阿Phit泰國菜 (已結業)

香港大學B1出口附近既一條巷仔正常係點都唔會行入黎但呢間野真係套好食係可以入去排為左食一食個金邊粉繁忙時間一定要排隊如果想唔排隊既可能要下午茶/9點幾10點既時間黎.1️⃣泰式炒金邊粉HKD$60佢唔辣既 但勁足料花生 豆腐乾 青檸記得要落青檸 落完好食勁多重點係炒完唔會覺得好油每次黎食都keep到 又一樣咁足料.2️⃣沙嗲串燒雞/豬HKD$78雞好嫩滑 但豬有小小韌大份唔會好乾 沙嗲醬好食.3️⃣青咖哩牛肉飯HKD$68牛肉吾韌 咖哩好香 唔太辣 泰國風味十足.4️⃣馬拉盞魷魚炒芥蘭HKD$78魷魚爽口新鮮 芥蘭新鮮唔油唔肥 香口平！靚！正！的餐廳

是日選舉 今日同叮叮食個午飯 由於時間限制得1HR所以就試左lunch set menu既金邊粉同埋都快上菜既生菜包包因為地點附近多住宅 且鄰近大學所以午飯市都坐無虛席 12點坐低一陣都爆滿 都有唔少人叫外賣生菜包包(4/5)熱門傳統菜式 刀功好 食落各樣配料都大小一樣 口感滿足（不過係有啲辣姐）但本人唔係好食得辣泰式炒金邊粉(4.5/5)又一必吃泰國野 花生碎粒 豆腐乾唔係度度有韭菜芽菜各配料都搭配得宜午市餐有跟野飲 所以都好抵吃 不妨一試同埋都見到好多人叫海南雞飯 冬蔭公湯下次有機會都想同叮叮試其他美食係咪呀哈姆太郎

泰國人主理嘅泰國菜館係香港多不勝數，各具特色。今次一行8人由表姐發板嚟到佢嘅食堂，所有食物一早訂好，坐低已經有得食冬陰功海鮮湯 - 海鮮足料，有大蝦，青口，魷魚，蝦味香濃，冬陰公唔會過辣生蝦刺身 - 店主為確保質數，即使預早訂都要當日買到新鮮蝦先有得食，想即時encore都冇機會，沾上泰式醬料，絕對係必食之選燒牛肉 - 7成熟恰到好處，碳爐燒出少少焦既效果，表面又唔會太乾蝦餅 - 薄薄一層炸麵包糠，蝦膠Q彈鮮味，唔會粉太多或者霉既感覺鹽燒紅鰂 - 整條魚唔走鱗，用粗鹽包住燒，估唔到燒出嚟既魚肉可以滑過蒸魚而且更加鮮味生菜包 - 肉碎肥瘦適中，有泰菜既酸辣香味，用新鮮生菜包住，最好可以一啖放入口，野味得嚟又加少少清新燒豬頸肉 - 蜜糖味香，豬頸肉爽去骨海南雞 - 去骨既雞最啱懶人如我，皮連肉一齊食，雞味突出咸魚炒椰菜苗 - 新鮮椰菜苗個芯唔會苦，加埋咸香味同辣椒絲就更吸引泰式炒金邊粉 - 帶少許甜味既炒河粉，材料有韮菜，芽菜，豆乾，蝦仁，花生碎及青檸，夠火喉斑蘭糕 - 就算飽都要食既甜品，煙韌既斑蘭糕蒸完帶點軟綿綿再加椰汁，要我點樣抗拒

今次終於多一個人喇，可以叫多一個餸，好好彩晏晝打去訂都仲訂到位，可能佢唔係响大街大巷啦，唔係住西環或者無人介紹，都真係會錯過呢間隱世小店，雖然附近都有好幾間泰國食肆，但我認為呢間最啱我口味。炸蝦餅每次嚟都叫架，蝦餅有蝦味，真材實料，熱辣辣香脆可口，必食推介咖哩炒蝦有5隻中蝦，開咗邊方便食，蝦肉爽口入味，另叫一個白飯點晒d汁海南雞半隻家姐上次食過之後話好好味，今次要再encore，雞皮雞肉依然又香又滑，連伴碟既青瓜都覺得好fresh，成碟清埋泰式炒金邊粉炒得乾身唔會一嚿嚿黐實晒，味道啱啱好又唔辣，大碟兼多料珍多冰x2椰汁冰後記：一定要訂位，尤其一大班人去，因為得一張大圓枱咋四人共消費 : $400