很得輝 (金滿閣)

营业中

休息中

天氣凍冰冰但又想食宵夜，OpenRice 搵屯門有咩食呢，就畀我搵到喱間很得輝。💛💛💛見佢生炸脾好吸引咁，啲人又勁推，忍唔住轉兩轉車黎食。未到前都打去同佢落定order先，到時去到就可以即攞走。因為佢啲髀係即叫即整，真係需時。佢最主打生炸髀嘅，但我唔太想食炸野，又覺沙薑髀真係少見，就叫左啦。沙薑髀配蘑菇飯套餐都係$50，仲送一杯無糖茶。《沙薑雞髀》買到返歸，個髀都仲微溫（天氣真係太凍），忍唔住即刻黎返啖，爆多汁，雞髀勁嫩，真係唔係長期煲住嘅。表面沙薑味十足，加埋雞本身嘅汁，真係食唔停口。舊雞髀都唔係細，啖啖肉，但都好快比我清曬，無得輸呀。《蘑菇飯》一啲都唔細架，飯量十足，汁都恰好，蘑菇片超多，啖啖都食到蘑菇。汁似xfc得黎又比佢濃，又似黑椒汁但又無黑椒嘅刺激感。支持很得輝💛💛💛，好過支持肯德🐓🤭🤭🤭希望佢可以長長久久咁做落去，仲未試生炸髀呀！要開到可以堂食！開爆佢！

入咗屯門搵吓朋友吹水，傾到夜夜地，肚餓要搵野食，朋友介紹有間世一雞髀店，我就真係想試吓有幾世一。於是大家就揸車入去搵嘢食啦叫咗好多嘢直接講結論王牌炸雞髀，辣雞翼尖，益力多沙冰，真心世一呢隻炸髀外皮用咗應該係麵包糠，所以做到外脆內軟，最緊要係佢中間爆汁超Juice，我估佢應該又落咗玫瑰露酒有少少酒香味，好正香港地我諗搵唔到幾多間可以做到咁嘅樣，佢一定係top three之內辣雞翼尖，自從黃大仙小販檔冇咗已經唔知度邊度好食，但今次竟然發現到佢依個雞翼尖，正可以慢慢選又入味，真心個隱依個益力多沙冰太好飲開咗，都唔記得影相我諗師父應該隊左兩至三樽益力多落去，超濃味

很得輝係一間喺屯門嘅小食店，最出名就係佢哋嘅大大隻炸雞髀🍗🤩 但其實除咗炸雞髀，仲有另外兩款口味：沙薑同滷水～仲有好多其他小食同埋台式飲品，單買雞髀就$32，亦有雞髀配小食/飯麵嘅套餐，但都係$45左右～•🥢 炸雞髀平時好少食炸髀，因為覺得會好油膩同熱氣，但呢隻真係會忍唔住想再食！雞髀好大隻，但唔會太肥，食落唔會覺得有一層好厚嘅油脂係中間，炸粉薄得嚟仲做到好脆！雞肉好嫩好juicy～本身雞髀都有啲調味，唔另加調味粉都好食！調味粉有好多款：海苔椒鹽、香草辣、純辣、麻辣、魔蠍辣椒同死神辣椒，分咗唔同級數嘅辣，鍾意食辣嘅一定要挑戰！•🥢 沙薑雞髀未開盒已經聞到好香嘅沙薑味，食落唔會太鹹，但好入味，肉質好嫩，唔算好肥，覺得炸髀熱氣就可以揀沙薑髀啦~•🥢 滷水雞髀滷水呢款算係3種口味入面最遜色，因為滷水唔係好入味😬 可能我唔好彩，隻雞髀入面肉色有啲生生哋，又有啲紅～同埋呢隻雞髀都幾肥，皮下面層肥膏都幾厚🥺 可能下次要試多次試真啲先得😥•🥢 蘑菇飯雞髀配埋蘑菇飯同一杯綠茶先$48，而且份量都唔少，都幾抵～ 蘑菇醬汁偏甜，有黑椒粒，但食落黑椒味唔太突出，味道亦都唔係好出色，同連鎖炸雞店果款好唔同。

同朋友到屯門小店吃消夜，隨意揀了老闆介紹的沙薑雞髀。老闆人超好，用心介紹食物，親力親為，而且價錢一點也不貴！雞髀肉汁鮮嫩，沙薑味覺得剛剛好！消夜首選！十分推介大家試試！^_^