億饍 (已結業)

今日和爸爸往油麻地億饍食晚飯, 我們點了鮑魚烏雞燉湯, 南乳吊燒雞半隻、梅菜肉餅和油飯。鮑魚烏雞燉湯好足料,鮑魚味濃, 烏雞肉質鮮嫩味美, 湯好清甜, 好養生的燉湯；南乳吊燒雞半隻燒雞雞肉肉質鮮嫩, 皮脆肉嫩, 食落雞皮好香脆, 肥而不膩, 燒雞配上南乳醬汁一起食, 南乳汁酸酸甜甜, 食落好開胃；梅菜肉餅梅菜食落爽口甜度適中, 肉餅食落好腍有肉味, 食落很有口感, 梅菜汁食落好開胃, 最後蔥花能帶出整份肉餅的美味, 送飯一流；最後油飯食落軟綿, 飯好香滑甘香。餐廳環境舒適,食物美味, 份量十足, 餐具整潔企理,而且價錢合理, 送菜不含味精,爸爸很滿意餐廳的美食, 我們食了一頓美味住家菜。

又到悠長假期既最後一日, 當然要出街shopping兼食餐好啦! 媽咪發板要去旺角既億饍食dinner, 事關佢話之前同朋友去過, 飲過果度既燉湯係真材實料, 非味精湯, 於是建議今晚一家人去飲返碗補一補先。初初意為係一間中菜餐廳, 點知原來有泰國同越南菜食, 真係有驚喜啊!!!menu上有幾款燉湯, 仲註明燉湯功效, 我就更係揀款養顏既燉湯啦~【花膠烏雞香菇燉湯】HK$88燉湯果然足料, 有大量既瘦肉, 瘦肉非常林而且索左d湯入味, 唔係滾完冇味既湯渣, 雖然花膠不算太厚, 但個湯係超級清甜, 有少少黏口...入面仲有大大隻切件東菇, 幾爽口, 一個燉湯份量有四個碗仔, 一家人share就岩哂~【泰式海南雞 半隻】HK$150order左半隻雞南雞, 結果送上檯時意為侍應比錯左"一隻", 估唔到份量咁大, 海南雞金黃外皮, 沒有瘀瘀黑黑, 肉質更是鮮嫩, 配上兩款汁醬, 味道更加昇華, 抵食味道好, 下次黎必定要encorn!!!【油飯】HK$18/個海南雞當然要配個油飯, 個飯不是很油, 飯質偏乾, 油香味不算太出【冬蔭功海鮮湯河】HK$88menu上見到冬蔭功湯跟湯河價錢都是一樣

雖然遲左兩日，不過都要趁呢個熱潮同老友一齊屠龍，今日約埋老友兩個人收工到信和一齊攞之前訂左嘅GAME順便買埋呢期熱爆嘅GAME，之後一齊行去油麻地搵食，經過譽發廣場時睇到呢度開左一間多國嘅FUSION菜店，除左有老友好鍾意食嘅越南菜式外，仲有我最愛嘅龍蝦食，所以我地就決定去呢間億饍刷返餐。億饍係譽發廣場4樓 ，餐廳裝修嘅有西餐廳感覺，桌椅又似中式私房菜館，餐廳唔大間，我地7點半左右到雖然唔駛等位，不過客人都幾多。菜單設計簡約，但菜式選擇非常多，除左東南亞菜式、中菜，另外仲有燉湯選擇。我地點左$328嘅龍蝦孖寶，跟餐揀左咖哩牛筋腩，兩個人應該夠食，不過見到隔離枱嘅蝦餅好吸引，我地都忌唔住點左一份。泰式鮮炸蝦餅($68)呢個炸蝦餅好彈牙，而且外層香脆，沾上泰式辣醬非常惹味，而且$68咁大份，性價比都幾高。龍蝦孖寶($328)避風塘野生辣龍蝦野生龍蝦我地揀左少辣，配合避風塘製法，咸香之中帶點微辣，非常美味，而且野生龍蝦特別有彈性，入口鮮甜爽彈，我地兩個都食得好滋味。咖哩牛筋腩煲牛筋份量好多，咖哩唔會太辣，配油飯食味道好配。油飯($18)埋單每位$230，價錢合理。

今日和爸爸往億饍食dinner, 我們點了炸蝦餅, 蒸手打黑松露肉餅、南乳吊燒雞和油飯。炸蝦餅炸得香脆, 食落彈牙, 佐酒一流；蒸手打黑松露肉餅黑松露味香濃, 肉餅咬落鮮甜, 送飯食十分滿足；南乳吊燒雞雞肉鮮嫩, 皮脆肉滑, 南乳味濃,一般店舖的南乳吊燒雞有好多骨, 但這裡的南乳吊燒雞冇乜骨, 食落啖啖肉, 十分惹味；最後油飯飯味香濃,好有飯香。酒樓環境舒適, 座位闊落, 食物一流, , 尤其是南乳吊燒雞十分惹味, 而且酒樓價錢大眾化,, 值得再來。