老川皇

营业中

休息中

已經黎過好多次，今次第一次要等位，仲要係星期二晚都要等。真係自私啲都要講句，好野唔好四圍唱，唔係自己冇得食。7:30去到，已經滿座，一行四人來到，但前面已有一張四人枱等緊。眼見全部都係啱啱開始食，但為左心愛嘅水煮魚，要堅持！水煮魚, 中辣等左超過半個鐘，終於入到去。呢度維一唔好就係太迫，其中一個肥佬朋友坐得好辛苦，其他枱出入又要郁，唔係真係完全出唔到。鍾意呢度的水煮魚, 因為份量足又好味，雖然辣，但係唔會入唔到口，係有時會偏咸，可以叫佢少咸。另一個感覺是味道好"大陸"，即是是你回國內食到的味道，好正宗。另一個麻辣萵筍絲都好味。土豆絲都可以，但海帶同木耳就有少少過淋。水煮魚好多，四個人食一條都好夠。朋友話有腥味, 我又唔係好覺。桂花魚好滑，唔多骨，正！另外都叫左水餃， 蒜泥白肉， 蒜泥白肉蒜香好出眾，好味。不過地方實在太淺窄，好迫。

收工突然想食辣，上網見到搵下有咩仲開，見到呢間老川皇既相好吸引，即管同男友試試，上到去環境幾大不錯，10點幾上去都仲有好多人，愛食辣既我地當然嗌左個水煮魚食啦，水煮魚勁大碗，1上枱就聞到啲辣香味，但食落又唔會得個辣字，魚味重，食得出系新鮮魚，完全唔求其，仲有辣子雞亦炒得好香，好好味餸啤酒1樓味道好好，價錢又相宜，2個人食3百幾就可以落樓，啲侍應亦好好人，服務不錯，時間仲要開到好夜，方便收工走過黎食宵夜

朋友介紹話呢間食四川野又平又抵又好食，咁就特登去試吓啦。間鋪細細地，地方唔大，啲位有啲窄。但係感覺好地到，好似真係去左四川咁。成個menu 都係紅色，全部都係辣椒，鍾意食辣gei真係睇見都好開心😋佢每樣菜色都可以揀大中小辣，因番自己程度去揀。我地唔算好食得辣野，所以全部都叫小辣算。叫左幾個前菜，蒜泥白肉，椒浸雞腎，個雞腎第一啖食落去好似怪怪地，但係越食越好味喎。而蒜泥白肉就比較厚，睇相好似好多大碟，但下面全部都係青瓜，不過啲青瓜勁好食，唔洗另叫手帕青瓜😂主菜當然唔少得水煮魚啦，不過嗰日水煮魚賣晒，得返水煮桂花魚，就貴少少，不過啲魚真係好滑，同埋勁大煲勁多魚肉，4個人都食唔晒。（咁當然我地仲叫多左幾樣野）同埋睇相好似好多辣椒，但係我哋揀小辣，食落就真係唔係好辣，下次可以挑戰下中辣😍其他餸就帶咗一個手撕包菜，一個孜然羊肉，一個炒乾扁豆，同埋一碗酸辣粉再加白飯。其實四個人真係叫得太多。 個手撕包菜就有小小太咸，而個羊肉就第一啖冇乜味，但係食食吓又ok,所以大家食之前最好撈一撈佢。食物都算幾好味，鍾意食辣就真係會好開心，而份量都算幾大份，要叫多幾個人一齊食就可以哭多幾樣野試喇。不過上菜時間就有