四面泰泰式火鍋

营业中

休息中

我最近睇咗Foodie 的推薦，光顧了這一間泰式火鍋店。在查看menu時，發現午市二人套餐只需 $299，好似好抵食，因為菜式看起來很豐富。上菜後，作為一個二人套餐，份量實在太少。以下一張相片，已是全部的餸：1）牛肉2）墨滑滑、蝦滑、牛丸、豬肉丸3）蔬菜拼盤4）河粉另外，冬陰功湯底正常發揮，不過不失，但鴛鴦鍋另一邊的椰奶湯底味道非常淡，被冬陰功的味道完全覆蓋。而食材的質素也不太理想。牛肉味道一般，無咩牛味中，啲丸類直情唔掂，得蔬菜、河粉正常。附送的蝦片飲品仲要額外加錢 +$28可能係成餐飯最好，有啲似楊枝甘露嘅飲品。總的來說，我對這次用餐的體驗感到非常失望。從份量、湯頭到食材品質，都未能達到我的期望。

同朋友想食打邊爐，網上面見泰式邊爐咁特別，就決定試試。入到餐廳環境寬敞，感覺好舒服。有貼心的叉電線和圍裙坐低職員就攞上一盤蝦片，蝦片可以免費添，味道仲要好好味😋。好想食一盤又一盤，但要留返肚打邊爐。餐廳有自家製的特色醬料，青色是泰式青檸醬是用來點海鮮，酸酸地。中間是椒麻醬油是辣辣地，最後一個正是泰式酸辣醬用來點丸和肉類，三款醬料都各有特別。因為自家製造需要收取$15醬料費，但當中包含小食、茶水和紙巾。秘製冬陰功慢燉牛板腱雙拼鍋是一個可以飲的湯底，餐牌介紹用牛板腱和牛骨慢燉360分鐘的湯底，湯底香甜美味有濃濃的牛味和多塊的牛板腱肉。我足足飲兩大碗，餐廳職員仲會不停幫我添湯。而冬陰功湯酸酸辣辣好野味，湯入面有好多隻鮮蝦，蝦🦐都好新鮮。（美食推薦度9/10）美國嚴選牛板腱肉質比較結實，有濃濃的牛肉味，不是油脂感極重。牛肉質素幾好，咁新鮮。（美食推薦度7/10）四面拼盤（4粒）-蝦丸、牛丸、墨魚丸、豬肉丸一份丸齊了四款丸，一次過試晒咁多種口味。四款丸都彈牙好味，但本人最喜歡是牛肉丸，因為牛肉丸有濃濃的牛肉汁在口中爆開。（美食推薦度8/10）蜂巢豆腐打邊爐必要叫，蜂巢豆腐整個吸飽飽湯底，會咬一啖

四月四日兒童節，相約家人一起慶祝侄仔入到心儀的中學，好過中六合彩🤣🤣🤣！大家北上消費，我一行五人留港消費，刺激經濟😬😬😬！前兩日打電話訂枱，去到唔駛等就有位，但坐得比較迫，要問侍應取椅放東西。我叫了3-4人寶藏海鮮手工金盒連雙併湯底，一邊冬陰公湯底，另一邊椰奶雞肉湯底，究特別。另加叫美國雪花小牛排、牛板腱、鮮腐竹、手工韭菜餃子、蜂巢豆腐、泰國船面河粉鮮手打烏冬。飲品都好好飲和精緻，分別叫了泰式手標啵啵奶茶、奶蓋手標啵啵奶茶、鮮芒芝士奶蓋和泰式芒芒碌碌。海鮮手工金盒內有鱔、魷魚、鮑魚、鮮魷魚丸、扇貝、蝦、珊瑚蚌，全部好新鮮。值得一試，但是份量比較少。

沙田行商場，我發現有午市火鍋既餐廳—四面泰。我好滿意餐廳環境同衛生，叫左一個午市一人套餐及炭烤豬頸肉，上菜前有炸蝦片食住先。首先係椰奶雞湯鍋，熱左之後散發濃郁的椰奶香氣，我先飲一啖湯，好好味，口感順滑。主菜有美國嚴選牛板腱同埋泰國金邊粉，放落火鍋好快就食得，牛板腱同金邊粉吸收曬湯汁，真係好好味。泰式芒芒碌碌係我飲過最好飲的芒果飲品，又甜又可以食到好多果肉。椰汁芋頭馬蹄西米榚好可愛，配有粟米粒，芋頭甜蜜和馬蹄清甜而爽脆。

沙田新城市廣場開左新泰式火鍋店，好特別同埋少見，燈飾好靚可以畀人打卡。門口有職員話有一人鍋，我就黎試下慢燉牛板腱清湯鍋。餐廳提供左三種特色醬料：青檸醬、酸辣醬及椒麻鼓油，並講解食法。未上菜前有蝦片零食，脆口不重味。美國雪花牛小排同埋生蝦都好新鮮，肉質美味可口，仲要混和以上三款醬料，十分滋味。泰國船面河粉已經夠飽，而且仲有好多蔬菜，份量充足。泰式芒芒碌碌配有西柚、椰汁和西米，適合我降火。最後不得不提係炭烤豬頸肉，燒得剛好，帶出到燒烤風味，肉質嫩滑，非常好味，大力推薦朋友要試試。

之前經過見到呢間泰式火鍋，畀佢啲飲品，甜品，湯底吸引咗，所以生日嚟試下叫左個$488海鮮set連湯底(湯底有三款任揀，可以雙拼，我地最後揀咗牛燉湯同椰奶雞湯雙拼，冇揀冬蔭功)佢包三款泰式醬料俾你點(原來有收醬料費$15)，亦有蝦餅任食我哋另外嗌多咗份美國雪花牛小排，腐皮卷 ，一杯泰式芒芒碌碌，最後冇試到招牌椰皇凍($58)我好鍾意個椰奶雞鍋，好香椰味個海鮮拼盤麻麻地，又唔係特別好食，最唔抵食係呢個牛ok同港式楊枝甘露完全冇分別，係好飲但早知嗌馬蹄椰子水試下啦兩位埋單$935，個set好唔抵，搞到成餐都好貴早知唔食海鮮拼盤，散叫個湯底再加其他野食仲好