SuperNormal (淘大商場2期)

营业中

休息中

今日難得放假，於是出九龍灣行下街，發現有間餐廳做緊德國咸豬手優惠，緊係要試試🤤 。平日晚市都好熱鬧，差唔多坐滿晒呢!宜家叫一份德國脆皮鹹豬手，先$98真係好抵食，仲有三款唔同口味選擇:包括柚子味、泰式袐製汁同蒜香黑椒。我哋就叫咗蒜香黑椒，豬手充滿蒜香味，帶有少少黑椒嘅辣味，香口惹味! 而且外皮炸得香脆，皮脆肉嫩，一啖就食到兩種口感。而酥炸魷魚份量都好大，即叫即炸，炸得外脆內軟，好邪惡呀~另外，再叫咗一份洋蔥甜酸醬烤雞，雞肉嘅肉質細膩，仲保留咗肉汁，香噴噴之餘仲熱辣辣呀！✨ 德國脆皮鹹豬手 ✨ 酥炸魷魚✨ 洋蔥甜酸醬烤雞 ✨ 菠蘿荔枝四季春茶 ✨ Sapporo

基本上淘大想搵間有氣氛、環境舒服、適合慶祝、價錢超抵、好食嘅西餐廳，應該淨係諗到呢間。最近晚市仲要做緊優惠，全單八五折或者食$98豬手。呢間處理肉類十分出色！！！每一碟Main都係on my top list!!!柚子蜜啤酒浸脆皮德國鹹豬手必叫！必叫！必叫！重要事情要講三次。真係好食又抵到想叫多碟，可惜8人以上先可以叫兩碟$98 ~ (當然可以比正價$178叫多碟，不過佢其他嘢食都好值得試)豬手皮十分脆，但完全唔硬！(食過好多次豬手，啲皮通常都會燒到硬哂、唔係脆)正宗食德國豬手，一定要夾啲酸菜，加啲蜜糖芥茉醬，佢連呢啲配菜、醬汁都係完美。日本柚子肉鮮蝦沙律沙律有滿滿嘅鮮蝦、柚子、果仁，好食！今時今日好多沙律都係用冰鮮蝦，佢唯一真係用鮮蝦，仲要清咗條腸，睇得出廚師用心，對得住個價錢。白酒忌廉煮青口配香草蒜蓉包個汁好濃，好香白酒、重忌廉、牛油味，蒜蓉包可以點到啲汁嚟食，幾正。朋友反映偏鹹，我個人認為係個青口嘅海水鹹味居多，幾鮮味。日本刺身帶子龍蝦汁燉飯見到最多人推介呢個飯，真係ok不錯。帶子及鮮蝦，煮得剛剛好。龍蝦汁唔會好濃、過鹹，好送飯。米嘅軟硬度適合亞洲人口味。呢碟飯相對份量會較少一啲