Vortex American Snack Bar (已結業)

今日同朋友去咗將軍澳，行行吓好肚餓，好想食嘢，見到呢間舖頭—Vortex American Snack Bar，見到啲嘢食好似好好正咁，於是就買咗嚟食🤤芝士牛肉漢堡 New York Burger ($98)- 牛肉漢堡超級好味，而且好大份，好抵食，食都好滋味- 牛肉非常大塊，好厚身，肉質都好鮮嫩，好好食- 漢堡仲有埋脆片，咬落卜卜脆，連埋牛油果醬食好正- 漢堡包皮好有特色，食落煙煙韌韌，幾有咬口，仲有好多芝麻，豐富成個味道層次水牛城雞翼 Buffalo Wing ($58)- 雞翼炸得好香脆，表皮係金黃色，超級誘人，食到舔舔脷- 醬汁辣辣哋，同香脆嘅雞翼一齊食，非常惹味- 老闆好細心，將醬汁分盒裝，番到去食個陣唔會整腍晒香脆嘅雞翼皮，保留水牛城雞翼嘅風味食物質素超高，而且非常好味，而且老闆都好親切，下次經過富康一定會再食😋

特地去到將軍澳食，因為朋友介紹話呢度好岩我，而且係有誠意既店，所以好快我地約左出來食喇🤗🤗舖頭裡面其實位置唔算多，只足夠大約3-4人坐，不過亦有室外位置可以坐，出面有一兩張枱，食緊野期間都見一直會有客叫外賣，都算幾旺場個日因為落雨，我地就坐左舖入面。見有唔同地方名既burger,了解完有咩材料後，我地揀左New York burger,一份都幾大份，足夠我地兩個女仔share 食，個包係有烘過，脆脆地幾香口，漢堡扒係店家自製，幾juicy,另外蕃茄同生菜都好新鮮。仲有粟米片配牛油果醬，正！因為都幾大件，舖頭會有張黑色紙巾比你包住食，可以唔使驚整到周圍係🤤水牛城雞翼係辣既，可同店主講想要既辣度，呢次其實係朋友知我鍾意食辣，特登就係叫我挑戰呢個😳我地叫左初級版地獄辣，係真係幾勁下，食完係咁流鼻水同眼水，平時食粉麵都會叫大辣既我都覺得好辣下，不過都成功食晒既😂😂味道就酸酸甜甜+辣咁，雞翼肉質都滑。嗜辣者可以挑戰下，佢辣得黎都係有味，唔會得個辣字既。飲品叫左兩款手工啤，其實仲有好多款式，不過同店主了解完後，佢介紹左呢兩款比我地。左手邊就麥味重，淡身既啤酒，右手邊會有d榛子味，比較甜但好岩女仔飲

阿林：店舖細小，只能容納2-3名客人，其餘便要到戶外就坐。老闆雖然一腳踢，但也會友善地和客人吹水和聊八卦。首先上場的是芝加哥漢堡 ($138)——雙層芝士、雙層牛肉。製作過程盡入眼簾：老闆先稍微烤烘麵包，然後悠然自得地均匀塗上醬汁。另一方面煎牛肉及切芝士，把兩者焗一下後，再用火槍輕烤，連同蔬菜疊好。一刀切下來，肉汁、蕃茄汁隨即傾瀉，簡直是一齣拍案叫絕的food porn。新鮮出爐，麵包烤得鬆脆，牛肉柔嫩多汁，美中不足是肉味偏淡。另一道肉是水牛城雞翼 ($48)，堅辣，吃完嘴唇發熱，差不多是我的極限。嗜辣的朋友應該會覺得過癮，更可要求加辣。雞翼大大件，但雞皮幾乎全掉，沒有香脆感，也沒有藍芝士醬和西芹條，總覺欠缺點水牛城風味。最後吃一件焗大菇 ($42) 作結，清清味蕾，感覺滿足。

話說好耐無寫食評了，原因係對上介紹果間cafe比人負評我到喊_(:з」∠)_咁我食果時d飯係好食麻,我點知人地d意粉overcook姐廢話完之後首先要講既係我住左將軍澳十幾年真係食盡將軍澳,想食好少少其實真係幾困難今日我就黎到富康搵朋友見到新開左間美式小食,係門口望左兩眼,見價錢公道就抱住一死既決心入左去了我一黎就叫左佢8成左右既食物ˊ_>ˋ辛苦哂第一樣上枱既係松露油炒雜菇望落真係幾大兜,呠仔一行3人秒速就ko左味道既野唔講啦,總之5星尼舊馬介休18蚊,對於未食過既人一定好過癮,但因為佢材料成本高(鱈魚),導致成上升,收18蚊係無辦法馬介休我比4粒星,果一粒純粹因爲唔大件而扣,絕對同味道無關,有興趣既朋友絕對可以叫黎食下之後黎既就係焗薯皮,煙肉薯皮均焗至脆身,唔同本地一般食店既處理,鍾意食薯既朋友可以焗返個黎咬,反正我叫完爽完,叫唔叫就你地鍾意啦(´▽｀)夠哂juice,同行友人話會黎翻兜,但係我唔鐘意個賣相,私人扣一粒,星星星墨西哥烤餅,脆脆,好食,但份量對我黎講做唔到正餐,其實想比5粒,但係後面仲有個更正既野,所以要留返（¯﹃¯）燒豬仔骨,夠哂惹味,記憶所及就有4支骨,58