i kitchen (已結業)

之前lunch time同同事去咗附近嘅工廈西餐廳食嘢， 呢度比較隱蔽，去到門口見到佢張餐牌同埋先認得。 餐廳裏面嘅氣氛同外面好唔同，有一種舒適休閒嘅格調。基本上晏晝只有lunch set menu，所以我哋買咗幾個套餐。佢個餐湯係甜薯湯，但係因為天時暑熱，我唔想飲熱嘅湯，所以就叫咗沙律。佢個沙律係菜蔬沙律，用嘅汁係沙律醋。天氣太熱嘅關係，所以我都一定要叫凍飲。我叫咗杯是日特飲，係味道十分香甜清新嘅蘋果茶。我個friend叫咗布根地紅酒燴牛肋肉($98)。佢肉嘅份量都幾多，汁嘅味道非常之濃，所以啲肉好入味，配飯食好開胃。我就叫咗個芥末蜜糖焗鹹豬手($98)。呢個都係好入味，但係因為有蜜糖，所以除此之外仲稍微有少少香甜嘅味道，而且肉質非常之嫩滑，容易入口。最後每個餐都會送一份甜品，今日嘅甜品係藍莓芝士餅。芝士餅上面嘅裝飾係提子，好特別，好少見。佢嘅芝士味濃度適中，唔算好漏，好食。餅底嘅牛油味好香。埋單大約每人$100左右，因為好齊全，而且都幾好食，所以都算幾抵。另外，服務方面，可能係因為lunch hour，要方便上班族，所以上菜上得特別快。如果趕時間，但又想食好啲，呢度都係唔錯嘅選擇。

今次去穩身於觀塘工廈的高質素餐㕔 ikitchen食午餐⋯果然係唔錯既決定午餐都有不少選擇，原來近排做緊promo，like 佢 fan page 同 today menu 仲有8折，唔怪得啲貴嘅lunch set 全部清晒😲遲來的我，只能選擇水牛芝士紅菜頭意大利飯。先來了沙律，菜都很爽，也有車厘子。然後來了一碟粉红色的心？説真的，我也是第一次見到紅色汁伴飯🙄，紅菜頭汁伴意大利飯，吃落口也不錯👍，帶點清甜，飯也彈牙，連芝士吃也不溜。有❤️思。餐飲檸檬水也很新鮮，仲有四片🍋，絕不欺塲。最後送上甜品，cheese cake ＋小小火龍果，可口👍地方唔算大，所以一定要先訂位。如果是午餐，更要早到，存貨有限，遲來就冇咗很多選擇。不過服務員都好好，會事先講明才讓客人入座。原來週六日中午有Brunch價錢👌，值得encore

朋友之前黎過帶我黎食，係觀塘工業大厦入面，入面氣氛同環境都唔錯，適合情侶黎，唔會好嘈。小食叫左個薯角，好脆，熱lala，又大碟，32蚊唔貴前菜可以揀焗大菇或沙律，揀左後者沙律菜好多款，面頭有幾塊牛肉（應該係），桃蓉酸酸地，幾開胃。餐湯，紫薯，好濃，結結地，唔會太甜，好味。主菜松露味幾香，汁剛剛好，不過份量少左啲，帶子得兩粒定三粒。餐飲，即磨咖啡整體唔錯，但碟好大，食物份量少，一個餐計埋加一約二百蚊，貴左啲。

5月初一行4人去食dinner。去到工業大厦要登記方可搭上去。食店抽風設備超5掂，好大陣油煙及有d煙霧揮之不去。結果，我們眾人帶著濃烈油煙味而離去。回到家除了對鞋洗5到，其他要全洗。服務人員係掂，幾nice。食物方面，則。。。5多欣賞。由於其中一位朋友要食素，所以我們只叫了3個 set dinner，額外單叫多一個湯。單叫的黑松露湯 : 好香濃黑松露味，但卻見到一層厚厚既油浮面，所以飲湯好飽set dinner 既沙律 : 不錯，幾新鮮set dinner 既餐湯 : 我們叫了茹湯，情況跟黑松露一樣。。。主菜分別係 1) 威靈頓牛柳 : 酥皮ok，牛柳 overcook，韌 (2) 香煎龍脷魚 : 係我既誤解。。。我見英文有 fillet呢個字，我就以為係魚柳。點知上枱係一條香煎薄肉龍脷魚。。。omg。。我怕魚骨 魚煎得5太香脆，肉身又太薄(3) 帶子仔蟹籽意粉 : 呢個係3碟來講，最好味set dinner 既甜品 : 咖啡蛋糕。。。聞就有淡淡咖啡味，食就得丁丁味，仲有一層咖啡帶酸，我5多欣賞所以我食過一次就足夠