我愛慢煮 (孖沙街) (已結業)

喺上環返過工，就知道呢度好多嘢食🤤🤤今日下晝就同男朋友嚟到💛我愛慢煮食嘢，可能因為過咗lunch hour，餐廳都無咩人，亦唔需要等位。一入去，店員先請我哋叫嘢食再坐低，我哋就叫咗兩個set lunch。🌿牛板腱扒(平鐵) $100牛板腱扒即係牛肩胛內側的部位，而每一隻牛大概只有兩公斤的板腱。因為烹調手法係慢煮，所以牛板腱扒調味唔多，令客人可以品嘗到肉嘅原汁原味。牛扒肉汁豐富，不過近白筋位置嘅肉比較難咬，我哋最後都無成塊食哂。🌿法式油封鴨脾$60 鴨脾嘅皮脆口，而肉面滿有油脂，質地偏乾，但鴨味濃郁，整體唔錯。反而值得一讚嘅係配菜同薯條：雖然係配菜，但生菜爽脆，而薯條就香脆，再配蛋黃醬一齊食非常滋味。不過呢度嘅鮮奶咖啡真係唔太好飲，因為要加$15 ，對個咖啡會有啲期望，點知大失所望：杯咖啡本來已經冇咩咖啡味仲要太多冰，淡上加淡😢😢🌿小結：相比之下，油脾嘅味道同口感較為出色，配菜亦不錯，作為午餐份量啱啱好。除咗牛扒餐，其實其他喺中上環地區嚟講都算抵食。餐廳環境乾淨，設計係工業混西餐廳嘅風格，外面亦有塗鴉牆可以打卡。如果下次有機會喺夜晚再嚟，會試試佢嘅蕃薯條同菠菜苗。

今日跟友人學完整麵包後更順便在附近吃晚餐，一心諗住早吃會少人一點，點知….看來這間餐店挺受歡迎。餐店門外牆身好酷，加埋紅通通的發光招牌，的確好搶眼吸引。沿短梯走走入店內，只看見四張枱和一個開放式的廚房。原來還有上層，燈光柔和，設有多張四人枱，半自助形式，客人自行取餐具和所需的調味品。還未點菜，店員便送來每人一支自家製酒精搓手液，想為醫護加油，亦提醒香港人自救。在此段艱難的日子，送上這份有用的禮物，真係窩心到爆燈，不禁要說多幾聲「謝謝!」。*****************************每枱均放有兩張餐牌，一食品一飲品。先看看食品類，有慢煮菜單、配菜和甜品。兩個女仔唔吃得太多肉類，但來得「我愛慢煮」，無理由唔吃慢煮的菜式，故點了一份法式油封鴨脾，連同配菜燒露筍苗 和芝士溫泉蛋大啡菇 一齊上枱。兩隻法式油封鴨脾 French Duck Confit ($118)體積都唔細，啖啖肉，相當抵食。以慢煮方式炮製，鴨皮弄得金黃，灑上些香草，睇落幾靚仔。皮不香脆，肉嫩兼有咬口，吃落不油膩，味道剛好，不錯! ****************************燒露筍苗 Grilled B

去上環見一個好耐無見嘅朋友，想揾個地方食個飯，揾到呢間「我愛慢煮」嘅餐廳，好似幾適合大家坐低傾吓計飲吓嘢，就試一試啦！因為慢煮，以為啲嘢食都要等好耐，原來都可以好快上台有得食😂😂叫咗個慢煮牛扒，鮮嫩多汁！切開牛扒生熟程度剛剛好！而且勁多肉汁10分juicy! 法式油鴨脾，滿口油香，正正正，價錢超值！焗大啡菇，面層有一層芝士超香！中間又有流心蛋配合埋香濃軟滑。係唔錯嘅小食！店員介紹嘅黑麥手工啤！朋友話麥味香濃，好特別！澳洲青檸檸檬特飲，好醒胃☺️

老公接收工搵好野食，行過就打算試下。佢食物啤酒種類都算多！我地坐上層。呢度係自助，要落去落單，不過食物佢會送上黎。兩個人食480蚊，以中上環西餐黎講都算抵食。蕃薯條熱辣辣炸起上黎，推介！不過佢係瘦版薯條，鍾意食肥條就唔好叫。佢係配沙律醬，仲加左少少黑松露。蘆筍苗比外面見到既蘆筍幼身好多，嫩好多的。不過如果係菜怪就要叫多幾碟先夠過口癮！大！推！介！一百一十八蚊兩隻鴨脾好抵食。一人一隻唔洗爭，入面都好嫩口，外面煎香又唔會太咸！牛扒佢切好哂上，夠方便，見到入面都粉嫩既。醬汁分開哂，岩我呢啲走醬怪。老公叫左個啤，幾可愛！