影片
更多
2019-05-28
1751 浏览
老婆要出尖沙咀返啲兴趣班，趁有空送佢返学之余，自不然一齐食埋个早鸟晚餐。晌尖沙咀揾食，话易又得，话难又得，因为周街大把餐厅，难就难在太多，间间都想试咁。好似都有半年多无乜食泰菜，今晚餐饭就定咗食泰菜。呢家「冬荫Noodle」门面好醒目，入到去更加觉得装潢好摩登，粉红色嘅梳化椅已经够抢眼啦，一边植物墙装咗五光十色嘅霓虹灯，勾画出泰国代表物，表现出另类泰式风情。坐落先发觉，原来餐厅好深，入面仲有一排位，而全店基本色调喺白砖墙配浅墨绿色墙身，加上光线柔和，望落去感觉颇舒服。另外，好欣赏枱上摆放咗一条极富泰国工艺嘅织布作装饰，加添泰式风情元素。虽然店名用上「Noodle」一字，但翻开餐牌细看，岂止只得泰式面条，其实，有好多泰式美食。当然正宗泰式汤粉条喺其主打之一，仲有嘅喺泰式饭品、主菜、沙律、小食、甜品及饮品。顺带一提，枱上早已备有辣椒干、辣椒醋、鱼露，供客人品尝泰式汤粉时用。素春卷 $68一见到个「素」字，乜都好，啱晒老婆。一客有5条之多，炸得外皮香脆唔油，内里夹杂好多粉丝、椰菜丝、甘笋丝及木耳等，清新爽口；最正喺个甜酸酱，酸香醒胃。泰式炒椰菜苗 $78既然同老婆食饭，点选菜式时自然会就佢，
呢家「冬荫Noodle」门面好醒目，入到去更加觉得装潢好摩登，粉红色嘅梳化椅已经够抢眼啦，一边植物墙装咗五光十色嘅霓虹灯，勾画出泰国代表物，表现出另类泰式风情。
坐落先发觉，原来餐厅好深，入面仲有一排位，而全店基本色调喺白砖墙配浅墨绿色墙身，加上光线柔和，望落去感觉颇舒服。
另外，好欣赏枱上摆放咗一条极富泰国工艺嘅织布作装饰，加添泰式风情元素。
虽然店名用上「Noodle」一字，但翻开餐牌细看，岂止只得泰式面条，其实，有好多泰式美食。当然正宗泰式汤粉条喺其主打之一，仲有嘅喺泰式饭品、主菜、沙律、小食、甜品及饮品。
顺带一提，枱上早已备有辣椒干、辣椒醋、鱼露，供客人品尝泰式汤粉时用。
素春卷 $68一见到个「素」字，乜都好，啱晒老婆。一客有5条之多，炸得外皮香脆唔油，内里夹杂好多粉丝、椰菜丝、甘笋丝及木耳等，清新爽口；最正喺个甜酸酱，酸香醒胃。
泰式炒椰菜苗 $78既然同老婆食饭，点选菜式时自然会就佢，再嚟多道素菜。其实，平常嘅椰菜佢真喺麻麻哋啱，尤其𠮶啲炒到腍晒或白烚，但椰菜苗就当别论。啲椰菜苗色泽青翠，炒得火喉恰好，口感爽脆，加入咗豆板酱去炒，味道咸香细致。
泰式炒椰菜苗
$78
4 浏览
0 赞好
0 留言
真喺唔知叫好钟意吖，定抑或真喺撞着咁啱，睇番自己嘅食评，以到访泰菜馆计，经常无意识下都点呢一道泰式炒金边粉。份量唔少，金边粉炒得湿润唔糊，味道酸酸甜甜，除有大大只鲜虾外，仲有啲豆腐干及蛋花碎，旁边佐以花生碎、青柠，令食味更丰富。
泰式炒金边粉
$78
5 浏览
0 赞好
0 留言
甜蜜蜜蝶豆花茶 $35平常老婆少嗌嘢饮，不过，见有款蝶豆花热饮，几适合就点选咗一杯。一小杯茶，但所落嘅蝶豆花份量唔少，故此嚟到已变为深蓝色，本应加咗柠檬片后会变成紫色，但因太多花量就令到效果唔明显。虽然，蝶豆花无乜味，但可有舒缓情绪之用。
龙眼冰 $28呢排外间郁啲都三十几度，有杯冻饮入口真喺约爽架，呢杯龙冰嘅糖水都几够清甜蜜润，而且，里面有好多龙眼肉，不过，食落就知喺罐头货一类，非用圆肉（龙眼干）浸发，口感爽就爽喇，但稍欠龙眼嘅自然清甜香味。
虽然我哋无试到佢哋啲汤粉，但所食到嘅几样出品都唔错，加上招呼几好，环境又舒适（当然，我哋嚟得早，人客唔算多），老婆就最钟意个炒椰菜苗嘞！晌枱上，发现啲牙签印有「荔园茶餐厅」嘅字样，再翻查资料，原来呢个铺位上手就喺做紧「荔园茶餐厅」，睇番啲旧食评，仲沿用番部份装修，未知今次嘅「冬荫Noodle」喺咪东山再起？希望能做出成绩！
张贴
