兔子兔子茶飲專賣店 (已結業)

剛開見到雲朵沙冰已經好想試，經過見出埋期間限定Mr. Potato Head 主題包裝，有藉口比自己試下。😲 薯蛋頭杯可以DIY個樣，幾讚鬼。 表示好懶嘅我，去飲嘢有位坐，係大加分。😝 Ps. 最近去見到有BTS嘅相展，買野飲好似仲有紙杯套送，不過無特別問唔知道到幾時。 🐷 最近仲有環保飲品提袋Giveaway，可以上反官方IG睇睇喔!!!--💙 毛怪朵朵 HK$32呢款最多可以半糖。個顏色真係好吸引，係怪獸公司毛毛嘅顏色。味道類似乳酸，而且唔係好甜，沙冰打得好細，唔會好難去飲。.🍵 日式京都抹茶鮮奶茶 HK$30叫咗微甜半冰，佢茶粉嘅味道真係好重，有茶個種甘味，甚至cover埋奶嘅味道。鐘意抹茶嘅茶味道嘅應該會幾鐘意。唔鐘意甜嘅可以試下，但記得要調教甜度。.🍶 布朗珠珠黑糖鮮奶 HK$30糖度冰量固定無得調教。牛奶味道都幾出，呢三款入面係比較甜。因為啲珍珠係黑糖浸住，甜都甜係黑糖到。珍珠淋得黎都算幾有咬口。不過宜家飲呢啲飲到無乜感覺。

之前去台灣冇機會飲，知道香港開咗，一於去試下。位置都算方便，喺天后站一岀就見到！先喺地面落完單，再上上層攞，仲有枱櫈可以俾人坐低等同飲嘢。同行朋友話個雲好靚，就叫咗一個試下。本身想嚟係飲佢岀名嘅黑糖鮮奶，但見到佢個個毛怪朵朵好似幾得意，一於試下。毛怪朵朵，飲落唔會好甜，個味有啲似波子汽水。沙冰好滑藍天朵朵，朋友嗌lee個真係藍天與白雲，佢話飲落好重乳酪味道。下次一定要再嚟試佢嘅黑糖鮮奶(見到好多人都嗌)

呢間飲品店之前去台灣已經好想飲，不過就唔到時間所以未有試過，知道佢係香港開分店，一於就去試下！買野飲地方係地下，而拎野飲既地方要上一層！一樓的舖位有很多打卡位而且還有坐位俾你坐係到慢慢飲！企位位置有插頭可以俾你差電！今次沒有試佢招牌的珍珠奶茶，而係飲打卡呃like值極高的朵朵沙冰系列！藍天朵朵（$30），飲品以藍色為主體，配有白色的雲朵，淨睇杯野飲已經好靚！飲落去甜甜的，有少許乳酪的味道！毛怪朵朵（$30），顧名思義係迪士尼卡通人物毛毛的顏色！顏色真係好靚呀！飲品以湖水綠為底色，配有紫色的雲朵！味道都係甜甜的，未有飲到係咩特別味道！淨看杯野飲同佢的環境已經好靚，完全吸引到好多少女同埋兔奴呀！下次要真係試下佢既招牌先！新張期內買野飲仲有7折架！