LA FAMILLE

营业中

休息中

唔知多唔多女仔同我一樣好鍾意食蛋糕，尤其是係賣相靚嘅蛋糕，除咗攞嚟食仲可以打卡，一物二用！📸今次買餅請同事食，就揀咗 La famille ~$5x-$6x 嘅價錢就可以買到非常之打卡able嘅蛋糕，味道仲要幾唔錯添！英國伯爵茶 ☕️ $56呢一個茶味香濃，上面有一粒細細的馬卡龍添！上面嘅cream啱啱好就可以撈埋下面嘅海綿蛋糕一齊食，cream同埋蛋糕嘅比例啱啱好，四個入面我就最鍾意呢一個，可能係因為本身都比較鍾意食茶味嘅甜品😍👍🏻👍🏻日本白桃 🍑 $62相信一見到粉紅色，應該已經好多女仔心心眼，呢一個睇落好似冇乜cream咁，事實上佢隻cream收埋咗喺中間位置，甜度適中，個日本白桃亦都唔會剩係得死甜，啱晒各位少女心嘅同事們💓💓法式檸檬撻 🇫🇷 $62呢個法式檸檬撻，中間嘅檸檬慕絲有少少檸檬嘅酸味，口感好有層次，就算係食完晚飯再食都唔會覺得好漏～🍋🍋大甲香芋黑糖麻糬 🍬 $62呢一款係四個入面相對地比較甜嘅一個，入面嘅麻糬煙煙韌韌勁好食，配埋芋頭同黑糖嘅香味，成件事又意外地夾，都幾值得大家試吓架～🍠🍠

每次經過呢間店都會俾佢吸引左✨因為蛋糕真係display得太靚，又多款式口味選擇蛋糕精緻，細細個唔太貴，啱哂貪食嘅我絕對適合閨蜜買嚟打卡或者做小型生日蛋糕🎂❤️法國玫瑰 一口鬆軟的玫瑰戚風蛋糕，充滿淡淡的玫瑰幽香玫瑰的味道不假，香香甜甜的幾好食蛋糕面仲有粉紅色朱古力花同紅桑莓，好啱打卡用✨💛法式檸檬撻 檸檬吉士mousse同檸檬戚風，唔酸同食落好清新餅底係脆的，真係好似食緊檸檬撻咁💜大甲香芋黑糖麻糬 香芋味戚風蛋糕比較少見，甜味恰好，口感輕盈夾層內軟糯的黑糖麻糬與香芋忌廉令整體味道更豐富真係好satisfying🥰🤎雙重朱古力 好濃的朱古力味，蛋糕上仲鋪有朱古力脆脆加埋朱古力鮮忌廉，成件事真係十分朱古力推薦朱古力愛好者一定要試下

每次行過都會被佢地嘅蛋糕吸引，小小的Chiffon Cake用上玻璃罩蓋住，就有如藝術品一般，令人聯想起小王子的玫瑰花。不過原來玻璃罩除左有增加觀賞性嘅功能外，亦可以為Chiffon Cake保濕，唔怪得食落鬆軟得黎唔會越食越口乾😌日 本 日 向 夏 蜜 柑 $64 🥇蜜柑多汁柔嫩香甜但唔酸，再配埋中間既意式香草奶凍同Cream，兩者出奇地夾好好食，完全襯出日本嘅夏の味道呀 🇯🇵法 式 檸 檬 撻 $64 🥈檸檬吉士甜酸balance，咬落仲有少少檸檬皮帶點回甘🍋而個底部仲有消化餅底，做到Tart皮嘅感覺。有時會覺得食Lemon Tart/cheesecake 太漏，反而做成空氣感十足嘅戚風蛋糕剛剛好👍🏻英 國 伯 爵 茶 $58 🥉切開已經聞到濃濃嘅伯爵茶香，簡簡單單夾埋Cream一齊放入口，可以專心享受戚風蛋糕嘅質感🇬🇧日 本 白 桃 $64 中間放上清幽嘅日本白桃，戚風蛋糕亦有淡淡桃香，整體都好輕盈🍑