阿來泰式地道風味

营业中

休息中

呢間泰國菜餐廳CP值真係爆燈🤣，每人百幾蚊已經食都好飽，而且好好食呀。🔹️阿來海南雞飯 $58雞肉好嫰滑😍，份量幾多下，$58來講超抵，泰式醬汁用來點雞肉真係好正。🔹️泰皇咖哩火山軟殼蟹法包🦀 $158火山包好大份量，軟殼蟹好厚肉🦀，炸得好脆，咖哩好惹味😋，個包吸咗咖哩都好正，🔹️泰式炒金邊粉 $68金邊粉炒得幾香😋，唔會太乾或太濕，酸酸甜甜，食落幾開胃🔹️芒果糯米飯 $58芒果新鮮🥭，糯米蒸得啱啱好，好有口感，配埋椰奶幾正呀。

阿來其實係泰文🇹🇭發音，係美味咁解，店主希望可以滿足食客既味蕾，帶黎美味可口既食物，呢個初衷幾好👍🏻 裝修行簡單既泰式風格，以深啡色為主，幾光猛，店員既態度都好，要佢地幫手都唔洗等好耐～ 野食方面價錢親民，全部都正宗又有鑊氣，惹味又好食😋(5 😍 係滿分，🤩係半分）泰皇咖哩火山軟殼蟹法包 🇹🇭🍛🌋🦀🥖 - $158 (好味指數：😍😍😍😍🤩)個法包🥖超大，質感濕潤軟熟，而且索晒咖哩汁🍛既精華幾正🤤 今次既咖哩係泰國🇹🇭既黃咖喱🍛，裡面有紅蔥頭、大蒜🧄、薑黃🫚、香茅🌱、芫荽籽、孜然、小荳蔻、肉桂等等，再加埋椰漿🥥、椰子忌廉🥥同棕櫚糖等等，仲有啲蛋花🥚tim😜 所以味道比較溫和醇厚，但依然濃郁惹味，個軟殼蟹🦀有成6舊，炸得酥脆，味道鮮甜甘香，唔會有油溢味，夠新鮮～馬拉盞炒椰菜苗 🔥🥬 - $68 (好味指數：😍😍😍😍)馬拉盞係東南亞常見既調味料，主要用蝦醬🦐、蝦膏🦐、蝦米🦐、蒜頭🧄、炸蒜🔥🧄、炸乾葱、紅葱頭、乾椒、紅椒🌶️等食材加工而成，用嚟炒菜🔥真係有鹹香又香口，啲椰菜苗🥬真係細細條咁，口感爽脆，惹味又入味，唔會過鹹同過油，又無草青味🌱～ 泰式香芒蟹肉炒飯 🇹🇭🥭🦀🔥🍚 - $73 (好味指

一去到見勁full以為要等，原來樓上仲有位，仲坐得舒服啲😳，長期都有店員喺上層，唔會被遺棄😂。Menu選擇多，落單講no.就ok～上菜速度快👍🏻🔅泰皇咖哩火山軟殼蟹法包 ($158)見到呢個賣相好吸引，係必叫item😍。份量都幾多，軟殼蟹🦀炸到幾脆又厚肉，包又好大個🍞，點埋咖哩一流💕🔅辣椒膏蝦頭油海鮮炒飯 ($68)炒飯幾香幾惹味，唔算好辣，海鮮好足料😋🔅豬頸肉炒通菜 ($78)超多通菜🥬，豬頸肉都唔少，被埋沒喺通菜堆入面🤣。蒜蓉炒得幾香幾惹味🔅蒜茸包(4件) ($38)包幾厚，偏大片，蒜蓉味香啲就好😝💬Overall性價比頗高，食物份量偏多又唔貴👍🏻

媽媽唔想煮飯，所以同左佢黎旺角食野地鐵過黎五分鐘左右就到 泰式鮮蝦炒金邊粉：🍜金邊粉幾順滑，加埋新鮮既蝦仁同泰式調味，入面仲有大量芽菜同蛋絲泰皇咖哩火山軟殼蟹法包：🦀🥖軟殼蟹放左係法包上面，淋埋咖哩醬上去，望落幾靚仔軟殼蟹同法包都外脆內軟泰式鮮蝦柚子沙律：🥗大量柚子同大蝦加埋辣椒、檸檬汁同魚露調味，好泰國風味 椰青：🥥有驚喜，比想像中大個! 椰青水飲落有濃郁既椰香，而且好多果肉~中意挖埋d肉食，好清甜ヾ(@^▽^@)ノ

📌 阿來泰式地道風味 - 旺角通菜街97號地舖🗓(10/1) 星期二 ⏰ 晚上7點左右 💈特式：旺角呢間泰菜都已經有一段歷史，我以前都有食過數次，我一向比佢嘅評價都唔錯，見佢Openrice有近1000個正評就知大家都認同。🥩🍔🌭🌮🥗🥯🥘🍲🍝🍣🥟🍤🍱食物：佢地個餐牌都清晰同有好多種類嘅選擇，仲會有幾個2/3/4人套餐比客人選擇，仲不時會推出新產品推介比客人，等我同大家講下🇨🇷味道先。泰皇咖哩火山軟殼蟹法包 - 呢個我見係店舖推介之一，亦見到其他枱客人都有叫，我覺得呢個size幾好，夠3~4個人食，但又唔會太大搞到食唔到其他野，軟殼蟹都有成6大舊，個咖哩汁係加左蛋花個隻，特別香，又唔會辣，適合大眾口味。泰式無骨酸辣鳳爪沙律 - 呢個沙律分量都唔細，有超過10件鳳爪，酸辣度都適中，沙律菜亦好新鮮，好fresh好開胃。泰式炒什菜 - 個炒什菜入面有唔少種類，包括椰菜/菜芯/芥蘭/紅蘿蔔/粟米芯/菇，味道清清地，好有家的味道。☕️🍵🥤🧋🍺🍷🥃🍹🧉🍾🍶🥛飲品 - 飲茶就有一般咖啡/奶茶/檸茶/檸水/朱古力/夠華田，另外當然有椰青/泰式特飲，同泰象啤酒。🍽環境：餐廳就係正正常常泰式餐廳裝修，有

今日要去旺角買少少野，順便係附近揾食，天氣熱到甘，食泰國菜就最好啦！係先達對面見到有間泰國餐廳，未到晚餐時間五點幾到都好多人幫襯，感覺幾有品質保證！舖頭有分上下兩層，上層係多人圓枱，下層就係二至四人枱。除咗堂食，外賣自取5:30後仲有九折，見到好多人都會嚟買外賣！金柚子鮮蝦沙律（$68）今日係大暑，當然要叫啲清新嘅前菜，呢款沙律有兩隻大蝦加上滿滿柚子肉，已去皮去籽撕好嘅柚子肉配上泰國紅蝦米、椰絲、蔥、蒜、花生同辣椒等，口感好豐富，就算唔食辣嘅朋友都可以食！泰皇咖哩火山軟殼蟹法包（$148）居然喺呢度搵到咖喱法包！軟殼蟹大大件又熱辣辣，炸到好香脆，如果有得單點就好啦！咖喱汁方面，入口有香濃椰汁味，法包烘到焦香脆口，蘸埋咖哩汁食，超惹味！泰式炒金邊粉（$53）份量大到夠兩個人食，性價比好高！食之前記得要擠青檸汁，想增加口感同香氣就撈少少花生碎，唔辣入口有少少甜味好似喺泰國食嘅Pad Thai甘。椰汁三色冰（跟餐+$6）食泰國嘢點少得飲椰汁冰，冰凍香甜嘅椰漿加埋三色珍多粉條，非常解暑！

香港慢慢踏入濕熱既天氣，令我愈來愈思念旅行既滋味，特別係泰國潑水節即將係4月慶祝，所以今日就黎同朋友食呢間泰國菜解愁。由於朋友唔食辣，所以我地今次主打唔辣既泰菜😋泰皇咖哩火山軟殼蟹法包 $148 6.5/10一放低既時候真係令我相當震撼😆因為咖哩如同火山一樣滿瀉整個法包，黃金色既軟殼蟹就係火海中載浮載沉🤤泰皇咖哩椰香滿滿，其他香料味略為遜色，麵包好快就淋咗，下次一上檯最好就要食咗呢道菜先🙈泰式小食拼盤 $138 8/10拼盤有蝦餅、素春卷、魚餅同埋雞翼，最好食既係炸蝦餅，蝦味濃郁食落彈牙👍🏻魚餅入面有香茅羅勒葉等香料，夠哂鮮味提神☺️