雄泰

营业中

休息中

呢間泰菜算係聯和墟名物之一，好多時行過都見到有人排隊，見到排隊都驚，所以都唔係成日食😂呢日見平日仲要落雨，去到啱啱好有位～舖頭裝修有啲似大排檔咁，都幾有特色。叫咗呢幾樣～#泰式海南雞飯 $58海南雞份量算幾多，而且嫩滑👍跟咗油飯，好食～#泰式生菜包 $48酸酸辣辣，惹味開胃～#椰青奶昔 $28唔甜，幾好飲❤️#斑蘭千層糕 $25/6件見到好幾檯嘅人都有買，又買盒試吓～質感香軟，咬落少少QQ彈牙，少少甜，可以試吓～佢哋啲嘢食係幾唔錯，有機會去開要試吓🫶🏻

本身諗住出旺角食泰國嘢，但因為就唔啱時間，而朋友又話呢間餐廳又平又好食，所以就入咗嚟聯和墟食，真係令我超驚喜 性價比超高！😋🤤❤️1）泰式生菜包 $45🥬🐖每次食泰菜我都必定會生菜包，今次揀咗豬肉，食落口有肥豬肉啲油香味，好食！咁啱叫咗餐廳最後一份，好彩食到☺️☺️2）泰式淨豬手 $65 🐷豬手炆到好林好入味，基本上冇牙都食到🤣 本身個味已經好好食，佢再配埋泰式酸辣汁，點埋之後真係畫龍點睛，超開胃 送飯一流💦！唯一要彈嘅就係佢嘅豬手皮係有豬毛，食落口有種怪怪地嘅感覺🙈3）泰式炸蝦餅 $34 🍤呢個食得出佢係一炸起就上枱，熱辣辣脆卜卜！雖然得四舊 但都大大舊 啖啖肉，好食到要同朋友爭食🤣🤣4）火車頭炒飯🚂🍚呢個炒飯又係好好食 ，炒到好香好惹味！佢連埋啲菜仔一齊炒，口感好豐富，大大碟 有菜又有肉，非常之抵食！👍🏻🥰晚市嘢飲係要單點，我哋叫咗杯泰式奶茶同青檸梳打 $18@1，兩杯都好飲，充滿泰國風味！去唔到旅行 食住呢間先都開心😇睇得出呢間餐廳嘅裝修係用心佈置，但因為啲櫈係摺櫈 就坐得唔係咁舒服。餐廳勝在價錢平 嘢又好食 店員熱情 充滿氣氛，下次會再黎！😋😋

夜晚諗唔到食咩，就試下呢間泰國菜，七點幾黎到排隊等咗一陣就入得嘢食選擇唔算好多，但勝在價錢平，平均$4-50一個飯/麵，小食大約$30-40海南雞飯嘅份量都幾多，雞肉好滑同唔肥，個醬汁都幾開胃，$46黎講十分抵生菜包就比較普通，可以唔洗試見好多人叫脆豬飯，可能即整，所以呢個飯都等咗一陣。肉係半肥瘦，似燒味店燒肉，外脆肉軟，但又唔會好咸，個汁甜甜地，幾好食呢個價錢同份量黎講十分抵，而且味道唔差，環境都好乾淨，值得再去