雄泰

营业中

休息中

之前喺粉嶺返工💼，同事們帶咗我食呢間海南雞飯🐓，佢地話呢個海南雞飯係粉嶺聯和墟嘅名物✨。其實之前我哋都嚟過一次，但係嗰次食唔到，因為咁啱舖頭嗰日冇開🤣想講lunch Time呢個海南雞飯真係好搶手，我哋落咗單之後聽到廚房嗰邊嗌話剩返最後一碟😆 碟海南雞飯一上到枱，我俾佢嘅份量嚇親，佢碟飯嘅份量兩個人食都夠食😂。佢啲海南雞係好嫩滑唔嚡，而啲飯都好香雞油味😋特別想講個泰式辣醬好好味，我平時唔係好食得辣，而且平時食海南雞飯都唔會點辣醬🤣，但係點咗呢個泰式辣醬之後我覺得個海南雞變得再好食啲🤪

早幾日老公揸車帶我去大埔遊山玩水，睇完日落時間尚早就去咗粉嶺一試呢間名物😗我哋6點45左右去到已經要排隊，但係隔咗一陣咁啱有兩台食客走咗又唔使等位嚕，都幾睇彩數😅我哋想試海南雞飯，但係店員話已經賣晒😪諗住差唔多食完之前先點斑斕千層糕做飯後甜品，但係食食吓嘅途中已經賣晒😭餐廳超級多外賣單，我個飯足足等左半粒鐘🫣❤️泰式船牛肉金邊粉湯底濃郁，金邊粉口感幾好唔會好橡筋，亦都掛湯有齊牛柏葉，牛丸同牛腩，量都唔少，非常豐富👍牛柏葉爽口，牛丸彈牙，牛腩亦都好腍，整體唔錯😋❤️泰式酸辣鳳爪老公最愛，佢話個汁幾好食，鳳爪爽口👍⭐️脆豬飯因為叫唔到海南雞所以先叫呢個，但係等咗半個鐘，雖然塊皮係好脆，但係見到塊皮本身好厚油，而且啲肉既部位係超級多肥膏🤦🏻‍♀️🤦🏻‍♀️ 好後悔，早知叫燒雞飯算🤦🏻‍♀️🤦🏻‍♀️下次一定要早啲去試吓佢嘅海南雞同班蘭千層糕！😤😤😤

職員態度極之惡劣😡未食飯已經受左一肚氣！廚房質素好又如何，未食飯已經比店面職員請你食一肚氣，已經飽曬🤬請大家吾好再幫襯呢間野，員工們好辛苦架，想做死人咩！強烈建議你哋舖頭自己嘅營運改善下啦，效率低，員工做餐死，最後黑我哋客人面，客人幫襯你好似欠左你咁，咁辛苦咪吾好做囉！再吾係你加個QR code 比客人落單啦，咁咪可以做少一樣，效率咪提高啲囉，反正位都係客人自己拎架啦！再吾係客人自己攞埋餐，好似food court 咁，咪可以吾洗咁辛苦啲員工囉！專注做好個廚房就可以啦，我寧願所有野自助，吾洗受你哋氣

入到去喺門口嗰邊坐低，三個男侍應有兩個都黑口黑面。諗住叫嘢食，知佢哋忙，見其中一位侍應喺收銀處嗰邊應咗我話等陣過嚟，我都話冇問題，等咗5分鐘再回頭望，見佢哋喺收銀/整飲品嗰度吹緊水。。咁我再入手，之後我見收銀嗰邊有另一台都入手（遲過我），之前話等陣嗰位侍應明明兩邊都見到，竟然即刻去幫佢哋落單先。仲離譜嘅係落完佢哋單之後，又冇咗件事繼續喺嗰邊吹水。我最後忍唔住（由一開始想落單已經過咗10分鐘）就直接行過去話唔該落單，佢仲黑晒口面話你等等啦。。🙄出去埋單嘅時候，着黑色衫嘅另一位男侍應問我哋坐邊度，咁我指住出面門口張四人方形枱。點知佢皺晒眉頭喺度質問我，係咪圓嗰張枱啊定係邊張？ 老實講，自己唔溝通，反而態度咁差咁樣問返個客係坐邊度食咗乜嘢，真係好奇怪囉。⁉️嗌咗嘅炒金邊粉亦都好鹹，好多味精嘅感覺。。🤢冇晒之前嘅水準。總括嚟講真係唔會再去。

放假無所事事，朋友約入粉嶺食晚飯。都好耐冇食過呢一間餐廳，朋友話好想食呢一間。不過夜晚就預咗冇海南雞食，朋友話食咁就好少去啦。叫咗客翠豬一個牛肉船河，另外一個豬頸肉飯。徐豬每一次都冇失望，塊皮脆卜卜咬落去咯咯聲，一層肥一層瘦真係好邪惡，雖然望落去有啲肥，但係食落去又唔會有種好油膩嘅感覺。另外豬頸肉個份量都幾足，亦都燒得好香同埋個厚度亦都適中食落都好有質感，配埋佢個甜甜地嘅醬送飯係唔錯嘅。另外重點推介個牛肉船河個湯底真係好好味，牛肉相當濃郁，湯底亦都好清甜，真係好食到連個湯都清埋。兩個人食都係百零蚊，真係抵到爆。事次用餐為自費。

雄泰一向是聯和墟的星級餐廳⭐️不僅是本區街坊的日常飯堂，亦是區外遊客來粉嶺覓食的必到景點🍚其海南雞飯更是熱門中的熱門，經常在營業兩小時後便售罄🔥受歡迎程度可見一班。———————————————————————雞肉有兩層🐔份量非常之多，是多到令人震驚的程度🤯🤯而且全部雞肉都已去骨，讓人吃得非常開心😆上層的雞腿肉肉質非常嫩滑，雞皮的油脂亦令雞味更加香濃😊即使不沾醬汁也非常鮮味👍🏻而下層的雞胸肉同樣十分高質，肉質結實得來同時非常嫩滑😋絕不比雞腿肉遜色😚而油飯方面，香料味恰到好處，而且毫不油膩，與海南雞相輔相成🫡脆豬飯亦是雄泰的招牌菜之一。脆豬肥瘦相間🐷肉質鬆軟，豬皮部分非常香脆，整體口感令人相當滿足🤤脆豬本身調味偏鹹，與酸甜的醬汁非常配合，醬汁亦令脆豬的膩感大大降低😇不過與海南雞相比，脆豬本身就是偏油的菜式🤔帶來的負擔感難免亦會比較重，健康人士可能淺嚐就好🤏🏻🤏🏻———————————————————————雄泰雖然沒有豪華的裝潢，但每道菜式都花盡心思製作💕而且份量十足，絕對是以實力說話的小店🫡

今天晚上做完運動到訪聯和墟覓食，來到一間叫雄泰的泰國餐廳。坐下沒多久，外邊已經排長龍等位，還好早了一步入座！點了冬陰湯粉配雞肉，酥炸泰式炒金邊粉，羅勒葉肉碎蛋飯，小食叫了一款泰式蝦餅。本來想叫海南雞飯，可惜已經售罄。泰式炒金邊粉腸粉炒粉不會一pat pat，有口感，比一般的炒金邊粉偏甜。羅勒葉肉碎蛋飯，惹味可口，羅勒味很香，肉碎多過飯，抵食！冬陰功湯也是香口，椰奶香味濃郁，也是偏甜，但很好入口，喜歡喜歡！

雄泰嘅海南雞飯好多時喺中午就會買晒，遲咗去或者夜晚先至去嘅話好大機會食唔到，不過海南雞翼飯就冇咁快買晒，如果唔介意有骨嘅話都可以一試。海南雞翼飯同海南雞飯一樣都係配油飯，其實入面唔止得雞翼，仲有雞鎚，加加埋埋大概有8件雞，雞嘅份量唔少，雞肉食落都一樣係咁嫩滑，而且有雞油香，即使唔係平時嘅海南雞咁食落啖啖肉，但係其實都幾滿足，價錢上仲平少少添！除咗海南雞飯，雄泰嘅脆豬飯同埋酥炸豬腩肉飯都好唔錯！！！

今日早咗出門口，諗起可以食聯和墟嘅雄泰11:30am到，唔使等位，未夠12點已經坐滿人，門口亦大排長龍一開頭得一個侍應落單，手腳亦比較慢。落咗單後全場一齊等左15分鐘先有嘢食，想嚟食嘅要有心理準備無乜服務同埋出餐好慢-一定要食嘅泰式海南雞飯🐔🍚想食海南雞嘅一定要早啲嚟，因為通常一點幾就已經賣晒成碟份量超級多，一碟有齊雞胸同雞髀，而且無骨。雞髀好滑、爽彈，雞胸相對鞋口同有啲乾。加埋配有泰式汁，少少酸，味道平衡開胃🤤油飯相對較乾身，香而不膩，都係做得相當出色-冬陰公蝦金邊粉🍤🍜本身想叫米粉，但今日無米粉叫左金邊粉，食落又唔錯喎，軟硬適中，一個人食份量都足最欣賞係個冬陰公湯底！呢度嘅冬陰公湯底同一般餐廳既嘅冬陰公湯底好唔同，椰漿比較多，酸味較少，絕對值得一試！👍🏻蝦就遜色左啲，雪藏蝦無乜鮮味，都至少係爽彈(sorry食左幾啖先記得影相)-泰式墨魚餅🍥好薄身，如果厚少少口感會好啲質地喺爽彈既，不過無一粒粒既墨魚不過不失既質素(sorry剪開左先記得影相)-飲品🥤星期一至五食午餐可以特價追加飲品，今日加$5可以飲泰式奶茶泰式奶茶茶底好香，入口亦非常順滑，唔會死甜，相比係泰國飲既淡口啲。本身以為啲

11點20分到，入座時，全場得我同另一枱客。11點25分落單，叫左船麵同脆皮豬飯，2杯野飲。野飲上得好快，3分鐘到就有，等左半個鐘。我杯野飲飲哂。12點至有野食。

呢間泰菜算係聯和墟名物之一，好多時行過都見到有人排隊，見到排隊都驚，所以都唔係成日食😂呢日見平日仲要落雨，去到啱啱好有位～舖頭裝修有啲似大排檔咁，都幾有特色。叫咗呢幾樣～#泰式海南雞飯 $58海南雞份量算幾多，而且嫩滑👍跟咗油飯，好食～#泰式生菜包 $48酸酸辣辣，惹味開胃～#椰青奶昔 $28唔甜，幾好飲❤️#斑蘭千層糕 $25/6件見到好幾檯嘅人都有買，又買盒試吓～質感香軟，咬落少少QQ彈牙，少少甜，可以試吓～佢哋啲嘢食係幾唔錯，有機會去開要試吓🫶🏻

假日家人說要去遠啲食午餐佢哋之前已經嚟過幾次都大讚餐廳出品好食橫掂有人願意車出車入接送交通不成問題就願意一戰落雨天附近都無咩泊車位淨我先去攞位小等了15分鐘都有位了餐廳位置都算大但香港地食飯都少不免要同人搭枱的因為事前已研究餐牌一有位已經可以落order叫了海南雞飯, 燒雞飯, 牛肉船河和脆豬小食每樣食物份量都好足夠一份飯甚至二人分食都夠飽海南雞嫩滑得嚟有彈性調味恰到好處燒雞排亦十分滑溜雞皮亦燒至卡滋卡滋沒有肥肉肥膏油飯亦少有是有味飯不如坊間普通薑黃色米飯只是略嫌濕潤了少許牛肉船河份量亦好大碗牛腩油潤不柴口牛丸亦有肉汁湯底屬濃甜口味食到最後連湯都喝清光但出名的脆豬就有啲失望醃得太咸不知是採用的豬肉部位還是切肉方向有問題肉質比較乾柴旁邊醬汁亦掛不上肉感覺有點格格不入的感覺但整體而言, 食物大多都十分好吃抵食服務亦不錯典型香港服務快靚正你快速直接表達店員亦即刻交貨推薦推薦！

是日到粉嶺探望朋友，朋友介紹有間隱世泰國菜小店，愛吃嘅小妹我當然要到訪試試看😚🤤午餐~~泰式海南雞翼飯 $50船湯粉(豬) $55泰式蝦餅 $38海南雞雞肉嫩滑，船湯粉湯濃郁，配料多，蝦餅大大塊，炸得剛剛好，金黃香脆，餐廳裝修充滿懷舊色彩，牆上掛滿油畫，櫃內放滿擺設，食物美味又便宜

店員同我講1:30已經冇海南雞飯食我好傷心但係店員推薦咗食呢個燒雞飯非常之好食我見基本上OpenRice或者係各大平台都推薦呢一間嘅海南雞飯我都好希望可以試到但係燒雞飯覺質素非常之高，非常之泰式個汁醬非常之好味，所以建議如果大家有機會入咗去粉嶺的話可以試一試呢一間非常之推薦

唔想排隊去咗幾次都係兩點後去到, 但每次都話海南雞飯賣曬, 名物？嘥氣唯有叫其他嘢食, 唔係正宗泰國菜, 味道普通但唔係難食, 冇泰國菜嘅味道.去到九龍城是但行入一間食泰菜嘅都好食過佢唔明點解咁多人幫襯