旺泰特食 (已結業)

星期日同由美國來港旅行嘅朋友去西貢玩。午餐去六福食海鮮，之後就坐街渡去鹽田梓。喺鹽田梓逗留咗數小時，出番西貢已經近六點。呢個時間好多人都會坐車出番九龍，我地費事同人逼，就喺西貢食埋先番出去。去咗旺泰度食泰菜。去到時地下已滿座，於是上咗閣樓。揀咗梳化位，幾舒服。點了冬蔭公、炸蝦餅、泰式炒椰菜苗、木瓜沙律、鐵板蠔仔蛋同濕炒豬肉河。冬蔭公要大先夠飲，因為大嘅都只係剛好夠五碗。細嘅應該只得2-3碗。足料，有幾隻蝦，彈牙。湯底又夠酸又夠辣，飲完成個胃都暖晒。炸蝦餅炸蝦餅，即叫即炸，熱辣辣。好彈牙，非常好食。泰式炒椰菜苗泰式炒法香香辣辣，加咗魚露好咸香。其實都唔算椰菜苗，好大棵，不過都好嫩。木瓜沙律木瓜脆口，加入蕃茄、白豆同花生。不過個醬汁唔夠香，也唔夠入味，一般。濕炒豬肉河十分好食！非常有鑊氣。用上粗河粉，口感得好。個獻汁也不會太杰，剛好包住每片河粉。料都好豐富，有雜菜、豬肉同菇，連藕片都有。鐵板蠔仔蛋鐵板上，好夠熱。底墊咗芽菜，加埋蛋一齊食能去除肥膩之感。蠔仔唔算多，但就幾大粒。和蛋混為一體。味道不錯，唔會腥。環境算不錯；但人手不足，好多時都要叫幾次先有人睬你。

從來未吃過軟殼蟹米紙卷是這模樣的....最好吃的，是那個汁。十分好吃的泰式炒椰菜苗。勁讚，必吃！豬頸肉湯河，豬頸肉下的很多，抵吃又美味。青咖哩牛肉。嗯嗯，好像生吞一樽甜椰椰的椰奶咁....下了很多蝦的香茅蝦沙律。我真係勁鍾意香茅，瘋狂的迅速吃光光，然後連灌了三杯冰水解辣！失色的青木瓜沙律，一點也不爽脆啊，除了那些花生。雞肉濕炒河，兩個字，唔掂。另外還點了一打豬牛雞串燒（勁好食！）和蒜蓉包（硬到可以掟死人。），咩事呢，餓鬼上身嗎？而一個鐘後，是去吃海鮮的wor!