芭堤雅小廚

营业中

休息中

大尾篤玩完水，附近搵地方晚餐，見到呢間舖頭裝修企理，餐牌吸引就入去食。泰國嘢基本上唔會差得去邊，最鐘意啲酸辣爽既美食泰式燒豬頸肉 4.5/5好食，燒得好香，又唔會太乾，配上辣醬食一流。泰式雞肉生菜包 4/5生菜新鮮，雞肉碎份量足夠，由芫荽洋蔥炒乾而成。泰式醉貓豬肉炒河 4.5/5原本以為係肉片，但原來係肉碎，炒得好香，有穫氣，嗰啲豆粒清爽甘甜，寬河粉又爽又滑，辣得過嚟。馬拉盞炒通菜 3/5食泰菜必叫既通菜，煮得太淋，唔夠爽脆，但都好食。芭堤雅煎蠔餅 3/5一上菜就好香既蛋味，但無乜蠔，最好快啲食，凍左就會腥。地理:對面就係泊車咪錶位，方便渣車人士，始終呢到大尾篤得巴士小巴入嚟，好少可突登入嚟食呢啲。環境:乾淨企理，5點半入座，未有太多客人，坐得舒服。價錢:每人160蚊食到呢啲質素算係咁，性價比高，本身以為會比人當遊客咁劏。服務:上菜快，細心，會同客人講咩菜會辣。

入大尾篤除了BBQ、大眾踩單車郊遊上之外, 還有可吃泰菜, 我不想弄污雙手, 所以建議行程還是先吃泰菜, 才踏單車, 走到水壩那邊, 坐在石壆上休息, 微風吹著是何其寫意.食泰菜，金柚沙律是必點的！大蝦約兩至三隻，整個沙律是最好的前菜，金柚夠清甜，少少酸味的汁，很開胃, 中間亦有脆脆的乾蝦粒。很欣賞在賣相方面的心思, 以柚皮及生菜把沙律包裹著泰式燒豬頸肉燒得夠香口, 每片厚薄適中, 肉汁仍在, 淨吃已經好夠味, 要再惹味些, 沾隨碟的泰式辣汁就最正.炸蝦餅亦是非常值得推介! 蝦餅的彈牙程度十足, 最抵讚是不會過於油淋, 加上有泰式醬汁, 頓時覺得熱氣度減退.泰國雞飯出名, 其實豬手同樣好吃! 這份秘醬無骨豬手可真頂呱呱~ ~ 識食當然是食滑嘟嘟的豬皮, 少少黏口, 一點也不覺肥膩, 心只想著: 骨膠原, haha. 由於是骨已起, 吃時完全不需擔心有骨, 就一口咬下, 豬手肉夠軟稔, 碰上甜甜的秘製醬汁, 好sweet.嗱! 冬蔭功是沒理由不喝的! 兩隻大頭蝦兼有雞脾菇等等, 雖然略嫌檸檬葉的味道不算很突出, 但酸辣度完全合我口味, 寒冷天氣下喝一碗, 即時暖笠笠, 而且排一排汗, 有

年紀大，對於踩單車這些通常猛吸紫外線的活動都會可避則避，這天本來也推卻了活動，卻重新審視起來，因為天色是陰陰的，yeah！單車後的指定節目都是來到大尾督這一排幾間的泰國菜吃飯的，隨便的進了一間PATAYA，去到已是下午2時許，下午茶才剛開始，$3X一個餐好像很划算，可是運動過後，大家都有點餓了，大家都開始點著小菜來說。餐廳內外都極具泰國風情，即使冬天店員都穿著綠色花花短恤衫(內有長袖底衫)，對於快要出發到泰國旅行的小妹來說，恰好預先徜徉於此百嘗不厭的風情之中 頭盤 泰式燒豬頸肉、炸蝦餅，炸蝦餅是普通了一點，就是無論哪一間餐廳也弄得好的；豬頸肉也不錯啊，醃得入味也燒得香口。冬蔭功湯好有蝦味啊~~~當然啦，幾隻手掌長過手掌的大蝦一起煮，冬蔭功主要調味香料是南薑、香茅、莞茜、蔥、檸檬葉、辣椒和魚露，這個湯應該相當重手，所以有點過鹹了…芭提雅酸芒骨香魚是推介啊~~~~怎麼說，小妹真的妹仔肚，這個魚的配菜幾乎被全小妹全滅了。事實上，炸魚本身炸衣做得乾身一D都唔油，夾住配菜非常好吃，配菜好吃因為有酸芒果、西柚、腰果、青瓜絲、蒜頭，其中就是酸芒果成了定勝原因，如果用的是甜芒果，差別會很大啊~~~椰

果日同朋友去踩車，比較早入到去，唔駛點等位...幾個人都叫左唔少嘢食...個炸蝦餅好彈牙，外脆內彈，當然不缺個鮮蝦味！雖然豬頸肉未到好出色同特別，但有一定水準肉嫩外烤得少少燶，好野味燒雞勁滑呀！我最鐘意食滑既雞~又夠入味！椰菜苗真係唔係道道有得食架！我之前食過就係黃金海岸間酒店果邊食到從此愛上，呢D細細棵既苗食好爽，清甜我最怕硬掘掘既菜...呢個椰汁雞湯好勁椰子香味...好彩我就唔係好食到香茅味，我麻麻地呢陣味飲落少少辣，雞都係煲到好滑重頭戲來了！呢隻蝦職員話叫曹池，好大隻架！我地人多叫2隻會唔夠，所以呢道係例半呢道可以睇到佢有幾大隻呀，大過隻碟，同隻筷子差不多長架食落無蟹咁麻煩TIM呀！一叉就食到！蝦肉就一食就知新鮮啦，爽彈！嘻，有D龍蝦FEEL，蝦頭都唔少嘢食架...多膏架！食飽飽真係唔食過甜品都好似無左個句號咁叫左呢個泰式甜品，樣呢，就椰汁西米糕吸引點知呢！好味既係斑蘭千層糕！！暖暖地！好香斑蘭味少少黏口，我勁鐘意