旺泰特食 (已結業)

星期日同由美国来港旅行嘅朋友去西贡玩。午餐去六福食海鲜，之后就坐街渡去盐田梓。喺盐田梓逗留咗数小时，出番西贡已经近六点。呢个时间好多人都会坐车出番九龙，我地费事同人逼，就喺西贡食埋先番出去。去咗旺泰度食泰菜。去到时地下已满座，于是上咗阁楼。拣咗梳化位，几舒服。点了冬荫公、炸虾饼、泰式炒椰菜苗、木瓜沙律、铁板蚝仔蛋同湿炒猪肉河。冬荫公要大先够饮，因为大嘅都只系刚好够五碗。细嘅应该只得2-3碗。足料，有几只虾，弹牙。汤底又够酸又够辣，饮完成个胃都暖晒。炸虾饼炸虾饼，即叫即炸，热辣辣。好弹牙，非常好食。泰式炒椰菜苗泰式炒法香香辣辣，加咗鱼露好咸香。其实都唔算椰菜苗，好大棵，不过都好嫩。木瓜沙律木瓜脆口，加入蕃茄、白豆同花生。不过个酱汁唔够香，也唔够入味，一般。湿炒猪肉河十分好食！非常有镬气。用上粗河粉，口感得好。个献汁也不会太杰，刚好包住每片河粉。料都好丰富，有杂菜、猪肉同菇，连藕片都有。铁板蚝仔蛋铁板上，好够热。底垫咗芽菜，加埋蛋一齐食能去除肥腻之感。蚝仔唔算多，但就几大粒。和蛋混为一体。味道不错，唔会腥。环境算不错；但人手不足，好多时都要叫几次先有人睬你。