金鳳茶餐廳

营业中

休息中

今日黎到灣仔區搵早餐食，周圍都好多人排隊，經過開見到呢間充滿懷舊氣息的金鳳茶餐廳，決定入黎試下😍😍入面裝修同格局十分懷舊，唯一美中不足，係d位比較窄，加埋人多就差少少今次叫左早餐B，包括左煎蛋同餐包，個蛋煎得幾好，燶邊半生熟蛋，蛋汁配合番個餐包，好好食❗️❗️之後到主角❗️❗️❗️沙嗲牛肉公仔麵，沙嗲汁係食過咁多間入邊最濃，肉又淋公仔麵個人覺得軟硬岩岩好，當然都好睇個人口味，個人覺得值得一試❗️

每次喺灣仔，都好想食金鳳，好可惜每一次都見到好長人龍，所以有時都去唔到食。今日咁岩我同朋友兩個人，去到唔太長龍，所以就成功食到！呢一種舊式茶餐廳喺香港已經買少見少，我叫左常餐嘅沙嗲牛肉公仔麵加火腿奄列，再要多一杯熱奶茶，沙嗲牛肉非常濃味，加埋公仔麵呢一個配搭就係我嘅最愛！仲有火腿奄列非常厚身，加埋個餐包，一個常餐份量已經非常之夠！佢嘅熱奶茶奶同茶嘅比例適中，茶味唔會太澀，同時奶亦夠滑！至於茶餐廳伙記嘅態度，我又覺得冇乜嘢！有時佢哋仲係好細心見到你差唔多食晒啲嘢，先放杯嘢飲過嚟，免得你成枱都係食物放唔晒啲嘢而食得太狼狽！

金鳳從早到晩，客人都絡繹不絕，店內地方狹窄，今天早上11點來到，客人未算多，如果你是一個人前來，那就定要跟陌生人同桌了。這種佈置也是港式茶餐廳的傳統做法，雖然私隱度比較低，但就令食客之間顯得更親切，如果是經常來的熟客，相信會很容易跟同桌的食客成為朋友。這裡的店員們，也是說話語氣粗豪的，或許外地遊客會誤以為外表兇神惡煞的他們很沒禮貌，實則只是坦率的表現，只要來多了，你便會發現店員們其實頗友善的。金鳳最著名的，首推原裝凍奶茶，這凍奶茶是沒有加冰塊的，取而代之是將沖好的絲襪奶茶放入冰箱，令奶茶的原味和幼滑得以保留。至於馳名的菠蘿油，我覺得這間跟最好的有很大距離，麵包焗得太硬，菠蘿皮也欠鬆軟，味道不算差，只能說一般。反而沙嗲牛肉公仔麵，郤比想像中好，麵煮得剛剛好，不太硬也不會太腍，而牛肉的沙嗲味也香，有點滑口感。整體來說，食物算中等。雖然來金鳳茶餐廳未必會坐得很舒適，但要感受那種灣仔街坊，還是值得一來的。