小念頭 (通菜街) (已搬遷) 新店位置

環境舒適的樓上Cafe☕️嗰日去到已經九點幾就嚟閂門，不過員工都好好服務態度好值得讚揚！而且都幾容易搵到，嗰日特別想食蛋糕最後都滿足到真係好開心🧡可能因為夜晚嘅關係冇咩人，雖然地方唔大但係真係好舒服，同朋友傾吓計食吓蛋糕好寫意~~而且仲有好多小道具打卡都好方便💞望一望後面，原來嗰個好似收音機嘅係風扇嚟🤣成件事又加咗分！ 蛋糕整體唔錯，味道都有唔少選擇，飲品都好有特色，推介！ 而且好似每一日都有唔同推介蛋糕，keep住有新鮮感🥰Price💰泰式奶茶戚風雪山蛋糕——— $50(一定要試！)伯爵茶芝士蛋糕———-$54宇治陪茶朱古力 ———— $54(大推！ ！ )推薦值💡:⚜️⚜️⚜️⚜️/5食物環境都好好，唯一考慮就係地方都幾細可能要排隊，而且好多客人嘅時候可能冇咁舒服

近排好hit戚風蛋糕😍 今晚食完dinner唔夠喉就去佐試依間樓上舖，一入到去環境好舒服，都有幾個打卡位，有種小清新既感覺🌿.流心紫薯圈 $52整到好似doubts既形狀，一切落去d紫薯流晒出黎😍 勁治癒～ 而且食得出個蛋糕本身都有好香既淡淡茶味同整得好鬆軟 食落去啖啖都有紫薯味同夾雜住d紫薯蓉 超邪惡🙈.泰式奶茶戚風雪山蛋糕 $48我好鐘意飲泰式奶茶😍 所以一見到依個就嗌佐黎試～ 整到雪山既形狀再將泰式奶茶醬淋係面 好有瀑布既感覺😚 食落真係有泰式奶茶種香味 又唔會話太甜 不過我覺得可以再濃味啲 入面仲有d nuts係度 增加咬感🙆🏼‍♀️.總結，小店原來仲有鹹食同多款野飲提供，連餐牌都係自己手寫，好有誠意😍 而且甜品類全部都好有特式，唔知係咪因為我哋揀咗兩個都係邪惡類蛋糕，所以食完有啲滯但都好滿足😚

食完正餐後想食甜品同埋飲野，搵左間近近地既樓上cafe🤔店員非常殷勤咁介紹蛋糕同埋茶種，而且環境幾舒適，結果係度一坐就係三個幾鐘🤤▪️ 泰式奶茶戚風雪山蛋糕（7.5/10）💲48望落好似好多醬，但係其實食落份量恰好唔會話過濕，入口比較薄滑身，雖則並非好濃泰式奶茶味，但係都有陣陣奶茶香，甜度亦適中，帶有腰果粒，戚風蛋糕夠曬鬆軟，個人幾鍾意呢個質感🍰▪️（右）芝士海鹽奶蓋炭烤烏龍（7.5/10）💲45奶蓋幾厚身，飲到尾都仲有，帶有芝士鹹香，但係唔會話太鹹嗰種，亦不失烏龍茶既甘香☕️不過朋友就略嫌佢嗰杯玫瑰奶蓋玫瑰青茶個奶蓋有啲杰飲唔到茶，一次過就攪勻左🥤🔎 整體評分（7.5/10）