麻辣風雲 (京都廣場) (已結業)

難得搵到食得辣嘅知音人，梗係去試吓麻辣風雲嘅水煮系列同招牌酸菜魚啦！千祈唔好睇小午市客飯嘅餸菜份量，首先登場嘅水煮牛肉，大碗到夠兩個人食！辣椒同紅油色澤光鮮，遠處就聞到麻辣同芝麻香！水煮超有驚喜，小辣又唔會太辣，最鍾意佢後勁凌厲，麻味夠出，條脷痹下痹下嘅感覺好正！除左滑牛肉外，有好多芽菜、萵筍、蓮藕、白菇、豆卜、雲耳等配菜，超足料！好多餐廳寬粉要額外比錢加，就算跟餐有嘅都係象徵式比少少你，麻辣風雲係我見過最闊綽嘅，比好多好多寬粉，而且好入味同極有咬勁！我淨係食寬粉就夠，都冇乜點食跟餐碗白飯～招牌酸菜魚係我食過嘅酸菜魚中數一數二嘅，酸辣恰到好處，非常開胃！魚片肉質嫩滑，酸菜味同寬粉好夾，芝麻香好出眾，令人難以抗拒！炸饅頭亦係我bookmark左一定要食嘅！細個成日lur媽咪係酒樓叫炸饅頭，又要有技巧地點一大pat 煉奶而不比大人發現係一種學問～外脆內軟，重點係點煉奶果下夠過癮又夠甜，兒時回憶返晒嚟，真係冇得輸！A la carte 炸饅頭好型有隻木船載住，除煉奶仲有三款醬，期待下次多d人一齊叫，應該會更happy~蒜泥白肉就完全唔係我杯茶，第一次食係90%都係肥膏。熱飲+$4要左熱奶茶同

唔知有幾多人同我一樣，係無辣不歡既人，由小學食拉麵已經要食辣既湯底、到中學一星期食三、四次三哥，到呢家周圍搵川菜食，今次比我搵到一間值得一食再食既川菜，而且仲要係良心小店。麻辣風雲係一間良心川菜店，本店係荃灣，喺2020年開業，由香港樂隊Tonick既主唱恆仔主理，主打四川小菜同小食，最招牌既菜色有酸菜魚、水魚牛肉、麻辣乾鍋、甚至係炸饅頭。恆仔本身好鍾意食辣，朝早起身都會切碎辣椒嚟撈麵食，而且一直都想有一個自己嘅地方，可以同樂隊做完嘢慶功，於是就開咗呢一間川菜餐廳。而呢度嘅大廚曾經喺五星級酒店同埋迪士尼樂園做過，更加係澳洲航空公司貴賓室嘅行政總廚，對中菜非常了解。之前已經食過荃灣分店，覺得川菜水準唔錯，見銅鑼灣有新分店試業，又近我所以就試下水準係咪依然。荃灣分店店內裝修非常古色古香，好似客棧咁，而銅鑼灣分店勝在好近地鐵站，係好多嘢食嘅京都廣場，去到樓下已經有店員派優惠券俾我哋用。銅鑼灣店舖冇荃灣咁大，都冇荃灣咁闊落，不過座位夠多，店員都係後生仔為主，而荃灣店都係姐姐、阿叔為主，餐廳都係行古風，一出lift就見到梅蘭菊竹嘅四個屏風，有包廂可以預約。另外一提如果係食大閘蟹，店舖仲會提供手套

👍🏻水煮牛肉配白飯 $78呢個價錢估唔到咁大兜！勁抵食🤩🤩麻度同辣度都可以揀😙我地嗌左中麻大辣，夠辣之餘仲好夠麻呀！麻辣好香，仲愈食愈辣添👹🌶🌶🌶牛肉夠哂入味，肉質有彈性，唔會拿到腍啤啤無哂口感配料本身已有薯粉、萵筍、雲耳、芽菜、海鮮菇、蓮藕片同豆卜薯粉厚切，食到尾都係咁煙韌，勁入味🤤！樣樣都麻香十足，好足料好大份！味道：9/10性價比：9/10-👍🏻雲南小鍋米線 $38 + 三餸$36米線爽彈，就算熱湯浸住食到尾都keep到彈牙😜湯底揀左中辣，無想像中咁辣，但好味既🤣湯底偏酸唔太麻，酸菜花生份量好多👍🏻👍🏻嗌左三樣都係$12既配料炸醬同肥牛，味道ok😌腩肉無咩調味，肉質一般般🥺餸份量就比較少d，可能佢太大個碗，感覺唔係好多🤣味道：8/10性價比：6/10-👍🏻招牌酸菜魚 $268魚片薄切唔腥好入味，肉質嫩滑，不過有少少幼骨配料同水煮牛肉一樣咁豐富，當然多左酸菜啦😜酸菜切得大塊有口感嗌左中辣但唔太辣，酸菜魚黎講都唔算酸不過味道幾好食既😋味道：8/10性價比：6/10-👍🏻炸饅頭 $58/6舊賣相好靚，炸得黃金，外脆內軟😋有四款醬料：煉奶/朱古力醬/抹茶醬/蔥油麻醬蔥油麻醬係咸既，配饅頭