鮨處松戶 (彩星集團大廈)

营业中

休息中

星期日同老公出尖沙咀食餐好既。餐廳格局好有日或既感覺。池魚碎切我地第一次食，將池魚刺身撈埋薑蔥一齊食，我老公鍾意食薑蔥，覺得好正。雜錦壽司(上)有吞拿魚腩、油甘魚、三文魚、鯛魚、帶子、池魚、海膽、三文魚籽、青瓜卷，壽司已加芥末係入面，魚生無雪味，吞拿魚腩最好食。雜錦天婦羅有3隻大蝦、紫薯、冬菇、魚、茄子，炸皮卜卜脆，炸得好香口。日式炸雞雞應該用左薑同黑椒去醃，好濃味，而且即炸既好夠熱。吉列黑豚肉炸粉薄薄地又夠脆，黑豚肉都夠厚，幾多肉汁。鹽燒小鯛魚肉嫩滑，無乜魚刺，好食。牛肉網燒牛肉唔鞋唔韌，好軟腍，個汁同牛肉好夾，好出色。燒白鱔白鱔肉質結實，燒得岩岩好。帶子牛油燒同鴻喜菇一齊燒，帶子好新鮮，食到有酒味。

去開隔離睇電話，先發現原來呢棟野有幾間日式餐廳，個入口都幾隱蔽，唔容易發覺，今日就揀左居酒屋試下一入到去就見到兩間塔塔米房，好日系！而家去唔到日本都可以係香港感受下。場內都有唔少日本人去食，店員都識講日文。燒魚翅 （$90）啲魚都燒得幾香脆，似食緊雞泡魚乾，咸咸香香，配啤酒幾啱梅子大葉免治雞肉棒 （$68）梅子醬唧左係面，雞肉棒燒完再搽左照燒汁係上面，同梅子醬酸酸甜甜勁夾，未試過呢款日式食品都可以試吓，都幾特別大船渡灣·令和之怪物🦪 （時價）個名聽落好勁咁🤣！聽店員講係日本岩手縣一個地方產物。呢隻生蠔係朝早搭飛機黎，即日到港，非常新鮮肥美！食落好鮮甜嫩滑，仲帶有少少礦物嘅味道。掛住影相都食慢左，大推！！池魚碎切 （$230）係香港都好少食呢類魚生，多數都係叫三文魚、拖羅果類。黎到呢到見到其他就想試下平時少見嘅。 池魚肉質都好爽口，魚味偏濃，加埋個擺盤都好吸引，好有心思。雜錦香腸 （$78）燒物黎講香腸都幾抵食，份量都幾多。有三款腸仔，燒得好香脆，唔會乾，都係配啤酒一流拖羅•左口魚壽司 拖羅（$80/1 ）左口魚（$45/1）拖羅好新鮮，啲紋都見到好完美，肉質肥美有油香，有少少入口即溶

尖沙咀Apple Store旁邊一幢毫不起眼的大廈當中原來隱藏著不少餐廳，而鮨處松户正是其中之一間低調而高質的日本餐廳。餐牌選擇繁多，價錢亦比想像中相宜得多。前菜 ($25/位)入座時會先送上前菜，價錢以人數計算，小小一碟中有蓮藕、蘿蔔、冬菇和蒟蒻等材料。鮨處松户海鮮沙律 ($95)以不到一百元的價錢而言，本來不抱有太大期望，結果竟然出乎意外地切粒刺身份量極多，包括八爪魚、吞拿魚、三文魚、三文魚子等，而沙律菜亦新鮮爽脆，以炸天婦羅粒取代一般常於凱薩沙律中出現的麵包粒，不論是口感還是味道都同樣豐富，性價比奇高。池魚碎切 ($230)原條池魚切片後以魚頭連同魚骨圍邊，賣相精緻，池魚肉質軟嫩當中略帶爽脆，魚鮮味濃厚。蒜片炒雞腎 ($78)雞腎切得透薄如紙盡顯刀功，然而薄身的雞腎仍然保留雞腎應有的爽脆，更不會帶一般切塊雞腎常有的堅韌口感，蒜味香而不烈，整體鹹度亦恰到好處。鹽燒雞翼 ($58)雞翼拆成兩邊除了更加方便客人食用之外，更能令燒製時雞翼受熱更平均。雞翼皮脆肉嫩，肉汁豐沛，沒有絲毫乾韌之感，點到即止的鹽花更令雞翼進一步提鮮。雜錦天婦羅 ($105)雜錦天婦羅包括大蝦、鰈魚、冬菇、南瓜、豆