吉氏

营业中

休息中

自從朋友前年搬入屯門，我就不時到屯門找她吃晚飯。得知她即將搬出屯門，臨別秋波，當然要跟她在屯門吃餐好的最後晚餐。從市中心邊聊邊散步，走到之前來過的小區，發現一間吃西餐的，七時已經差不多滿座，這間該不錯吧。天氣不算太熱，坐戶外挺舒服，聊天也可以更盡情，叫了一渣SANGRIA WHITE，渴下很清新很舒服。放左門外的new menu已經很合我們胃口，點了青口配茴香酒忌廉汁及法式鴿子千層批。青口肉非常嫩滑，忌廉汁加了茴香為平凡中加入了不平凡，味道頗獨特。這道菜外面不常見，當然要試試。千層批相當精緻有心思，批皮下的第一層是椰菜，再包著鴿子不同的部份，薯蓉看似很下欄，卻是我和朋友的最愛，這個薯蓉吸收了鴿腿的油香，而且小鴿腿充滿煙燻的香味，令人吃過番尋味。最後以法式焦糖燉蛋作結，最喜歡以匙羹敲焦糖的動作，真的很療癒。焦糖夠厚實，加上軟滑的燉蛋，為這一頓晚餐劃上了完美的句號。

今日去左屯門探朋友，朋友就帶左我去佢屋企附近既法式小店，小店就係角落，唔太起眼，但我地去到已經坐滿人，原來呢間店係主打法式手工菜，店內雖小，但食物質素非常高。粟米湯粟米湯非常鮮甜濃厚，口感幼滑。西班牙辣肉腸炒馬尼拉蜆西班牙辣肉腸好爽脆，而馬尼拉蜆肉厚又甜美，醬汁酸酸甜甜，店員仲推薦另一個食法，就係將醬汁配埋餐包一齊食，口感都好夾。法式鴿子千層批鴿子批是比較創新既手工菜式，這道菜源自法國，類似威靈頓牛既做法，由一款甜品演變成鹹點，用酥皮包裹住乳鴿肉，焗至外皮酥脆，千層批個皮酥香柔潤不膩，鴿肉味道非常突出，很特別。朱古力梳乎厘朱古力梳乎厘非常蓬鬆，味道唔會太甜，口感軟熟。紅酒、白酒兩道菜都非常適合配餐酒，呢兩款酒由店員推薦，非常夾。

朋友介紹黎到屯門置樂隔離嘅一間地中海菜，餐廳係以意式法式為主嘅傳統菜。環境寬敞精緻，適合情侶約會。偷偷得知，原來主厨係來自 “上環 英文字 Kitchen ”的。老闆仲有講，呢度會有四季 menu，保持大家嘅新鮮感🦪法國生蠔買3送1抵食！大食！新鮮！一次過集齊3大重要元素🥢蕃茄羅勒醬煮薯仔麵團朋友非常鍾意！ 酸酸味味嘅蕃茄醬加上大量勁正嘅義大利油漬蕃茄乾。薯仔麵團口感煙煙韌韌，味道開胃又好食🌟法式鴿子千層批我就最驚嘆個威靈頓鴿！可以話係必食菜式之一。千層批外皮酥香柔潤不膩口。入面包住鴿肝醬、鴿胸肉、鴿脾肉等等餡料，層次濃香甘香分明，驚喜滋味無窮！而旁邊隻煙燻鴿脾雖然細細隻，但嫩滑得黎，味道更係入味到極🍨野莓梳乎厘梳乎厘蛋味非常濃郁，而且口感鬆軟，空氣感十足，🍷白/紅酒抵飲又香滑