名館 (希慎廣場) (已結業)

餐廳位於銅鑼灣希慎廣場12樓，嗰幾層有好多間食肆，今次揀咗去呢間中菜館食，之前往聽朋友講食物質素同環境都唔錯，食咗之後表示完全認同! ▫️京川汁秋葵首先食個冷盤，秋葵爽脆，醬汁帶點酸辣，好開胃▪️名館厚切叉燒王名符其實，叉燒真係好厚切，蜜汁味好出，肉質好嫩，即使切到好大件但都好腍，口感好好▫️灌湯鮮肉小籠包熱辣辣上枱，皮薄餡靚，湯汁好多，食嘅時候要小心爆汁，而入面舊肉都非常好味▪️沸騰水煮滑魚片🐟一上枱大家拎晒手機出黎影相，個鍋太吸睛！首先食嘅當然係魚片，好滑好好味！紅油好惹味，而且入面有好多配菜，包括有午餐肉、雲耳、芽菜、豬紅、寛粉，份量十足，食極都有，非常足料。▫️石鍋鮑魚炆雞🍲上菜時聽到炸炸聲，石鍋夠哂熱！雞件十分入味，又嫩滑！鮑魚亦有好多粒，好有咬口▪️鮮菠蘿海鮮炒飯🍍🍚面頭佈滿芝士，好邪惡！海鮮有兩大隻青口、大蝦同好多粒元貝，勁多料，用左新鮮菠蘿，唔會好死甜！飯粒分明，非常唔錯，份量好勁，夠哂4個人食！▫️十三么🀄️呢個甜品夠哂霸氣，成副麻雀像真度極高，係椰汁糕嚟～盤上全部嘢都食得，包括張紙幣，係米紙嚟㗎！味道不過不失，但打咭真係一流，人人都可以「食」到十三么喇！

未試過喺希慎入面食飯，不過今日同朋友行左好耐，諗住就腳求其搵間餐廳試下，朋友又話呢排好想食中菜，就揀左呢間中菜試下。陳醋手拍青瓜 $ 48青瓜好爽脆，酸酸甜甜好開胃，屬於偏甜風味口水雞 $ 68醬汁好惹味，少少麻辣，雞皮薄唔太肥，雞肉嫩😋沸騰水煮滑魚片 $ 298超大鍋，魚係鱸魚片，魚片好滑嫩，配料亦有好多種（豬紅，薯粉，芽菜，午餐肉 etc.)雙味菇蔥爆蝦球 $ 118好有鑊氣蝦球超大舊同埋蝦肉好爽口，份量都唔少金銀蒜銀魚蒸勝瓜 $ 68超多蒜鋪面，同啲瓜夾埋一齊超好味豉油王頭抽飯焦蝦 $ 118啲飯炒到粒粒分明，蝦都好入味名館筍尖蝦餃皇 $ 48蝦餃皮雖然唔係好薄，但唔會太粉幾煙韌，加左筍尖落去，又幾夾喎大良鮮奶一口酥 $ 48見到以為外皮會有啲硬，但咬落去係外面少少脆，入面係好綿架奶味都幾香十三么 $ 128玩味麻雀椰汁糕整到真係好似！！糕唔太甜，食得最多就係我