影片
更多
2022-05-21
1674 浏览
疫情下冇得搭飛機去旅行，只好搭渡海小輪去長洲 staycation。第二日checkout後，揀了這間很多長洲街坊都會幫襯嘅名店「陳通記」。不過，檔口招牌明明寫着「通記」，點解全部人都叫呢間茶檔做「陳通記」？小店位於露天熟食中心，不過很多露天位置已經用帆布覆蓋多年，並且擺滿了枱枱凳凳，再無法分辨清楚熟食中心原本的室內檔口佈局。細心留意，又發現原來「陳通記」佔據了幾個檔口，但枱櫈擺放實在很混亂，根本分不清那一張枱屬於那一個檔口。其中一個梗檔門口有塊膠牌寫上「今日冇鮮魷」，本來唔知點解。搵位坐下來後聽見鄰枱有個男人（似乎係熟客）問了一句：「今日冇鮮魷呀？」落單阿姐回答：「係呀！」之後再看看餐牌，就明白點解。原來其中一款名物正是鮮魷魚！反正並非小編目標，冇所謂。順便截住阿姐落單，揀了另外一款名物沙嗲牛肉公仔麵。其實最出名係米通（後來才知道），即是用米漿做的通心粉，相信係全港獨家；不過，落單時未清楚底蘊，所以冇叫到，只好留待下次再探長洲。餐牌上仲有一種古怪飲品「榨橙」，有熱有凍；再問阿姐，原來係榨橙汁！好懷疑 ⋯⋯ 點解會有「熱」嘅？又要留待下次證實。沙嗲牛肉公仔麵（$34）顏色未算特別吸引，
小店位於露天熟食中心，不過很多露天位置已經用帆布覆蓋多年，並且擺滿了枱枱凳凳，再無法分辨清楚熟食中心原本的室內檔口佈局。細心留意，又發現原來「陳通記」佔據了幾個檔口，但枱櫈擺放實在很混亂，根本分不清那一張枱屬於那一個檔口。
其中一個梗檔門口有塊膠牌寫上「今日冇鮮魷」，本來唔知點解。搵位坐下來後聽見鄰枱有個男人（似乎係熟客）問了一句：「今日冇鮮魷呀？」落單阿姐回答：「係呀！」之後再看看餐牌，就明白點解。
原來其中一款名物正是鮮魷魚！反正並非小編目標，冇所謂。順便截住阿姐落單，揀了另外一款名物沙嗲牛肉公仔麵。其實最出名係米通（後來才知道），即是用米漿做的通心粉，相信係全港獨家；不過，落單時未清楚底蘊，所以冇叫到，只好留待下次再探長洲。
餐牌上仲有一種古怪飲品「榨橙」，有熱有凍；再問阿姐，原來係榨橙汁！好懷疑 ⋯⋯ 點解會有「熱」嘅？又要留待下次證實。
沙嗲牛肉公仔麵（$34）顏色未算特別吸引，本來對味道也沒有太大信心。但原來沙嗲醬汁稀稠度剛剛好，並沒有過度濃稠。自家秘製醬汁加入了適量花生碎，香料蓉亦充份磨爛並炒至起沙；味道香濃、微辣惹味，係絕對地道嘅香港風情味道，南洋沙嗲同印度咖喱嘅完美混合體！
沙嗲牛肉公仔麵
$34
97 浏览
1 赞好
0 留言
切片鮮牛肉同樣幾好食。沒有用食用梳打粉將牛肉醃制至霉軟、甚至奪去了所有肉汁及味道；入口仍然充滿牛味及肉類纖維質感。雖然肉質表面有點硬身，但咬下去尚算軟滑冇渣。以大排檔質素來講，已經算係高質素的本地牛肉。
沙嗲醬汁的確出色，又採用沒有過度醃製的鮮牛肉；沙嗲牛肉公仔麵值得一試。
张贴
