Morokok (家樂坊)

营业中

休息中

去旺角行街閨蜜話想食呢間！ 之前食過都係下午茶比較多，今次食晚餐！泰式正宗冬蔭功海鮮湯 $168 🇹🇭🍲最近天氣凍咗好多，於是我哋叫咗熱辣辣嘅冬陰功湯，入邊好多海鮮，暖心得來又唔怕肥！仲有打邊爐嘅感覺！🤭泰式香茅雞翼 $68外層酥脆，鍾意佢嗰隻泰式辣醬點落去特別好食！泰式燒雞 $198 🍗即叫即整，佢話需要等20分鐘以上，咁我哋就一路傾心事，一路慢慢等！閨蜜話嗰隻燒雞嫩口，好好食😋！雙色芒果糯米飯（碟豆花，斑蘭）$98 🥭🍚食泰國嘢，當然唔少得芒果糯米飯呢個甜品，大大塊芒果，新鮮同埋香甜。賣相好靚，蝶豆花同埋斑斕味嘅糯米飯，搭配椰汁好好食。鍾意佢啲糯米飯夠的骰，啱晒我哋呢啲注重減肥又貪靚嘅女仔。

❤️‍🔥之前一直聽講呢度嘅店鋪非常打卡able，但原來佢嘅嘢食更加吸引！！❤️‍🔥•❤️‍🔥香煎帶子青檸蟹肉蘇盒唔好以為佢淨係擺盆好睇，佢係Kala極之推介嘅菜式之一。首先帶子好清甜，搭配埋蟹肉 再加埋比例啱啱好嘅蘇盒，真係一定要試下！！•❤️‍🔥泰式辣茄汁墨魚麵 伴 香煎美國帶子呢道主食意粉喺西餐嘅基礎上 加咗少許東南亞風味，佢嘅泰式辣茄汁，上面嘅帶子起到一個點睛作用，令我哋越食越開胃•❤️‍🔥泰式正宗冬陰功海鮮湯呢個都係極之推介菜式之一，睇泰國菜正唔正宗，第一樣嘢一定係試佢個冬陰功。呢個湯辣、鹹、酸嘅比例啱啱好，加上海鮮嘅鮮甜味，Kala飲到停唔到•❤️‍🔥雙色芒果糯米飯食完泰國菜梗係唔少得泰國甜品！呢個芒果糯米飯嘅糯米飯好煙韌，唔太甜唔會漏 配上新鮮嘅芒果，又甜又多汁，簡直係絕配，大家一定要試呢個甜品！•❤️‍🔥椰青大菜糕呢個係用椰青絲整嘅大菜糕，唔太甜，適合減緊肥戒緊口，又想食甜品嘅你。好似Kala呢啲重甜嗜好者，就食返芒果糯米飯好啲哈哈～