金園茶餐廳

营业中

休息中

今日去試大家都讚不絕口嘅茶餐廳｛金園☕️｝，中午都有1x人排緊隊，不過流動得好快，所以等咗一陣就入得🫶🏻✴️酥皮蛋撻✴️熱辣辣新鮮出爐，外表好靚仔，蛋漿飽滿，令人好有食慾😍味道唔太甜，蛋軟乎乎，不過蛋味連淡～酥皮鬆而不油，食完隻手仲係乾身，無油淋淋嘅感覺👍🏻👍🏻✴️叉燒湯意✴️外表平平無奇，但湯底好夠味！意粉仲keep到彈牙，叉燒仲幾厚身，好食！❤️✴️沙嗲牛肉麵✴️牛肉無咩點用鬆肉粉嗱過，所以有嚼頭🤟🏻沙嗲濃厚，有花生香，食之前記得要撈一撈，成碗麵會更香✨✴️紅豆冰&奶茶✴️紅豆冰略甜，但豆量極多！可以少啲豆同無咁甜更襟飲🙈

蛋撻不嬲都係香港人下午茶嘅美食，因為一件熱辣辣新鮮出爐既蛋撻，酥皮鬆脆，蛋漿滑溜，加上一杯熱奶茶，就可以抵銷港人半日嘅辛酸，但一件普通嘅蛋撻，點可以滿足到嘴刁嘅香港人，因為皮蛋撻非常考功夫，要做到外層鬆化、蛋漿軟滑既酥皮蛋撻談何容易。最近有間好受歡迎既茶餐廳，原因係因為佢地既酥皮蛋撻。金園茶餐廳係位於長沙灣工業區既一間舊式茶餐廳，平時食客都係街坊多，不過可能因為疫情，香港人無得去旅行，只可以專心一意係香港搵美食，最近社交平台發起一個香港蛋撻關注組，將各大茶餐廳嘅蛋撻比較，有網民將呢間金園茶餐廳嘅酥皮蛋撻放咗上去，引起熱烈嘅關注而爆紅，蛋撻厚得黎又鬆化既賣相，吸引左好多蛋撻迷過黎幫襯，高峰時期要排足45分鐘先買到，由此可見佢有幾受歡迎。金園茶餐廳其實已經長沙灣開業二十幾年，係1998年開業，係家庭式經營，呢家由第二代既次女接手。第一代店主做法就係貴精不貴多，所以餐牌剩係得兩頁紙，款式唔多，不過茶餐廳要有嘅佢都有，當中豬扒燴意粉最出名，因為入面既秘製黑椒係前店主拜師學習，黑格豆要親自去上環海味店挑選，對食物非常執著。特別一提每人最低消費$19，所以淨係食一個蛋撻唔夠。當日係紅日去，大概下晝

今日經過長沙灣終於有機會試到人氣蛋撻排左一陣隊後終於有得入去堂食，好快就上左兩件蛋撻雖然睇相唔係好明顯但的確有少少燶，不過勝在新鮮出爐都幾好味不過略嫌覺得蛋味不夠燶要注意餐廳堂食有每人最低消費$19然後唔可以淨食一定要加一杯嘢飲😯重點係我已經有叫多咗一個沙嗲牛肉麵餐不過職員都係話要加多一杯嘢飲然後杯嘢飲要$19蚊 老實說杯嘢飲味道一啲都不值這個價錢沙嗲牛肉麵餐味道一般跟餐嘅蛋同埋麵包麵包中間有夾住牛油都OK但係個蛋睇落好靚食落去有陣燶味懷疑係佢個鑊嘅問題😩食到一半就上埋第二轉嘅兩隻蛋撻今次冇咁燶係好食左嘅我諗值得讚嘅應該就係佢新鮮出爐熱辣辣同埋個皮食落去都係好脆 但係個底就好薄蛋漿好多不過都係覺得個蛋味未夠香 差咁少少總結而言我覺得淨係食佢個蛋撻就夠其他嘢應該唔好食 同埋佢堂食都真係幾唔抵

今日嘅下午茶就揀咗嚟長沙灣金園茶餐廳📣，因為我哋太耐冇食佢嘅沙嗲牛麵啦！由於下午茶時段所以唔係好多人，慶幸有得坐卡位！一坐低唔使考慮就即刻叫咗兩個特餐加一個雞批。🤩🤩特餐特餐有火腿奄列，餐包，沙嗲牛肉麵同餐飲。火腿奄列嘅蛋煎到半生熟，切開中間會漏蛋汁，配合軟綿綿嘅餐包，好正！而佢嘅沙嗲牛肉個汁係特製，好香濃嘅沙嗲味，而且牛肉較一般的厚！❤️❤️而餐飲就叫咗凍奶茶，同普通嘅茶餐廳冇咩分別。雞批而雞批啱啱新鮮出爐，熱辣辣，勁香酥皮味，咬落去個脆皮勁鬆脆，中間嘅餡好多，雞肉同香濃嘅忌廉汁簡直絕配！🥰🥰其實好想試佢個蛋撻，都係新鮮出爐，不過太飽都係下次先啦！😆😆

勞動節都要早起食早餐嫁！難得有一日假，同朋友約咗早起身做gym,佢就帶咗我嚟金園食沙嗲牛麵。呢到既格局仲有舊式冰室既情懷，我同佢都分別叫咗個常餐沙嗲牛麵加杯熱啡。食物好快就上枱，熱呼呼既麵上面放住水準以上既沙嗲牛呀！而且餐包唔係普通比個牛油方包，火腿奄列都冇hea你嫁！我個人超中意食奄列，特別，特別係中意食火腿奄列呀！我覺得火腿奄列呢個發明簡直係中國第五大發明。嘆埋杯咖啡，醒神哂去做gym.埋單每人40蚊，抵食！