Ann Mamma Thai kitchen by 張秀玲

营业中

休息中

最近都好想食泰國菜，張秀玲呢間餐廳名聽就聽過好多次，但之前食過未食過！去到餐廳門口就發現原來係一間文青風嘅泰國餐廳，主打環境舒適同埋份量夠多！泰式燒豬頸肉飯💰HK$78賣相好吸引，但豬頸肉一食落去冇果重有特別燒過嘅焦香味，而且醬汁偏甜，成個感覺就好似食緊港式叉燒咁，冇咗泰國特色！再加上飯嘅份量雖然好多，但係因為個豬頸肉本身冇乜醬汁，所以搞到成個飯好乾～泰式無骨滷水豬手飯💰HK$82滷水豬手飯有驚喜，豬手份量好多，啲肉燜到啲好淋，豬皮嘅部份入口即溶！而且有大量滷水汁，令到個飯好入味，忍唔住食哂啲飯～

一開始係比佢出面純白色既look吸引到，本身以為應該似係一間cafe，但係原來係食泰國菜㗎wor😯Ann Mamma Thai 個名幾特別😂出面見佢既午市套餐都幾啱食，就入去食lu。一入到去覺得佢既防疫措施做得幾足。首先餐具全部係比一人一set即棄既你，仲有檯面有幾個細細個既透明膠袋比你入口罩😷  覺得呢間泰菜幾好食，而且啲嘢食份量都幾大份👍由點餐到有嘢食都幾快手，但係出到黎既嘢食質素一啲都唔馬虎，樣樣野都幾好味。   1⃣️泰式燒豬頸肉飯（$78）豬頸肉同飯既份量都極多，食極都好似仲有咁😂豬頸肉燒到個邊微焦，有少少脆，唔會燒到乾柴，食得出少少炭香，好惹味🔥再點埋佢附上既酸酸辣辣既醬汁黎食，好好味。  另外佢仲比左兩片青瓜，青瓜好新鮮好爽口🥒  同埋佢啲飯真係好多好多，多到我覺得可以兩個人食都夠飽。  2⃣️泰式無骨滷水豬手飯（$88） 豬手同飯既份量都係好多。呢度既滷汁就冇乜特別。不過啲豬手全部冇骨食落好方便🤗啱曬我呢啲懶人。同埋佢豬手既肉都算肥瘦適中，唔會有成舊肥膏係度。  3⃣️菠蘿炒飯（$88） 呢個我都好鍾意食啊😍有肉鬆有蝦有粟米有豆有菠蘿。炒得好有鑊氣！炒飯唔會太乾太油，而且佢啲菠蘿食

新年果陣行山行到黎荃灣已經想食，可惜當時未開市，結果係附近食左間麻麻地既餐廳☹️。今次黎荃灣，終於可以試到呢間人氣店😀。餐廳名「張秀鈴」三隻字雖然細粒，唔起眼，但佢別樹一格既門面設計同外面個街市已經形成強烈對比，加上白色既外牆，令佢更顯眼😃。星期六下午1點黎到，無需等位可以直入🙊。不過，始終都係週尾，大家都瞓得比較晏，過多半個鐘門外就有人等位。餐廳樓底好高，有閣樓，但唔似有座位，唔知係咪貨倉呢?!店內café 式裝修，淺色系既配搭，木系玻璃摺門，增加店內透光度，加上當日陽光普照，令我同友人有一種身處異國既感覺。午市套餐選擇雖然唔多，只有9款，但貴精不貴多，就如今次試既兩個餐，質素相當高，無論係份量、賣相、味道、價錢、上菜既速度等都值回票價，加上而家做緊午餐每人減$8優惠，即使有人龍都要等!!黎之前已經睇過食評，有關烤雞飯既食評好少，但自己想食木瓜沙律，所以無點大熱食物。好彩食物出乎預料既好，完全無令我失望😋。烤雞青木瓜沙津配飯 $68本以為沙律只係伴碟，無諗過居然係主菜，份量同雞扒一樣多!! 老實講，我個人覺得唔配白飯都得，因為根本食唔哂!!烤雞扒雖然稱唔上嫩滑，但調味剛好，有香茅味；沙

久違了的二人約會，疫症之下真係好耐無見了，難得友人放紅日，一定要聚下，上網找了一間感覺舒適又有特色的店子，Ann Mamma Thai kitchen，主打泰國菜，見主菜及甜品都好吸引，午餐又幾抵食，又幾近南豐紗廠飯後去行下，一於去試下先。約1:40到去到，因為冇book位預左等，幸好剛有位，唔洗5分鐘有得入去了。 餐廳有兩層，面積頗大，不論門面及內堂都有小清新之感。 午市套餐，最有興趣海南雞，同見到好多人都食呢個，似乎係人氣之選，可惜當日甜品售罄><，無得食了。 食物有好多選擇。 青檸梳打，想試沙冰的當日售罄，即轉了呢個，夏天飲，爽! 凍泰式青檸茶，友人的。 海南雞配油飯，$78。 份量頗多，雞肉嫩滑，配上泰式酸辣汁及黑醬油更有風味，油飯粒粒分明，有陣陣油香，不俗。 泰式無骨滷水豬手飯，$78，豬皮有彈性，肉質口感鬆化，香濃好入味，滷水撈飯美味。 蝦餅(2件)，+$28，入口香脆彈牙。 芝士醬薯條，+$15，感覺比較hea，芝士醬太少，粗薯條夠熱，味道普通。食物味道不俗，價格合理，坐得舒適，服務幾好，下次有機再來要試下甜品。

地址喺正街市對面 完全估唔到有間咁出色既清新文青泰菜館店面明顯花心思裝修 格調似cafe忍唔住影多2張相重點係......呢間餐廳唔單止菜式好味 環境舒服 仲要平民價錢好難唔回頭喎🐽泰式無骨滷水豬手飯好味又大碟！滷水豬手軟淋入味一啲都唔油膩反而配上泰式醬汁 既酸且辣 好開胃.可能我喺下午茶時段黎所以唔算好多人 亦唔洗等位今次既評價真係100分又抵又好味既小店 真係越黎越少希望可以努力保持出色嘅水準啦期待晚市再黎 試更多菜式