鍋心粥底火鍋 (和富道) (已結業)

又一篇合時的「還債」之作。名食家把常去的百多間食肆公諸同好，而鄙人也有寥寥可數這麼幾家常光顧的店子，不公開是對不起各位食友了。天氣轉冷，我倆再去「打成一遍」，而且有新的「玩意」提供，沒有不動 “board” (keyboard是也) 之理！這火鍋店的分店不少，而我倆則偏好這位於北角內街、提供粥底火鍋的分店。前一天，我們來此walk-in碰運氣失敗，便先訂了這天第一輪的二人席。五時半準時到達，早到的大有人在，而入座的安排比以往迅速得多，不消幾分鐘便坐下點餐了。這店以「沒有海鮮價」作號召，而海鮮也是其強項，每次都新鮮甜美。更討喜是不設加一，點最便宜的肉蟹套餐，位位二百，非常划算！這裡的食材是逐款上桌，若很餓的話可能會覺得慢，但好處是讓大家嚐真每一種的味道，也按著每款的建議烹調時間去弄到剛熟，這對海鮮尤其重要。這樣有節奏地吃、不用像放題般打衝鋒又怕「蝕時間」，能好好享受食材，腸胃也舒適很多！龍蝦打頭陣，不算大隻、膏也不算多，放進粥底時有不少膏也落在裡面了。因為不是放題、不想蝕底 (！)，加上上菜較「滋油」，自然可以花更多時間「食盡佢」，這才讓我吃到鉗甚至腳等平時沒留意的肉，發覺也相當好味！果

今日收到約埋三五知己一齊去食近期大熱既粥底火鍋，我地之前係大圍食過一次一直都念念不忘🥰今日我地預約左北角分店。大家要留意預定時間只係有1800-2000，2030-2230。如果唔係係附近放工，就要捱肚餓到8點半先有飯食😂同埋而家無酒牌，想飲酒可以自行買去（餐廳比）睇睇個Menu先，肉蟹同沙白係鐵腳黎，另外可以自選5款海鮮。我地今日簡左鮑魚，油貝，花甲，海蝦同大尾魷。所有海鮮🦞都好新鮮，分量絕對充夠❗️❗️❗️而另外仲可以簡8款火鍋配料😂我地食完飽到上心口。特別推介萵荀，響鈴🔔萵荀通常係台式火鍋店先會提供，估唔到有🥰🥰食到最後，職員將食剩既野撈起先。再落粥底，南瓜🎃，芋頭，豬油渣⋯煮成粥分比大家。食飽飽，連埋汽水，每位$214（唔洗加一）❗️❗️一定會Encore🥳