晚餐有套餐提供，包括：意大利飯、長通粉、all day breakfast 及肉眼扒等等～ 比起晚餐，我認為佢嘅甜品更加吸引，有朱古力心太軟系列、soufflé Pancake🥞 、waffle等😍 ✨#鮮茄醬羊柳長通粉💰$148鮮茄醬夠濃淍😋 羊柳份量適中，口感幾腍，帶有點羊膻味，長通粉夠哂掛汁，一個人食剛好😋✨#鑊仔焦糖金寶雪山熱香餅💰$89📌每日限量12份！ ！熱香餅口感好軟熟，口感似蛋糕🍰 超好食🤤😍😍😍 旁邊有焦糖餅碎好香口，加上融融地既雲厘拿雪糕同焦糖醬，每一啖都係幸福☺️▪️▪️▪️▪️▪️▪️▪️▪️▪️▪️▪️▪️▪️▪️