冬蔭NOODLE (已結業)

原來呢到開咗間泰式餐廳喎，應該都有一段時間，但我竟然今日先知。呢到環境幾好，坐得幾舒服 😁 嘢食CP 值仲好高泰式船麵 📍$68有4款湯底選擇，之後再揀肉類或海鮮，最後就係粉麵啦～ 牛船河湯底好濃郁 👍 加埋泰式香料更加鮮甜。肉類選擇咗鮮牛肉同牛腩，好淋好有牛味泰式炒金邊粉 📍$78差唔多次次食泰國嘢都會叫，可以睇吓餐廳手勢呀嘛! 呢到嘅金邊粉唔會太酸，仲炒得幾乾身，加埋啲碎花生，幾好咬口飛天通菜 📍$68竟然呢碟係我最有驚喜 🤪 平時食開嘅通菜唔係馬拉盞就係蝦醬，呢到嘅通菜用咗麵豉醬，薑絲，同埋蝦醬，好惹味

老婆要出尖沙咀返啲興趣班，趁有空送佢返學之餘，自不然一齊食埋個早鳥晚餐。晌尖沙咀搵食，話易又得，話難又得，因為周街大把餐廳，難就難在太多，間間都想試咁。好似都有半年多無乜食泰菜，今晚餐飯就定咗食泰菜。呢家「冬蔭Noodle」門面好醒目，入到去更加覺得裝潢好摩登，粉紅色嘅梳化椅已經夠搶眼啦，一邊植物牆裝咗五光十色嘅霓虹燈，勾畫出泰國代表物，表現出另類泰式風情。坐落先發覺，原來餐廳好深，入面仲有一排位，而全店基本色調喺白磚牆配淺墨綠色牆身，加上光線柔和，望落去感覺頗舒服。另外，好欣賞枱上擺放咗一條極富泰國工藝嘅織布作裝飾，加添泰式風情元素。雖然店名用上「Noodle」一字，但翻開餐牌細看，豈止只得泰式麵條，其實，有好多泰式美食。當然正宗泰式湯粉條喺其主打之一，仲有嘅喺泰式飯品、主菜、沙律、小食、甜品及飲品。順帶一提，枱上早已備有辣椒乾、辣椒醋、魚露，供客人品嚐泰式湯粉時用。素春卷 $68一見到個「素」字，乜都好，啱晒老婆。一客有5條之多，炸得外皮香脆唔油，內裡夾雜好多粉絲、椰菜絲、甘筍絲及木耳等，清新爽口；最正喺個甜酸醬，酸香醒胃。泰式炒椰菜苗 $78既然同老婆食飯，點選菜式時自然會就佢，