影片
更多
2021-08-27
73 浏览
唔知有几多人同我一样，系无辣不欢既人，由小学食拉面已经要食辣既汤底、到中学一星期食三、四次三哥，到呢家周围揾川菜食，今次比我揾到一间值得一食再食既川菜，而且仲要系良心小店。麻辣风云系一间良心川菜店，本店系荃湾，喺2020年开业，由香港乐队Tonick既主唱恒仔主理，主打四川小菜同小食，最招牌既菜色有酸菜鱼、水鱼牛肉、麻辣干锅、甚至系炸馒头。恒仔本身好钟意食辣，朝早起身都会切碎辣椒嚟捞面食，而且一直都想有一个自己嘅地方，可以同乐队做完嘢庆功，于是就开咗呢一间川菜餐厅。而呢度嘅大厨曾经喺五星级酒店同埋迪士尼乐园做过，更加系澳洲航空公司贵宾室嘅行政总厨，对中菜非常了解。之前已经食过荃湾分店，觉得川菜水准唔错，见铜锣湾有新分店试业，又近我所以就试下水准系咪依然。荃湾分店店内装修非常古色古香，好似客栈咁，而铜锣湾分店胜在好近地铁站，系好多嘢食嘅京都广场，去到楼下已经有店员派优惠券俾我哋用。铜锣湾店舖冇荃湾咁大，都冇荃湾咁阔落，不过座位够多，店员都系后生仔为主，而荃湾店都系姐姐、阿叔为主，餐厅都系行古风，一出lift就见到梅兰菊竹嘅四个屏风，有包厢可以预约。另外一提如果系食大闸蟹，店舖仲会提供手套
麻辣风云系一间良心川菜店，本店系荃湾，喺2020年开业，由香港乐队Tonick既主唱恒仔主理，主打四川小菜同小食，最招牌既菜色有酸菜鱼、水鱼牛肉、麻辣干锅、甚至系炸馒头。恒仔本身好钟意食辣，朝早起身都会切碎辣椒嚟捞面食，而且一直都想有一个自己嘅地方，可以同乐队做完嘢庆功，于是就开咗呢一间川菜餐厅。而呢度嘅大厨曾经喺五星级酒店同埋迪士尼乐园做过，更加系澳洲航空公司贵宾室嘅行政总厨，对中菜非常了解。
之前已经食过荃湾分店，觉得川菜水准唔错，见铜锣湾有新分店试业，又近我所以就试下水准系咪依然。
荃湾分店店内装修非常古色古香，好似客栈咁，而铜锣湾分店胜在好近地铁站，系好多嘢食嘅京都广场，去到楼下已经有店员派优惠券俾我哋用。铜锣湾店舖冇荃湾咁大，都冇荃湾咁阔落，不过座位够多，店员都系后生仔为主，而荃湾店都系姐姐、阿叔为主，餐厅都系行古风，一出lift就见到梅兰菊竹嘅四个屏风，有包厢可以预约。另外一提如果系食大闸蟹，店舖仲会提供手套、工具同湿纸巾。
落单系用手机 QR code落单，几方便。餐厅午市会有米线套餐，夜晚就系单点小菜同小食。
-
前菜 💰8X2（👅: 7.5/10）
前菜
8 浏览
1 赞好
0 留言
前菜
8 浏览
1 赞好
0 留言
花生唔系脆身而系腍身，平时好小食到。
而中华沙律食落酸酸，好开胃。
-
1️⃣ 炸馒头 💰58（👅: 9/10）
炸馒头
$58
7 浏览
1 赞好
0 留言
炸馒头有六个，热辣辣，表面炸到金黄色，非常光滑，咬落外层香脆脆卜卜，脆到会听到声，非常可口，入面够松软，绝对系外脆内软，唔会话食到成口油，配埋炼奶食，系完美既配搭，难以抗拒。
炸馒头
$58
4 浏览
1 赞好
0 留言
炸馒头
$58
4 浏览
1 赞好
0 留言
比起出面既炸馒头，特别在佢外层特别酥脆，唔会好硬好实，同埋发觉食辣时，食一个沾满炼奶既炸馒头，系有解辣既作用。
-
2️⃣ 酸菜鱼 💰268（👅: 8.5/10）
酸菜鱼
$268
12 浏览
1 赞好
0 留言
呢度嘅酸菜鱼系爆香辣椒同花椒呢个步骤做得好好，油够滚，所以食得出香辣。
汤底酸味好足够，汤底用上三种辣椒，野生天椒、灯笼椒、大红椒分别提供辣度、甜味同埋色泽，而且会喺汤底见到唔少花椒，而麻味就会越食越感受到，会食到个口痺痺地，辣就唔算好重，不过我自己几钟意，觉得酸菜鱼最紧要系酸味同麻味，略嫌汤底比较油腻一啲，但依个汤已经非常出色，不知不觉就已经饮晒成碗，越食越开胃，饮到够饱，就算饮晒都唔会觉得口渴，我觉得下次可以试吓叫大酸，更酸应该会更好食。
上枱个盘好大，入边有大量鱼片、宽粉、莴笋、芽菜、酸菜、豆卜、芫荽，鱼肉用新鲜生鱼，份量够多，大大块够厚够挺，食落啖啖肉，肉质够松软，入口嫩滑，食落无腥味，鲜味就唔算好重，基本上食到最尾都系得一旧有小小骨，对于唔钟意食有骨嘅鱼嘅我非常满意。
宽粉煮到够腍身，唔驶点用力就一咬即断，口感带小小烟韧，配埋酸菜鱼汤，将酸麻味既精华索哂入去，一啖接一啖。
豆卜一样够腍，好索汤，酸菜同芽菜都系酸菜鱼必备，入味之余食落感觉健康，酸菜系用澄海酸菜，以醋腌制，食落清香，唔会太咸太酸，莴笋够爽口。
-
3️⃣ 水煮牛肉 💰188（👅: 8/10）
水煮牛肉
$188
5 浏览
1 赞好
0 留言
叫咗小辣小麻中酸多蒜蓉，食落其实唔算好辣，虽然叫左中酸，但系个酸味唔够酸菜鱼嘅酸味重，麻香味足够。
牛肉分量几多，食落算几滑，几腍身，入口算鲜嫩，汤底下重会有薯粉、豆卜、荳芽、莴笋片等配料，非常丰富，价钱比酸菜鱼平，但份量唔会比酸菜鱼少，食落入味，几惹味。
-
4️⃣️⃣ 麻婆豆腐💰108（👅: 8/10）
麻婆豆腐
$108
17 浏览
1 赞好
0 留言
-
🌟因为新店开张，除左有呢个特别版炸馒头，原来仲有新店优惠，有20蚊优惠卷，去到9月30日前都用得，而且唔止铜锣湾分店、荃湾店都有呢个优惠，而铜锣湾午市更加有九折优惠，岩哂我呢个钟意食辣既人。
整体黎讲，酸菜鱼系我香港既TOP3，除左佢食落够麻够惹味，佢仲够酸，成日觉得酸菜鱼最重要系酸，相比下好多分店既十二味，酸菜鱼既酸度就无咁劲，馒头除咗好打卡之外，仲特别酥脆，相比之下水煮牛肉就食落唔算好辣，可能因为点左小辣，酸菜鱼会比较出色。菜式选择几多，川菜应该有嘅都有，系值得再食嘅一间良心川菜餐厅。-
👅味道: 8.5/10
🍴环境: 7.5/10
💰消费: $150-300pp (服务费: 10%)
张贴
