宿宿醉 (已結業)

友人叫我放工去中環集合, 話帶我去試間法式越南菜館! 走入一幢舊式商業大廈入面, 一打開升降機間就見到呢個招牌講真, 以為去左酒吧喎...................再行入D有經典電影人物歡迎你店內面積唔大, 開放式廚房, 有卡位有梳化位, 牆身以變格版嘅"最後的晚餐"作點綴, 玩味十足!以畫框作為餐牌佈置, 增添多一份藝術成分, 食物種類大至上分小食, 蔬菜, 法包, 飯, 檬粉等亦有套餐, 供應法/美式食品, 如扒類, 鴨肝等自家製越式春卷 ($68) -  一放上枱已經聞到炸物嘅香味, 金黄色春卷被切成4份,  被材料塞得滿滿, 外皮脆內裏餡料仍然帶有濕潤, 口感豐富!春卷點少少酸辣汁, 再用生菜包住一齊食, 滋味滿分!身為鷄翼控的我, 又點可能錯過呢客香茅牛油蒜香鷄翼 ($68), 炸至金黃色嘅單骨鷄翼, 更易入味及進食時方便, 曬上脆炸蒜粒及辣椒粒, 惹味程度倍增!炸至皮脆肉嫩, 蒜香味幾濃, 愈食愈想食!食D咁濃味嘢, 當然要叫杯凍飲, 講到解渴又好飲, 青檸梳打 ($28)實屬我嘅不二之選!  每間調配方法都唔一樣, 呢杯味道青檸味幾出, 酸味較甜味重, 梳打水有氣泡

某天經過中環，一幢平平無奇的大廈發現一家越南餐店，內裡環境裝飾越南風帶點法國藝術，好fusion 越式鴨肝法包，法包已經一分為二，除了鴨肝外，還有青瓜，蕃茄及酸瓜絲， 餡料絕對豐富，法包軟腍帶點脆口，輕咬一口，鴨肝的油香滲落法包上，令人一口接一口特強宿醉劑就是法式火車頭金邊粉，安格斯牛肉/ 牛坑腩/ 牛柏葉/ 牛筋丸及越南虎蝦，裝著金邊粉的器皿富有中國特色，高貴華麗先喝一啖湯，非常清甜帶有牛味，牛丸爽彈，虎蝦已開邊，非常細心，在碗中的是油炸鬼，剛好吸收了湯頭，很好吃金邊粉較為幼身，份量是超多，跟友人分別吃了三碗，多人絕對夠店員已預先送上青檸，辣椒粒，芽菜及香葉，香葉必須撕碎入湯芒果軟殼蟹米紙卷，一客6件，每件都包得非常實的的，沒有散口，主角軟殼蟹夠脆口最後點了一杯越南滴漏咖啡，咖啡漫漫流到下層杯內，杯底已經有練奶，混在一起後依然不失咖啡香