Parkview (新城市廣場一期)

营业中

休息中

筆者經常出現喺新城市附近覓食，一直都冇試過呢間，睇完餐牌雖然覺得偏貴，但始終係新城市晚市，所以都仲可以接受。由拎位到入去餐廳嘅過程只係幾分鐘，以筆者喺新城市食飯咁多年嘅經驗，心裡面都將個期望降低咗啲。二人餐嘅餐牌，扒同主食嘅選擇其實都好吸引。蘑菇餐湯雖然唔係罐頭湯，食得到蘑菇粒，但係好大敗筆係唔夠熱。沙律係青瓜蕃茄仔加上好常見嘅芝麻醬，期望以內嘅味道。餐包反而係最熱辣辣又軟屬，夾牛油好好食，聽講係自家製，質素幾高。隔離係加錢叫嘅特飲，蜜桃冰茶還ok。但係柚子藍莓梳打呢，藍莓味道太搶同唔夾個梳打，可一不可再。同桌話好想食青口，所以叫多咗個白汁青口配薯條。薯條同湯一樣唔算好熱，但都算脆口。白汁其實煮得好香，不過青口唔夠入味。跟餐的煙肉蘆筍，煙肉唔係煎到好脆口個種，但係配上蘆筍嘅爽脆都幾特別，好居家嘅味道。豬肋骨份量幾大，熟度處理非常好，唔會過老，而且燒烤汁好惹味，炸洋蔥圈點埋黎食都得，呢個幾推薦。鵝肝野菌意大利飯嘅野菌味好搶鵝肝嘅味道，可能野菌份量真係多好多啦，不過似乎入面加咗芝士，鍾意拉絲嘅話，呢個意大利飯其實會好好食。唔記得影甜品，係明治嘅椰果味乳酪，果然係居家嘅味道，喺西餐廳好少見到

我哋兩公婆好少食西餐，今日喺沙田唔知食乜好老公話不如試吓呢間啦，上網睇原來係A1集團，之前好鍾意食（但而家執咗）嘅沙田Balencia都係佢地嘅，所以俾次機會希望食得番Balencia嘅味道。原來又唔錯喎！我地大約7點左右入座，店內都坐滿咗8成。晚飯時段Menu有兩種，一個係二人Set Dinner,另一個就係a la cart。我哋揀咗二人Set，再加一份小食，因為咁樣點會比a la cart抵少少。首先前菜有兩個面包、甘筍湯同埋沙律，我開頭仲以為是日餐湯會係罐頭湯，點知個湯幾好飲喎，濃度適中，飲到少少甘筍蓉係入面但又唔會杰到難入口。面包應該係用番A1嘅面包，好鬆軟香口😋可惜無帶阿女嚟，如果唔係佢一定搶住食。沙律細細碗但用料都唔差，有我鍾意食嘅rocket leaves。之後嚟嘅係小食，我地點咗意式青醬煮原隻青口配薯條。唔好睇佢細細兜但係青口有16隻左右，其實幾抵食。重點係，個青醬好香口，有淡淡牛油蒜香，我地食完仲諗住留起個青醬陣間撈飯食😂不過青口上碟時就唔係太夠熱，如果熱啲會更加好味之後上主菜啦，先嚟嘅係香煎鵝肝意式燴飯。鵝肝Size啱啱好，因為食得多會好膩，入口好濃油香味，配埋飯

在新城市一期走了一圈覓食，碰巧有澳洲M5和牛西冷推介，滿心期待選了一份二人餐$598 (包括自家製麵包、餐湯或沙律、澳洲M5和牛西冷12安士、三文魚忌廉意粉伴明太子及三文魚籽、甜品及飲品)。自家製麵包(兩個)： 麵包比起一般西餐廳的餐飽要大，奉上時溫度和暖適合進食，非常鬆軟紅蘿蔔餐湯 (一客) ：顏色自然，口感綿綿成蓉的西湯，有微細的紅蘿蔔粒沙律 (一客) ：蔬菜新鮮，並配以沙律醬。澳洲M5和牛西冷12安士、紅酒蘑菇醬及法式芥苿籽醬：下單時要求西冷五成熟，但上碟時切開一看已超越五成熟，幸好口感並沒有因此而受影響，在烹調時牛肉的油脂已溶掉並與牛肉融合，肉質稔身且多汁帶點油份，有驚喜!想牛肉味道再提昇，可沾一點紅酒蘑菇醬或芥苿籽醬。紅酒蘑菇醬有薄片蘑菇，帶點甜味; 而芥苿籽醬則有黃芥苿的香味，讓西冷的層次提昇不少。伴菜有西菜、青豆角、薯仔; 薯仔口感軟綿。以M5和牛西冷及伴菜的份量與質素，整體都非常滿意三文魚忌廉意粉伴明太子及三文魚籽: 三文魚外表煎至金黃色熟度剛好，奉上時餐碟已預熱，將意粉與薄薄的芝士、明太子及三文魚籽伴勻，稍作等候，再慢慢用餐具捲起意粉，有芝士拉絲的效果。意粉韌度

係一期一樓行左一圈，選擇左呢問餐廳，因為惠顧佢既晚餐，送自助沙律和甜品~我點左美國安格斯西冷，要七成熟，但卻熟過頭，而且無鮮牛肉味和"鞋"，唔好食！至於自助沙律和甜品吧雖然位置細小，但選擇都幾多，refill 得快！沙律幾新鮮，甜品 refill 既款式常轉變。但可惜，沙律和甜品都係只可各攞一次。我認為只可攞一次做成大浪費，因為 D 人一次過攞好多又食唔晒，我見到有個太太攞左一個 main dish 既大碟裝左一大碟沙律‧‧‧我唸呢間餐廳去一次就夠了~