嘉多娜餅屋

营业中

休息中

大熱之選人氣大熱嘅法式麵包布甸，油麻地間分店往往都要排長龍，要排成個幾鐘先買到，實在冇勇氣。佐敦店好多時都唔使排隊，朋友過去買，店員姐姐好好人，仲一次過俾佢買10個從朋友手上拎到個布甸，再喺屋企雪櫃雪左成晚，晚上先拎來做甜品我用焗爐翻熱，180度焗8至10分鐘，焗完之後好食好多，味道昇華。個包變得好脆好好味，用刀切開，蛋漿又震騰騰嘅布甸感覺，非常滑，甜甜地，加埋個麵包，成件事非常之完美建議大家下次都去佐敦分店買，絕對推介

終於都食到傳說中嘅麵包布甸。下午2:00出爐，而家會派籌，所以早少少度拎左張飛之後去周圍行吓返嚟都得。2:00嗰轉有400個，每人限買四個。因為住喺新界區，返到屋企第一下嘅直覺就係要焗返熱佢黎食。焗完之後個皮超級脆，好似奶油脆豬咁脆，個布甸就變咗流心，食嘅時候就要好小心。味道上好香嘅雲呢拿味同埋蛋味，加埋脆卜卜嘅麵包，真係好滿足。不過朋友話應該係凍食嘅。所以又留低一個攤凍咗嚟食，攤凍咗之後個麵包就變返𣺉，個蛋漿凝固番，布甸依然係咁滑，不過個麵包就失色好多。所以我自己鍾意焗熱嚟食多啲！網上面有人建議凍個麵包入雪櫃一陣，跟住先開大火喺焗爐焗5分鐘，咁就可以做到凝固嘅布甸同埋外脆嘅麵包啦🤣🤣🤣

諗返起琴日都覺得超開心，忍唔住食d「黃gum gum」既野慶祝！😆最近紅爆成個佐敦既法式麵包布甸（$15）絕對係我首選。每逢兩點準時開賣既殿堂級美食，一切開就有香噴噴又極富蛋香既溏心噴瀉而出。雖然我嫌d小甸甸就咁食會偏甜左少少，但連埋麵包蘸來食絕對係一流！.Tips Time📈 : （1）聽聞佢地既炒蛋餐肉包都好好味，如果朝早經過可以嚟買，$14就有一個熱辣辣既早餐🤩（2）記住早少少來買，最遲13:45好嚟排隊，如果唔係就有機會買唔到/等勁耐（雖然一人只限買四個）