Lockeroom Dining (朗晴坊) (已結業)

ғᴏᴏᴅɪᴇ ᴛɪᴍᴇ 今次食咗Lockeroom Dining💛佢係一間以足球阿仙奴為主題嘅餐廳，成間餐廳嘅佈置都好有特色！球迷一定唔可以錯過🤩炭烤美國1855牛肋排蜜糖燒肉汁($188)牛肋排一共有三大塊，肉質都好淋，唯一係有啲筋嘅部份難啲切😆味道不過不失！仲配番薯蓉，幾好味😋另外佢係晚市套餐，所以有埋飲品、餐湯同沙律🥗沙律用個玻璃樽裝住，感覺上衛生啲🙈餐湯應該係椰菜花湯，都幾好味！蒜香牛油法包呢一個係跟餐包埋嘅法包，蒜蓉唔係超級重，但係都好夠味好香😆點埋湯一齊飲就啱啱好🥳卡邦尼蟹膏意大利扁麵配溫泉蛋($128)意粉軟硬度啱啱好，再配埋溫泉蛋好creamy! 不過可惜溫泉蛋嚟到嘅時候已經爛咗🥺蟹膏嘅味道主要係底，所以建議要拌匀先食🥰法國鵝肝香蒜麵包(2件) ($108)一共有兩件嘅鵝肝麵包，好香鵝肝味(⁎⁍̴̛ᴗ⁍̴̛⁎)仲好大塊，入口即溶🥳配麵包食，口感啱啱好！性價比真係好高🌟另外，上菜速度好快，基本上落完單好快就有🤣

今日去朗豪坊 shopping, 記得旁邊朗晴坊有好多餐廳, 所以去睇下, 最後揀咗呢間, 因為佢有我最愛嘅鵝肝我地咁岩5點到, lunch set 做到5點半, 同時亦可以叫 dinner set, 簡直係 perfect timing 因為價錢實惠而且選擇亦多, 所以我好貪心地叫咗 main, 仲加多3個小食蟹肉芒果木瓜牛油果沙律嘅賣相非常靚, 橙黃綠, 又多蟹肉, 見到經已好開心, 當然要來個港女上身地自拍一返, 啖啖蟹肉加生果, 贊!鵝肝兩片都只係$108, 出面只能食到一塊嘅價錢! 雖然唔算好大塊, 但都煎得好香, 充滿油香咸蛋黃炸得剛好, 外面脆卜卜, 亦食到咸蛋香味另外佢地嘅蒜蓉飽都做得好香脆, 有著香香嘅蒜蓉味! 仲要係厚切不欺場!!至於兩款魚都做得好, 午深海石班肉好實, 亦醃得入味, 唔需要醬汁挪威三文魚配蘑菇香檳汁亦好夾, 個汁好濃菇味!

出開旺角順便食埋lunch，朋友就推介我去呢間足球主題餐廳⚽️試吓。餐廳牆上掛🈶️波衫並以紅灰色為主調，仲有一個較特別好似鳥籠嘅卡位，我諗應該要預先指定先有得坐😆喺旺角嚟講，佢哋個lunch set價錢唔算貴，所以食得豐富d，我哋另外再點咗小食同飲品。當日嘅餐湯好特別，係西式白蘿蔔湯，清清甜甜。「松露忌廉海鮮意大利天使麵」🈶️一圈圈嘅魷魚圈同蜆肉。松露忌廉汁好creamy，松露份量亦唔會過濃而覺得好大陣「火水味」咁😆唔想食太多澱粉，所以就叫咗個 「香燒可持續石斑魚柳配法式龍王湯」。魚柳嘅皮煎得香脆但唔乾，龍王湯係由蕃茄同多種海鮮煮成，味道非常濃郁😋不🉐️不提係佢嘅薯菜一啲都唔馬虎，唔係比薯條薯角之類，而係紫薯蓉。顏色吸引之餘甜甜地好好味☺️「法國鵝肝香蒜麵包」上面嘅鵝肝都幾大塊，兩面煎得香脆，入口即溶😌蒜蓉包就算擺咗一陣都係外脆內軟，配上黑醋汁一啲都唔膩😍「 鹹蛋黃雞翼」外皮炸🉐️非常香脆，加上鹹蛋黃醬非常香口，而且裏面嘅肉仲係嫩滑多汁，真係食唔停口。一邊食一邊飲番杯好足料嘅新鮮水果茶，而且糖漿係自己落🉑️以控制甜度，非常冰爽透心涼🧃