麻辣風雲 (荃碧大廈) (已結業)

麻辣風雲主打各式正宗川菜，選用來自四川的香料，菜式加入大量辣椒，如酸菜魚、四川水煮牛等，適合愛辣之人。酸菜魚魚肉酸爽麻辣，酸菜不僅能去腥，還能去油膩。酸菜魚的湯還可以喝的，魚湯酸鮮可口，開胃刺激食慾。水煮魚魚肉鮮美，麻辣滑嫩，魚是用油澆出來的，偏重麻辣鮮香，愛食辣的朋友們讚不絕口。毛血旺材料豐富，有鴨血、豬血、豬肉、豬腸、牛肚等等，口味屬於麻辣味，麻辣燙嫩鮮，開胃下飯促進食慾。炸饅頭饅頭炸至金黃色，脆卜卜，配上煉奶絶配。陳醋手拍青瓜青瓜清脆開胃，簡單美味，是一道非常不錯的小菜。洛神花茶, 冰涼椰汁冰

今日要去食🔸麻辣風雲🔸, 事緣 Dee 哥拍攝食辣嘢時有介紹過, 而且餐廳係ToNick 嘅恆仔💛 有份合資, 所以就bookmarked 等機會去試吓。餐廳裝修都比較古色古香, 座位與座位有足夠嘅距離, 感覺都幾開揚舒服。🥢 蒜泥白肉滿滿嘅蒜泥同芝麻舖喺白肉面層, 好香, 底層有青瓜絲墊住, 白肉肥瘦分明, 切得好薄, 夾曬所有配料一齊食, 好好食。🥢 陳醋手拍青瓜陳醋好酸呀, 可以用嚟解辣。🥢 炸饅頭望落去無乜特別, 不過食落真係好驚喜, 饅頭外皮炸得好香脆, 但係裡面好軟熟, 蘸點煉奶一齊食, 好味。🥢 水煮牛肉(小辣)望落去紅卜卜, 牛肉薄切, 肉質軟腍。配料有辣椒, 蓮藕片, 菇, 芽菜, 豆卜, 木耳, 最重要係有大量薯粉, 薯粉晶瑩剔透好煙靭, 其他配料吸曬水煮辣味, 好惹味。🥢 水煮魚(中辣)辣一級真係唔同Level, 會一邊食一邊流鼻水。一梳梳嘅魚肉, 肉質好嫩滑, 連皮一齊食都唔會覺得肥膩, 好適合餸飯食。餐廳整體食物都好好食, 職員都好有禮貌, 係值得再去食嘅一間川菜餐廳。

秋風起當然要食大閘蟹，揀左荃灣呢間食川菜嘅麻辣風雲試吓，佢哋同出面唔同就係大閘蟹都有四款口味，仲有套餐潻，一去到鋪面好有中國風特色，坐低見到今個月仲有一蚊干煱，咁抵於是又叫埋。首先嚟左兩杯飲品，通常呢種鋪頭都係得普通樽裝飲品，佢哋又有特飲就試吓，鮮奇異果玉露，壼好特別，好似古代酒壼咁，真係用鮮奇異果打出嚟。鮮果百花茶，似水果茶，果味重過茶味。大閘蟹套餐，包四隻大閘蟹、時菜、水煮魚、薑茶。大閘蟹有四種口味，麻辣、香辣、鹽焗、清蒸，最鐘意鹽焗，唔太咸，重有蟹味又特別，四隻都好多蟹膏，顏色又靚香味濃。水煮魚辣度適中，唔算太油，用新鮮魚做肉質好滑，份量十足，下面仲有百花茶，似水果茶，果味重過茶味。干煱係自己配餸菜，揀左五款配搭，美國肥牛、鴨血、茄子、豆干、娃娃菜，抄得超香，佢仲配多少少揶菜花芽菜等，上菜時用熱煱保持熱度，冬天食都唔驚好快凍曬。本來已經好飽，但最後仲叫埋炸饅頭，因為饅頭係坐住船，就好似三國志入面借東風場境咁，一直冒住煙出現，實在太勁啦，饅頭都做到咁有誠意真係佩服。

秋冬啦，當然要食下辣野，暖下個胃啦😋天氣涼涼地，去咗荃灣食麻辣水煮魚，鍾意食野嘅朋友一定啱食 水煮魚🌶 $268水煮魚，魚片勁足料(好多片呀)，魚肉夠嫩滑，其他配料都好多，今次叫中辣，辣得夠惹味，真係好正🌶🌶 炸饅頭 $48 (要等20分鐘)當然要食呢個炸饅頭啦，必食推介💥嘩，饅頭都要搭船呀，勁型🤭仲要係即叫既做，外層炸到金黃色，勁香脆，內裡口感軟綿綿，再點埋個煉奶，夾到不得了 涼拌皮蛋🌶 $48爽滑辣嘅涼拌皮蛋，好味道 花冰蜂蜜綠茶 $38/杯冰涼滋喉嘅蜂蜜綠茶，綠茶中有2粒冰，冰上有小花圍住，等到2粒冰溶化後，就會出現 2朵好神秘嘅玫瑰花乾花🌹🌹好特別呀 嘉士伯 $27/枝 x2 麻辣風雲荃灣海壩街108-114號荃碧大廈1樓

依家先有時間寫返個食評，真心推介呢間麻辣餐廳👍🏻👍🏻食完好滿足🤤試左個大閘蟹套餐🦀🦀有4款揀清蒸，鹽焗，香辣和麻辣我揀左鹽焗和麻辣🦀🦀好入味，推蟹麻辣口味，唔會太辣，而且食完無好寒涼既感覺，值得一試。唔知係甘岩定餐廳特登，一公一乸🦀🦀好有心水煮魚都好正，好香魚片夠滑，薄得黎份量一啲都唔小見大家都推介饅頭，當然要試埋喇，果然好味，架船見到都開心😃加1蚊仲可以試埋個口水雞😌緊係過下口癮喇✌🏻個餐牌仲有好多野都好想試，2個人食唔落😂唯有等下次

我哋一直都好喜歡吃辣，麻辣更係我哋的最愛！呢次有機會試新開的鋪頭麻辣風雲，開心到飛起，太耐沒出街食野啦！水煮魚入面條魚都幾大條，啖啖肉，仲有條大魚骨，真材實料！加上配料，簡直係絕配。我試左一啖湯底，又幾好飲@！@香辣蝦D蝦幾鮮甜，都幾入味，差D連殼都食埋，哈哈！！！至於涼拌皮蛋，果D蒜蓉加上辣椒油，絕配絕配！下次再食過，今次只係兩個人食，食得三個餸，吾夠喉！下次要約多D人嚟食先得！

意外路過發現新開餐廳，同一橦有兩間新開店舖，口痕又鐘意食辣的我，選了麻辣試一下~前菜: 手拍青瓜 + 涼拌皮蛋川菜裏比較常見的菜式，沒有特別大技巧，只要香料落得足及準確，味道已經會在水準以上，蒜香加酸醋，作為開胃菜絕對一流~如果，可以有涼皮+蒜泥白肉就更好了 (純個人喜好)炸饅頭其實並非甚麼特色菜，但卻非常適合在吃辣的時候配上煉奶吃一口，解救火熱的舌頭意外成為我覺得必點的菜式！主打一定要試水煮魚，魚片夠滑，辣度夠勁，嚐辣者應該會好滿足~同行友人話我變態，因為我會將湯加入飯內做水煮湯飯~其實好好食，因為米飯會稍為壓下辣味，令舌頭可以嚐出水煮魚的味道，而非一味的辣~其他小炒亦都在水準以上，整體感覺很不錯。個人回頭指數，5分給4分