Bingo & Cook (駱克駅) (已搬遷) 新店位置

呢間餐廳主打既正宗又新派嘅韓式料理，店𥚃播住超update 嘅Kpop 🇰🇷💗豬腳($290)豬腳以加咗生果同大醬嘅滷水汁炆煮，但醬汁香較淡唔夠入味。預先起骨切片🍖豬皮Q彈充滿骨膠原，肉質肥瘦分明，脂肪同筋位爽口唔膩，肉嘅部份有嚼勁得嚟唔會嚡，食落冇臊味。可以夾住生菜🥬、醃蘿蔔絲🥕、紅菜頭片、洋蔥🧅、白泡菜同韓式辣醬一齊食，味道更豐富外，仲減低油膩感💗蜂蜜牛油炸雞($130/半份)無骨炸雞炸得酥脆，炸粉唔會太厚，內裡雞肉嫩滑多汁🐥既有蜂蜜粉嘅甜香🍯又有濃郁嘅牛油香🧈完全就係蜜糖牛油薯片個隻味，可以點埋芥末醬同洋蔥醬一齊食，不過食得多會有d膩💗泡菜煎餅($120)煎餅厚薄啱啱好，口感外脆內軟，完全唔會油淋淋🥞咬落勁足料，啖啖都有爽脆嘅泡菜，辣度唔高，點埋帶微酸嘅醋汁一齊食非常夾👍🏼💗韓式炒年糕($170)濃稠嘅醬汁以韓式辣醬為主調，味道辛辣帶甜，香濃惹味🌶辛辣麵煮得較軟腍以吸收醬汁嘅精華，相對冇咁彈牙 🍜；年糕偏軟糯唔夠煙韌；魚糕就正正常常咁幾彈牙🍢；配菜方面仲有一隻全熟蛋、少量洋蔥、高麗菜同蔥。

又到我至愛既韓式餐廳， 今次係銅鑼灣揀左間好多人like 既bingo & cook。店內樓底好高， 好適合一大班人聚會慶祝， 今晚生日歌源源不絕地播⋯😂九點入座，無需等位。兩個人既晚餐， 點得唔多， 點了蜂蜜牛油炸雞及泡菜煎餅， 及兩杯啤酒$78@。蜂蜜牛油炸雞一上菜就好香牛油味，好喜愛炸雞調味粉，炸雞咬落唔油膩， 表皮脆， 肉質不算juicy，略乾，另配有兩款醬（不過單食炸雞已好好味， 醬都無點過）😋泡菜餅上有酥炸魷魚圈， 雖然單食炸魷魚圈無咩味， 但配上泡菜煎餅就口感豐富左， 煎餅上泡菜仲要爽脆， 食落索索聲😍， 不過泡菜煎餅就無一般泡菜湯咁辣喇。 總結： 食物同環境讚👍🏻，下次光顧可以試食韓式火鍋， 韓式炒年糕，及其他款式既煎餅， 例如海鮮煎餅。

韓國菜是我的菜🥦嘻嘻😁呢間餐廳環境都幾好，空間大得嚟幾闊落，卡位坐落幾舒服，啱哂一班fds聚會。唔旺場嘅時候，喺不限時架，重點喺性價比高!!點菜時間!! 叫咗個原味炸雞、泡菜煎餅、吞拿魚壽司、炸魷魚彈彈麵。嘩!唔試唔知咁脆，呢到嘅炸雞已經榮升到我個炸雞list no.2既位置~No.1當然喺韓國嘅橋村炸雞啦😋先講下呢到嘅炸雞先~皮薄有焦糖脆，咬落有肉汁，肉質亦唔乾身。佢仲有成四個醬俾你轉口味: 辣、蒜香、醬油、芥末。贊!個泡菜煎餅原本以為喺平時食開果啲普通嘢，點知幾有驚喜喎!個煎餅唔會話好薄，泡菜足料，煎得好香脆而且口感有點Q，食落好滿足!重點喺佢個醬汁真喺好正，味道好豐富，出面好難食到呢個味~至於個壽司就普通啦，紫菜已經放左一段時間，口感已經唔再香脆，吞拿魚亦比較乾身。個彈彈麵嘅炸魷魚🦑就好新鮮，好香脆!佢個麵質幾QQ嘅，但個湯底就一般啦~下次會試埋其他嘢 整體水準都唔錯嘅👍🏼👍🏼

晏晝同同事想食韓國嘢，見到哩間餐廳咁多好評所以過左黎試。1:30黎到都唔係話好多人，個環境好休閒，店員都係講英文為主，因為佢地係韓國人，餐廳另一半係open kitchen, 可以親眼睇住廚師喺度煮嘢食咖！哩度嘅定價中等，不過相比起食物份量黎講，都物有所值唔想太熱氣食炸雞，所以嗌左烤雞，仲要係無骨烤雞，嫩口又入味嘅雞，好味道而且仲有好甜嘅粟米同大大舊薯仔伴碟，！仲嗌左個泡菜煎餅，煎得好香亦好多泡菜料，好入味得黎又一啲都唔會係一個”粉餅”

友人想食步隊鍋，問我有咩好介紹😊隨即想起Bingo & Cook， 地點又方便，喺銅鑼灣餐廳環境舒適，中間有個大電視，播放著韓式音樂泡菜煎餅，煎得好香，邊邊微脆，泡菜少辣，好味韓式無骨烤雞有3種味道，有甜辣醬、醬油及原味，我㨂左甜辣醬，雞肉新鮮，好滑，唔靭，有口感，醬汁微辣，香口惹味五花腩步隊鍋用料豐富，有主角五花腩、年糕、午餐肉、韓國魚片⋯⋯⋯五花腩切成薄薄一塊，好爽，唔肥👍🏼，湯底鮮甜惹味年糕及彈彈麵吸哂湯底味道，好食又煙勒柚子沙冰柚子淸新，唔甜，配埋烤雞一起飲用，好夾

自從食左韓國僑村炸雞之後，味道令人難忘。今天心郁郁又想食炸雞搵到位於銅鑼灣Bingo & Cook, 近銅鑼灣MTR十分方便店內燈光柔和、播放音樂，環境舒適南瓜湯細細杯，南瓜味濃郁，正新鮮沙律味配上柚子汁，淸新開胃泡菜煎餅，用竹墊擺放上枱，幾特別喎。上面有炸魷魚，魷魚唔熱（應該預先炸好）微脆泡菜餅份量大，煎得乾身，唔油，好多泡菜，好味主角當然喺炸雞，我叫左原味炸雞炸得乾身，外面皮脆，雞肉好滑，juicy蘸少許韓國醬油，好好吃飲埋啤酒，呢餐好満足

自從表姐轉咗新工後，好耐都無試過新菜，難得今日夾到時間就相約出動去揾食。睇完openrice後決定選定e間新開嘅韓國料理。星期六晚上9:30到達只有七八枱客人，大約四成左右，所以唔駛等直接入坐，環境幾舒服，現場有電視播映韓國歌曲MV，但唔會好似坊間有些燒烤店聲浪太大太嘈吵，好適合三兩知己一路食住美食一路聽住歌曲但仍然可以秉燭談心，當晚亦有些客食完還在玩遊戲，很有cafe的感覺。因為見推介的炸尤魚要"小食套餐"先有,所以就叫咗份小食套餐，包括四樣嘢:紫菜包飯,拉麵,炒年糕,當然唔少得炸尤魚。包飯用料充足;拉麵麵質彈牙，就算凍咗都仍然咁爽口;炒年糕做法好似千島海鮮pizza，不過餅底係幼條年糕，面頭佈滿芝士啱哂我e位芝士怪客，不過最好盡快食，否則年糕會變硬;炸尤魚肉質幼嫩炸得酥脆，勁正！ 另外再加咗個泡菜煎餅，表姐勁like，因為一條葱都冇而且粉漿唔太厚，主要材料只有泡菜及魷魚但仍然覺得好豐富，好有口感。 諗起韓食又點少得炸雞，雞迷的我仲點咗半份炸雞，真係做得非常正確，熱辣辣炸起肉質嫩滑但唔會食到一口油my favorites 之後仲分別叫咗三杯特飲，正確名稱唔記