川上龍 (已結業)

近排天氣悶熱，好想食吓辣嘢，刺激一吓味蕾！今日就帶埋同夏天一樣咁惹火嘅A姐，去到尖沙咀中達大廈食以川菜出名嘅川上龍啦！餐廳環境光猛，空間感十足，坐低已經覺得好舒服呀！而餐廳嘅設計，以至餐牌都好有中國風，單從設計，已經知道店主係一絲不苟嘅人啦。今日一於同A姐有咁辣食咁辣，開始我哋嘅火辣晚餐啦！胡椒金錢肚頭盤嘅金錢肚作為今日火辣之夜嘅熱身！牛肚爽脆，胡椒味香，幾開胃。魚香茄子石窩飯川式煮法嘅魚香茄子同港式嘅大為不同，味道除咗比較辣，醬汁亦都無咁油，仲有大量入晒味嘅茄子。而用上石鍋嚟上枱，除咗保持餸菜嘅溫度之外，鍾意食飯焦都啱晒㗎！而最驚喜係用上炒飯取代一般白飯！糯米蟹嚟到今晚嘅重點一：糯米蟹！呢隻蟹夠晒大隻，肉質鮮甜，蟹膏十足！而最重要嘅係，呢個菜只係微辣，但又唔會蓋過蟹嘅鮮味！至於糯米飯底用上蟹膏嚟炒，帶有少許蟹嘅味道！水煮桂花魚至於我哋今晚慕名而嚟，就係為咗佢！呢個水煮魚，係我哋食過最滑嘅水煮魚！師傅用上新鮮嘅桂花魚，加上巧手嘅刀工，件件魚都無骨架，真正啖啖肉！而且麻同辣都好有層次，一啲都唔油膩呀！真係值得推介！

在信箱收到它的leaflet，就上open rice search下，見comment不錯，就試試看！點了五個菜土豆絲雞煲鑽石蜆水煮魚蔥爆牛肉嘩！竟然不消10分鐘全部菜上齊（部分更是5分鐘搞掂），並好有「wok氣」👍可能是未到7點冇乜客啦！好特別的鑽石型蜆，酸酸辣辣好惹味雞煲（一隻，中辣），肉嫩滑入味，年糕食唔停囗水煮桂花魚，新鮮，底下有薯粉！整體來說很滿意，有空會再來幫襯！

估不到尖沙咀星期五book晚飯，這食店不用2小時內交枱！估計佢生意麻麻！甘咪即係唔好食？雖然冇full house, 原來又唔係唔好味喎！食店安排了最入的圓枱！非常好！聽唔到隔離講乜同聞唔到好大陣火鍋味 2個人點左水煑桂花魚 ，yummy 呀！魚夠滑，芽菜薯粉索曬味！有驚喜！不過想試那個辣蜆（個名很長的：老干媽泡椒鑽石蜆）就冇貨！另外叫左個手絲鷄麻醬粉，不過不失。以尖沙咀地段來說，算是個唔貴丶唔多人丶可以慢慢食的地方嚟 值得比個good！