金亞淶泰國餐廳

营业中

休息中

今日同同事一起过来附近食泰式美食，聽聞呢間泰國餐廳係隱藏喺工廠大廈，抱住好奇既心態過來，一入來都見到好多人.坐低嗌咗幾個招牌美食.🦐泰式全蝦餅：四個好大個蝦餅，一定要趁熱食好脆口，每一個蝦餅咬落去可以見到粒粒蝦子💯🦞黃咖哩海鮮配蒜蓉包：泰式料理一定離唔開咖哩美味，今次就揀著黃咖哩海鮮搭配新鮮出爐既蒜蓉包 海鮮有青口，魷魚🦑鮮蝦🦐蔬菜有薯仔🥔青椒🫑🍽️招牌泰式火山排骨：每一次見到火山排骨都忍唔住驚嘆火山排骨既份量，今次都唔例外，好適合家庭分享，同咪味道酸酸辣辣，好開胃 🤤 一定唔可以錯過🐷泰式豬脾：豬脾本身膠原好多，經過烹調之後 已經變得好軟嫩 將調味的香氣激發出來 鍾意食豬脾一定要試下🥥椰皇三重奏：一次可以食到椰子既三種口味，椰奶凍，椰子水凍以及椰子本身果肉.🥥係我今次食到好意外既驚喜，可以食的出一間餐廳既人情味 唔鍾意食甜品既朋友都話好食😋 🌟：4.5/5 金亞淶泰國餐廳 (荔枝角)🚇荔枝角地铁站D1出口步行一分钟就好快到达荔枝角長沙灣道883號億利工業中心1樓102號舖

荔枝角美食多多，今晚相約了在附近工作的朋友飯局，地膽帶筆者來到這幢億利工業中心。來到1樓的「金亞淶泰國餐廳」嘆泰菜！成日見人食火山排骨，今次終於試到！由排骨堆砌成一座小山，賣相澎湃。排骨面上舖有芫荽。排骨肉燉煮至腍身入味，輕輕一撕即可骨肉分離。餐廳會提供手套，用手拿著排骨撕咬，食得更加暢快。排骨浸在酸辣香料醬汁中，食到中段會越來越感受到辣勁。份量超多，可以供2-4人食用。泰國菜不能少的咖哩，配有青口、魷魚、蝦肉等海鮮食材。另外也有紅椒、洋蔥、薯仔其他伴菜，甚為豐富。咖哩帶有椰奶香，而且越食越辣，食材都浸得非常入味。濃稠的咖哩配蒜蓉包一流！蒜蓉包烤得脆身，充滿牛油蒜香。無論空口吃，抑或點咖哩同吃都很美味。蝦餅好大件，外層炸得脆卜卜。內餡蝦滑有起膠之感，十分彈牙；而且夾雜著蝦肉粒，增加口感。外脆內彈，配上泰式酸辣醬供蘸點，味道更加惹味。平時是三重奏，今天以真椰皇作盛載器皿，所以加碼成四重奏。殼內有椰絲、椰子奶凍和用椰子水做的啫喱。奶凍幼滑，椰味香濃；啫喱Q彈，感覺相對清新一點。菠蘿冰有大量菠蘿果粒作點綴，入口香甜。