臥龍莊精品川菜館 (已結業)

等左好耐好耐,延遲又延遲開張既臥龍莊終於真係開左!! 開業第二日立即拉大隊黎掃餐牌.環境同千鍋居一樣咁寬敞,坐得舒服!涼拌黑木耳 - 酸酸地又好爽既黑木耳好食,夠開胃.皮蛋豆腐 - 個汁唔錯,不過如果用四川黃皮蛋就更好!麻辣豬耳 - 正常辣,未算太辣,下次可以加辣. 豬耳爽脆!蒜泥白肉 - 可以多加蒜泥就更完美!夫妻肺片 - 夠入味,不過又係可以再辣少少!酸辣四川涼粉 - 涼粉質地唔錯,加青瓜絲更清爽,好食!涼拌土豆絲 - 不過不失虎皮尖椒 - 做得唔錯,可惜食唔到辣既椒,下次一定要再碰運氣!口水雞 - 睇樣好似好辣,但其實就唔辣,不過雞肉質同味道都幾好.水煮桂花魚 - 呢碟算係全晚最辣亦最好食. 桂花魚片十分滑溜,必點!!干煸肥腸 - 炸得極之香脆,十分惹味,送啤酒一流!!!霸王辣子田雞 - 呢個都做得好夠香辣,又係送酒佳品!農家紅燒肉 - 有朋友好奇想叫黎試試,因為唔係川菜又想睇吓做成點. 賣相幾好,不過肉質較實唔夠鬆,有待改善.香辣豬腦煲 - 呢個好食,越煲越辣,又夠入味,正啊!最後當然少不了千鍋居既招牌甜品桂花糖蕃茄!整體唔錯,有幾道菜要改善一下!! 值得一試!